ISAÍAS 30:22 - Biblia Guarani Tumpa Iñee

²² Jayave, reröɨrota remae mbae iä korepoti pe jare oro pe oñeova vae reta re. Opata kuae mbaembae reta renoe remombo mbae ikavimbae rami, ɨtɨ rami remaeta jese reta.

ISAÍAS 30:22 ပူးပေါင်းရင်းမြစ်များ

2 CRÓNICAS 31:1

Opa kuae mbaembae oyeapo yave, opaete Israel iñemuña reta ñogüɨnoi joko pe vae ñogüɨnoe tëta guasu reta Judá pegua rupi jare oyoka reta mbae iä reta ita pegua, jare oyasɨa Asera iä reta jare omboai reta o mbaemboete renda ɨvɨtɨ rupigua reta, jare mɨmba oyeyuka oyeapɨ jese vae reta opaetei omboai reta regua ɨvɨ Judá pe jare ɨvɨ Benjamín pe, jökorai vi ɨvɨ Efraín pe jare Manasés pe. Javoi opaete Israel iñemuña reta oyerova ye jëta guasu reta rupi, metei ñavo iɨvɨ ae ae rupi.

ISAÍAS 27:9

Jare Jacob iñemuña reta pe iñɨ̈rota iyoa reta re, oiporu chupe reta vae oyapo yave, jae ko: Opa vaerä omonguruvi ita reta, itumpa reta pe mbota omee jese vae, tövati oyemonguruvi vae rami, agüɨye vaerä ma oyapo reta Asera iä, ani kuaraɨ iä reta yepe.

ISAÍAS 31:7

Echa, opaete pe reta metei ara pemombo petumpa-raanga reta korepoti pegua ani oro pegua, peyapo peyeupe vae jare peyemboyoa pɨpe vae yave,

ISAÍAS 40:19

Ipoki ombaapo vae omondɨkui, mbae iä oyapo vaerä, oro pe oikatu oparavɨkɨ vae oñova oro pe, oyapo karena raɨ korepoti pegua chupe.

ISAÍAS 46:6

Amogüe reta güɨnoe oro jɨru güi ani ojäa korepoti mbaejäaka pe, javoi oyókuai metei ipoki korepoti pegua mbaravɨkɨ oyapo vae, oyókuai oyapo vaerä itumparä; javoi oyetavatɨka omboete.

LAMENTACIONES 1:17

Sión oiporu tëi yemborɨ, ërei mbaetɨ kia ombopɨakatu vaerä. YandeYa omee mborookuai tovaicho reta oñova vaerä Jacob; chupegua reta, Jerusalén ikavimbae yae ko.

EZEQUIEL 14:6

Jáeramo ere Israel iñemuña reta pe: ‘Körai jei yandeYa Tumpa: Peyerova ye chekotɨ, peyembosɨrɨ petumpa-raanga reta güi, jare peeya opaete pɨ̈chɨi yae vae.’

EZEQUIEL 18:6

Mbaetɨ ojo oyea aretea pe oñemee yave mbaemboete ɨvɨtɨ re, mbaetɨ vi omboete tumpa-raanga reta Israel pegua; mbaetɨ oasa japicha jembireko ndive, mbaetɨ vi oya jembireko re jugüɨ oï yave;

EZEQUIEL 36:31

Jare pemaendúa pereko ikavimbae re jare perembiapo ikavimbae re yave, pemarata peyeugüi aeño, peyoa jare ikavimbae peyapo jeko pegua.’

EZEQUIEL 7:19

Omombo retata ikorepoti kaye rupi, jare ioro omombota ɨtɨ rami. Ërei ioro ani ikorepoti ave ngaraa güɨroasayepe chearasɨ güi. Ngaraa osirive chupe reta omoangapɨɨ vaerä ani omoɨ̈vɨata vaerä, echa jókuae korepoti jare oro jeko pegua ko oa reta mbaeyoa pe.

EZEQUIEL 7:20

Oyembotuicha reta, mbaembae jepɨ ipöra vae güɨnoi reta vae rupi; jókuae mbaembae jepɨ ipöra vae pe oyapo reta itumpa-raangarä ikavimbae yae vae. Jáeramo che aipoepɨta ɨtɨrä jókuae reta.

OSEAS 14:8

Efraín jeita: ‘Ngaraa ye ma aeka tumpa-raanga reta.’ ¡Che ayeapɨsakata jare ayangarekota chembae vae reta re! Che ko jae metei ɨvɨra jokɨ katu avei vae rami, cheré toväe chembae vae reta mbae ikavi vae.”

LEVÍTICO 13:52

Toyeapɨ jókuae temimonde, tembiapo ani mbaepɨaa vecharaa pegua ani lino pegua ani oipotagüe tembiapo mɨmba pire pegua; echa mbaerasɨ ókui vae ko oë jese, toyeapɨ tata pe;

ZACARÍAS 13:2

YandeYa Imbaepuere yae ete vae jei: Jókuae ara amboaita tumpa-raanga reta jee, jare ngaraa ye ma kia imaendúa jese. Amboaita vi ɨvɨ güi ñeemombeúa reta jare espíritu ikavimbae pegua.

San Mateo 4:10

Jayave Jesús jei chupe: —Esɨrɨ chegüi, Satanás. Echa Tumpa Iñee pe oyekuatía oï körai: “NdeYa Tumpa emboete, chupeño eyeokuai.”

DEUTERONOMIO 7:25

Omopöra kavi oyapo itumpa-raanga retarä vae peapɨ tata pe, agüɨye peipotarai korepoti ani oro peyeupeguarä, agüɨye vaerä peyemboavai jese, echa pɨ̈chɨi yae ko yandeYa Tumpa pe.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.