ISAÍAS 3:8 - Biblia Guarani Tumpa Iñee

⁸ Echa Jerusalén opa oyemboai oï, Judá opa okañɨtei, echa joko pe jei reta jare oyapo reta ikavimbae yandeYa kotɨ, mbaetɨ omboete reta jae iyemboetea, omboarasɨuka vaerä.

ISAÍAS 3:8 ပူးပေါင်းရင်းမြစ်များ

2 CRÓNICAS 28:18

Jaeramiño vi filisteo reta opa oñemoai tëta guasu reta ɨvɨpe kavi rupigua rupi jare Neguev ɨvɨ Judá pegua rupi, jare opɨ̈ro reta tëta Bet-semes, Ajalón, Gederot, Soco, Timna jare Gimzo; opaete kuae reta tëta ñavo tëta raɨ raɨ ndive, jare oñemoëta reta jokoropi.

2 CRÓNICAS 33:11

Jáeramo yandeYa güeru chupe reta mburuvicha guasu Asiria pegua sundaro ruvicha reta, jae reta oipɨɨ Manasés, oipokua reta jare omoïcha reta karena jiero iyu vae pe güɨraja Babilonia pe.

PROVERBIOS 26:27

Ɨvɨkua oyoo vae, jae yeño oata pɨpe; ita omboyapayere vae, ikotɨi oyapayereta ou.

ISAÍAS 1:7

Peɨvɨ reta opa opɨta ipombae, perëta guasu reta opa oyeapɨ, ketɨgua reta perovakei opa jou peremitɨ, tovaicho reta opa omboai oeya rami oï perëta.

ISAÍAS 49:19

Ndeɨvɨ opa etei oyemboai oï, opa oñererokomegua oï jare ipoä opɨta; ërei añave, ndeɨvɨ ipɨmiita opɨta, jeta yae vae jeko pegua. Kuae ɨvɨ imboaia reta matɨ ma yogüɨrekota.

ISAÍAS 57:4

¿Kia re pa pepuka puka? ¿Kia pe pa pekü pemoë moë? ¿Kia re pa pemiari kaviä? Pe reta ¿jaeä pa ko ipɨapochɨ vae reta, jare iyapu vae reta?

ISAÍAS 59:3

Echa pe reta peporoyuka vae ko, jare pepo reta tugüɨ yepeai, peapu jare pere ñee ikavimbae.

ISAÍAS 6:11

Jare che jae chupe: “¿Kërai yave regua pa cheYa?” Jare jae jei cheve: “Tëta guasu reta opa oyemboai regua, ipombae opɨta regua; o reta ipombae opɨta regua, jare ɨvɨ ipombae opɨta regua,

ISAÍAS 9:17

Jáeramo, yandeYa mbaetɨ ipɨakatu taɨrusu vae reta re, mbaetɨ oiparareko omae tɨ̈reɨ reta re jare imemano vae reta re. Echa opaete vae jupiä jare ikaviä jeko reta, opaete vae jei oipotagüeño. Ërei yandeYa mbaetɨ iyarasɨ poi; jekuaeñoi iyarasɨ oï.

JEREMÍAS 23:36

Agüɨye ye mo pere: ‘YandeYa omoërakua mbae maratuta vae’, echa kia jei yave jókuae ñee, amboyevɨta chupe jókuae jae omoërakuagüe. Echa pe reta peipoepɨ yandeYa oikove vae iñee, peTumpa, yandeYa Imbaepuere yae ete vae.

JEREMÍAS 26:18

“Miqueas, Moreset pegua omoërakua Tumpa iñee, Ezequías oiko mburuvicha guasurä Judá pe yave, imiari opaete Judá pegua reta pe, jei: ‘Körai jei yandeYa Imbaepuere yae ete vae: Sión opɨtata, metei ko pe ɨvɨ opa oyemongúi vae rami, Jerusalén opɨtata jendagüeño, jare ɨvɨtɨ tupao jendagüe pe okuakuaata ɨvɨra.’

JEREMÍAS 26:6

che ayapota kuae tupao ndive, Silo ayapo rami. Jare kuae tëta guasu añonota yepopeyu pe, opaete tëtaguasu reta ɨvɨ pegua reta jóvai.’ ”

JEREMÍAS 4:13

Mase, ko tovaicho reta yogüeru amapɨtu rami, ikäretou ñeraro pegua kusumirou rami, ikavayu reta iñäkua yae güɨraké güi. ¡Atataɨ, jaema ñakañɨtei!

JEREMÍAS 44:3

ikavimbae oyapo vae jeko pegua, echa chemboarasɨuka reta omboete tumpa ambuae reta vae rupi, oapɨ reta chupe ikäti kavi vae incienso; tumpa-raanga reta jae reta mbaetɨ oikuaa vae, pe reta ave mbaetɨ peikuaa vae ani peñemuñagüe reta ave mbaetɨ oikuaa vae.

LAMENTACIONES 1:9

Jemimonde omongɨa iyoa pe; mbaetɨ oyemongeta këraita ko iyapɨ vae. Ñanemopɨakañɨ yé oa vae, jare mbaetɨ kia ombopɨakatu vaerä. ¡CheYa Tumpa, emae chepɨatɨtɨ re, echa tovaicho oyembotuicha yae!

EZEQUIEL 8:12

Jare jei cheve: “¿Nde kuimbae, reecha pa Israel iñemuña itenondegua reta oyapo vɨari, metei ñavo itumpa-raanga jɨru pe vae? Echa jae reta jei: ‘Ngaraa yandereecha yandeYa, oeya ma ko kuae ɨvɨ.’ ”

EZEQUIEL 9:9

YandeYa jei cheve: “Mbaeyoa oyapo Israel pegua jare Judá pegua reta vae ikaviä yae ko. Kuae ɨvɨ pe jeta yae oyoyuka vae; jare kuae tëta guasu pe jeta jupimbae. Echa jei reta: ‘YandeYa oeya ma ko kuae ɨvɨ, ngaraa oecha yayapogüe.’

OSEAS 5:5

Israel pegua reta ipɨapochɨ oyeapa ikotɨ; Efraín oiporarata iyoa ae, ¡Judá pegua reta oiporarata vi jae reta ndive mbaeyoa re!

OSEAS 7:16

Mbaetɨ oyerova reta Tuichagüe yae ete vae kotɨ; metei güɨrapa oyepoka vae mbaetɨ uvɨ omondo kavi rami. Ipɨapochɨ reta jeko pegua juvicha reta opata okañɨtei ñeraro pe, jare Egipto pe oyóyai retata.

MIQUEAS 3:12

Jáeramo, Jerusalén tëta guasu ɨvɨtɨ Sión pegua, pereko pegua opata oyeara ko rami, opaeteita oikomegua megua, jare tupao iɨvɨtɨ re okuakuaata ɨvɨra.

MIQUEAS 6:12

Oikokatu vae reta omotɨnɨe jo, mbae oñomigüe pe jare joko pe yogüɨreko vae reta yapu imiari jare oporombotavɨ reta.

HABACUC 1:13

Ikɨa vaeä ko nde remae vaerä ikavimbae re jare ndepɨakatu vaerä jese; jayave, ¿maera pa remaeño oporoyuka vae reta re, jare kïriiño remae jeko kavimbae vae reta re omboai yave jeko ikavi chugüi vae reta?

1 Corintios 10:22

¿Ñamoägüɨroukata pa yandeYa?, ani ¿yandepuere yae pa yandeYa güi?

Judas 1:15

ojäata vaerä opaete vae, oiporarauka vaerä opaete iyoa vae jupimbae oyapo vae reta pe, jare opaete ñee ikavimbae vae iyoa vae reta jei ikotɨ vae pe.”