ISAÍAS 30:10 - Biblia Guarani Tumpa Iñee

¹⁰ Maratuta vae imombeúa reta pe jei: “Agüɨye peecha mbae maratuta vae”, ñeemombeúa reta pe jei: “Agüɨye pemombeu oreve jupi rupi; pere oreve mbae ipöra vae, mbae nunga oremboyerovia vaeño.

ISAÍAS 30:10 ပူးပေါင်းရင်းမြစ်များ

1 REYES 21:20

Jare Acab jei Elías pe: —¿Jayave cheväe cherovaicho? Elías jei: —Jökorai. Echa ikavimbae vaeño reyapo yandeYa jesa róvai.

1 REYES 22:27

Pere chupe che ayókuai oñono vaerä tembipɨɨ rɨru pe jare michi tembíu toñemee chupe jare ɨ, che ayerova ye regua chepɨakatu reve.

2 CRÓNICAS 16:10

Jayave Asa täta iyarasɨ mbae re oecha voi vae kotɨ jare oñonouka tembipɨɨrɨru pe. Oiporarauka vi amogüe tëta pegua reta pe.

2 CRÓNICAS 25:16

Ërei ñeemombeúa jei oï kuaekuae yave, mburuvicha guasu jei chupe: —¿Ndeparavo reta pa mburuvicha guasu remboarakuaa vaerä? ¡Agüɨye jökorai! ¿Ani reipota pa ndeyuka reta? Kuae ñee opa jei yave, ñeemombeúa jei: —Che aikuaa Tumpa oñono ma ndemboai vaerä kuae reyapo jeko pegua, mbaetɨ ramo reipota reendu cheporomboarakuaa.

JOB 41:3

¿Nemoñerata ra reiparareko vaerä, ani iñee yeaeä ndeve okɨɨye güi?

ISAÍAS 28:15

Pe reta pere: “Oremiari kavi mano ndive jare omanogüe reta ñogüɨnoia ndive. Jayave mbaesusere ou yave ngaraa maratu roasa, echa roeka royepɨɨ vaerä apu re, jare roñemi vaerä yembotavɨ re.”

ISAÍAS 29:10

Echa yandeYa ombou peve topeɨ tätagüe, ñeemombeúa reta opa oesaöva, maratuta vae imombeúa reta opa oesaöva.

ISAÍAS 5:20

¡Peparavete, pe reta pere ikavimbae pe “ikavi vae”, jare ikavi vae pe pere “ikavimbae”; tembipe peipoepɨ pɨtumimbi pe, jare pɨtumimbi peipoepɨ tembipe pe; iro vae peipoepɨ jëe vaerä, jare jëe vae peipoepɨ iro vaerä!

JEREMÍAS 11:21

Jare Anatot pegua kuimbae reta oeka kërai cheyuka vaerä, cheokuai reta agüɨye mo vaerä chemiari Tumpa jee re, echa mbaetɨ yave cheyuka retata,

JEREMÍAS 23:17

Cheñee güɨröɨro vae reta pe jei reta: ‘YandeYa jei opaete mbae oë kavita ko peve.’ Jare opaete ipɨa jeigüe reño yogüɨreko vae reta pe jei reta: ‘Ngaraa mbae ikavimbae ou peve.’ ”

JEREMÍAS 26:11

Jayave sacerdote reta jare ñeemombeúa reta, omoë reta iñee mburuvicha reta pe jare opaete vae reta pe, jei reve: “Kuae kuimbae omanota ko, echa omoërakua kuae tëta guasu kotɨ maratuta vae. Pe reta etei peendu rami.”

JEREMÍAS 29:27

¿Maera pa jayave mbaetɨ reipɨɨ Jeremías, Anatot pegua, jae oñeñono peve ñeemombeuarä vae?

JEREMÍAS 36:29

Jare körai ere mburuvicha guasu pe: ‘Körai jei yandeYa: Nde reapɨ tembikuatía, jare reñeengata vi Jeremías pe, echa oikuatía jese mburuvicha guasu Babilonia pegua outa opa omboai kuae tëtaguasu, mbaetɨta pɨpe kuimbae ani mɨmba yepe.

JEREMÍAS 38:4

Jayave mburuvicha reta jei juvicha guasu pe: —Yayuka añave kuae kuimbae; echa kuae iñee rupi omoäteɨ kuimbae ñeraro regua reta, kuae tëta guasu pe opɨtaño vae jare opaete kuae pegua reta, jei ramboeve chupe reta kuae ñee; echa kuae kuimbae mbaetɨ oeka mbɨakatu kuae tëta guasu peguarä, jaeño oeka ikavimbae.

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

AMÓS 2:12

“Ërei pe reta pemoñera etei pemongau vino pe nasareo reta, jare ñeemombeúa reta pe pere: ‘¡Agüɨye mo pemiari Tumpa iñee re!’

AMÓS 7:13

ërei agüɨye ye mo emombeu Tumpa iñee kuae Bet-el pe, echa tëta mburuvicha guasu ombaemboete pɨpe vae ko, echa kuae tëta güi ko mburuvicha guasu reta oporookuai.

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

MIQUEAS 2:6

“¡Agüɨye pemoërakua oreve mbae outa vae, echa ngaraa maratu roasa!”

San Juan 7:7

Ɨvɨ pegua reta mbaetɨ mbae re pemotareɨ vaerä, ërei che chemotareɨ reta. Echa che amombeu chupe reta ikavimbae vae ko jae reta oyapo vae.

San Juan 8:45

Ërei che añete vae re chemiari vae mbaetɨ chererovia.

Hechos 4:17

Ërei agüɨye vaerä jeieteño jërakua, yayopia reta agüɨye vaerä ma imiari reta kia pe ave añave güive kuae kuimbae jee re.

Hechos 5:28

—Ore poyókuai tëi ma agüɨye ye vaerä peporomboe jókuae kuimbae jee re. Ërei pe reta pemotɨnɨe opaete Jerusalén peporomboe pe. Jare peipota pemboya jókuae kuimbae imano oreré.

Romanos 16:18

Echa jókuae reta mbaetɨ ko oyeokuai yandeYa Jesucristo pe. Jaeño oparavɨkɨ reta ikavi chupe reta vaerä jeko peguaño, iñee-yukɨ rupi jare iñee kavi rupi ombotavɨ iyarakuaa katumbae reta.

Gálatas 4:16

¿Añete vae jae peve vae rupi ayemboyovaicho ra pe ndive?

2 Timoteo 4:3

Echa outa ara reta oväe ñäteɨ vaerä ɨvɨ pegua reta oipota oyeapɨsaka mboromboe añete vae re, ërei oeka retata oyeapɨsaka vaerä jemimbota reño oporomboe vae reta re.

2 Timoteo 4:4

Jare ngaraa oipota oyeapɨsaka añete vae re. Ërei oipotata oyeapɨsaka arakae ndaye reta re.

Apocalipsis 11:7

Jare opa ma Tumpa regua omoërakua yave, jókuae mbaeporou ɨvɨkua guasu güi oë vae oñerarota ikotɨ reta jare omoamɨri retata jare oyukata.

1 SAMUEL 9:9

(Arakae ete kia ojo oparandu Tumpa pe yave jei körai: “Peyu yaja mbae re oecha voi vae pɨri.” Echa añave oyembojee ñeemombeúa vae, jayave rupi jee yepi mbae re oecha voi vae.)