ISAÍAS 30:15 - Biblia Guarani Tumpa Iñee

¹⁵ YandeYa Tumpa, Iyoambae Israel pegua jei: “Pepɨagüiveño, agüɨye peyembokepegua, jare peasayepeta ko, echa jayave ko oime mɨ̈rata.” Ërei pe reta mbaetɨ peipota,

ISAÍAS 30:15 ပူးပေါင်းရင်းမြစ်များ

1 CRÓNICAS 5:20

Ërei Tumpa omborɨ reta, jare Agar imembɨraɨe iñemuña reta opaete imborɨa reta ndive oa ipo pe, echa ñeraro pɨte pe oyerure reta Tumpa pe omborɨ vaerä. Jare Tumpa omborɨ reta echa güɨrovia reta jese.

2 CRÓNICAS 16:8

¿Etiopía jare Libia pegua jeta yaeä yera isundaro jare ikäretou reta ñeraro pegua jare kavayu regua reta? Ërei nde reyeko ramo yandeYa re jae opa omee ndepo pe.

2 CRÓNICAS 32:8

Jae ndive oï kuimbae reta imbaepuere, ërei yande ndive oï yandeYa Tumpa yandemborɨ vaerä kuae ñeraro pe.” Jare mburuvicha guasu Ezequías iñee oendu reta yave, oñemoäta ngatu opaete vae.

SALMOS 116:7

Añave chepuere ma aiko pɨagüive ye, echa yandeYa ipɨakavi chekotɨ;

ÉXODO 14:14

YandeYa ko oñerarota pepoepɨka pe, jare pe reta mbaetɨta peyemoambeko.

ISAÍAS 28:12

Echa chupe reta Tumpa jei tëi: “Kuae pe peiko pɨagüive, ikangɨ vae, toputuu.” Ërei jae reta mbaetɨ oipota oyeapɨsaka jese.

ISAÍAS 30:11

Peeya jupi vae, peyembosɨrɨ jókuae güi, agüɨye peyapo jókuae, agüɨye peñono oreróvai Iyoambae Israel pegua.”

ISAÍAS 30:7

echa Egipto iporomborɨ mbaetɨ osirive. Jáeramo ko körai ambojee: “Mbaeporou iñeeäta tëi vae, ërei mbaetɨ mbae oyapo vae.”

ISAÍAS 32:17

Jupi vae omboyekuaata, mbɨakatu, mbutuu jare yerovia katu jekuae avei pegua.

ISAÍAS 32:18

Jare tëta chembae vae oiko pɨagüiveta, jëguambaea pe oikota, jare oputuuta,

ISAÍAS 40:31

ërei yandeYa reño oyeko vae reta ipɨ̈rata pɨau aveita; oveve retata güɨraké rami; osɨi retata jare ngaraa ikangɨ, oguata retata jare ngaraa ikangɨ reta.

ISAÍAS 42:24

¿Kia pa omee Israel, Jacob iñemuña reta, oñepɨ̈rouka jare oyepɨɨuka vaerä? YandeYa ko oyapo jókuae, yandeYa yandeyoa ikotɨ vae; mbaetɨ peipota peguata jae jeia rupi, mbaetɨ peipota peyapo iporookuai reta.

ISAÍAS 45:22

Opaete ɨvɨ pegua reta, perovia cheré peasayepe vaerä, echa che ko Tumpa, mbaetɨ yé ko ïru.

ISAÍAS 7:4

jare ere chupe: ‘Eyeandu, jare eyembopɨaguasu; agüɨye ekɨɨye jare agüɨye eyembopɨtu, jókuae mókoi tatasɨgüe jätati ñogüɨnoi vae güi, Rezín mburuvicha guasu Siria pegua güi jare Peka, Remalías taɨ mburuvicha guasu Israel pegua pochɨ ñogüɨnoi vae güi.

JEREMÍAS 23:36

Agüɨye ye mo pere: ‘YandeYa omoërakua mbae maratuta vae’, echa kia jei yave jókuae ñee, amboyevɨta chupe jókuae jae omoërakuagüe. Echa pe reta peipoepɨ yandeYa oikove vae iñee, peTumpa, yandeYa Imbaepuere yae ete vae.

San Mateo 22:3

Jayave omondo jembiokuai reta ombou vaerä oparea ma chupe vae reta. Ërei jae reta ñäteɨ yogüeru.

San Mateo 23:37

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

San Lucas 13:34

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

San Juan 5:40

Ërei mbaetɨ peipota peyu chekotɨ penoi vaerä jókuae tekove.

Hebreos 12:25

Jáeramo peyeandu, agüɨye peäteɨ peyeapɨsaka imiari yandeve vae re, echa mbaetɨ ojoyepe jókuae ñäteɨ oyeapɨsaka kuae ɨvɨ pe omboarakuaa tëi vae reta, vɨtei pa yande ñaneäteɨ yayeapɨsaka yave ara güi yandemboarakuaa vae re.