ISAÍAS 3:9 - Biblia Guarani Tumpa Iñee

⁹ Ikañɨmaa reta; echa Sodoma rami omoërakua reta iyoa, mbaetɨ oikuaku reta. ¡Paravete! Jae reta aeño oyapo ñogüɨnoi iyeupe ikavimbae oiporara vaerä.

ISAÍAS 3:9 ပူးပေါင်းရင်းမြစ်များ

GÉNESIS 13:13

Ërei jókuae Sodoma pegua kuimbae reta jeko kaviä yae ete jare iyoa yae reta yandeYa kotɨ.

GÉNESIS 19:34

Pɨareve pe, tenondegua vae jei taɨkuegua pe: —Mase, che ake yanderu ndive pɨare; ñamee ye tou vino kuae pɨ̈tu, jare eike nde eke jae ndive, jökorai oime vaerä yanderu iñemuña.

GÉNESIS 4:5

Ërei yandeYa mbaetɨ ipɨakatu omae Caín re jare mbota güeru vae re. Jare Caín iyarasɨ yae ete, oyekuaa jova ambuaeyee.

2 REYES 9:30

Jayave Jehú ojo Jezreel pe. Jezabel oikuaa yave, ombojovɨ jesakua, jare ia omopöra; javoi oñeñono metei ventana pe.

SALMOS 10:4

Jeko kavimbae, ipɨayemboete yae jeko pegua mbaetɨ ndereeka cheRu Tumpa; mbaetɨ oipoɨu ndegüi.

PROVERBIOS 15:32

Yembosɨmbi güɨröɨro vae, jae aeño ko oñereröɨro; ërei yembosɨmbi oendu vae, yarakuaa katu ko.

PROVERBIOS 30:13

Oime amogüe ipɨayemboete yae vae, jare omae ïru vae re oyembotuicha reve.

PROVERBIOS 8:36

ërei chekotɨ iyoa vae, jae aeño ko oñererokomegua, ¡opaete chereröɨro vae reta, mano ko oaɨu!”

ISAÍAS 1:10

Mburuvicha reta Sodoma pegua, peendu yandeYa iñee; mburuvicha reta Gomorra pegua, peyeapɨsaka ñaneTumpa iporookuai re.

ISAÍAS 3:16

YandeYa jei ye: “Kuña reta Sión pegua, iyemboete iyé vae reta, iñäka oupi avei oguata vae reta, jesäɨ mbokere reve, opɨ̈ro pɨi pɨi oguata vae reta, jare omochinini ipɨ imopöraka oguata reta yave;

ISAÍAS 57:20

Ërei iyoa vae reta ɨguasu pe ama ɨvɨtuai reve vae rami, mbaetɨ ipuere kïrii, jare iɨaparúa rupi omombo tuyuapo jare ikɨagüe.

ISAÍAS 59:12

Echa orembaeyoa jeta yae ndekotɨ, oreyoa aeño oñeapo oï oreré; echa ore ndive oï oreyoa reta, roikuaa ikavimbae royapo vae.

JEREMÍAS 2:19

Ikavimbae reyapo vae oiporaraukata ndeve, jupimbae reyapo vae nejäata. Eyemongeta jare reikuaata, ikavimbae yae ko reyapo chereeya jare mbaetɨ chemboete vae jeko pegua, che ndeYa Imbaepuere yae ete vae jae.

JEREMÍAS 3:3

Kuae jeko pegua mbaetɨ okɨ, jare ama taɨkuegua iara pe ave. Ndeaguasa pota vaeño rembotenonde; ¡mbaetɨ nemara!

JEREMÍAS 6:15

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.”

JEREMÍAS 8:12

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.’ ”

LAMENTACIONES 5:16

Oreyemboetea opa oregüi; ¡maera pa ko!, echa oreyoa.

EZEQUIEL 16:30

Che ndeYa Tumpa jae körai: ¡Mbaetɨ ndepɨa jenda peño, reyapo opaete iyaguasa pota vae jeko nemarambae reve!

EZEQUIEL 16:49

Jae kuae ndepɨkɨɨ Sodoma iyoa: Jae jare tëta raɨ reta iyɨvɨrigua oyembopɨapochɨ reta jeta tembíu güɨnoi vae rupi jare ikavi yogüɨreko vae rupi, mbaetɨ omborɨ reta paravete vae jare mbae oata chupe vae.

EZEQUIEL 23:16

iporopota yae omae jókuae iägüe reta re; jare omondo ñee jerajaa reta Caldeaɨgua reta iɨvɨ pe.

DANIEL 7:20

Aipota tëi vi aikuaa kavi jókuae payandepo jäti reta regua jare jäti michi vae, oime jesa güɨnoi vae jare jeta mbaembae ikavimbae jei vae re, echa tuichaecha oyekuaa ïru reta güi, jare mbaeporou mboapɨ jäti opa oyeakɨo chugüi oeya vaerä jókuae jäti michi vae jendarä.

OSEAS 13:9

Romokañɨteita Israel, ngaraa kia oasayepe chegüi.

OSEAS 5:5

Israel pegua reta ipɨapochɨ oyeapa ikotɨ; Efraín oiporarata iyoa ae, ¡Judá pegua reta oiporarata vi jae reta ndive mbaeyoa re!

Romanos 6:23

Echa mbaeyoa jekovia ko mano. Ërei Tumpa omee mbota yandeve vae ko tekove opambae vae yandeYa Cristo Jesús re.

Apocalipsis 11:8

Jare jókuae mókoi kuimbae jëogüegüe opɨtata jókuae tëta guasu joka guasu pe Sodoma jare Egipto jee vae pe, jae ko yandeYa kurusu re oyekutúa pe.

1 SAMUEL 15:32

Jaɨkue rupi Samuel jei: —Peru cheve Agag, mburuvicha guasu Amalec pegua. Jare Agag ou Samuel jóvai oyerovia reve jare jei iyeupe: “Oasa ma mano jasɨ katu yae vae.”