ISAÍAS 3:7 - Biblia Guarani Tumpa Iñee

⁷ Jare jókuae ïru jeita Tumpa jee re: “Mbaetɨta chepuere, mbaetɨ chero pe tembíu ani temimonde yepe. Agüɨye cheñono mburuvicharä kuae tëta pe.”

ISAÍAS 3:7 ပူးပေါင်းရင်းမြစ်များ

GÉNESIS 14:22

Ërei Abram jei chupe: —Körai jae cheYa, Tumpa Tuichagüe yae ete vae jesa róvai, ara jare ɨvɨ iyapoa,

ISAÍAS 58:12

Nerëtaɨgua reta omopüa yeta o oyembosururugüe, o iguapɨka ñɨma yae vae, opaete vae pereenɨita ‘tëta ikësea omopüa ye vae’, ‘o oyembosururugüe omopüa ye vae’.

JEREMÍAS 14:19

CheYa, ¿remombo ete pa ko Judá? ¿Reröɨro pa tëta guasu Sión? ¿Maera pa ko orembopere, rokuerambae vaerä? Roäro tëi mbɨakatu, ërei mbaetɨ mbae ikavigüe ou oreve. Roäro tëi rokuera vaerä, jaeño jeiete kɨɨye ou oreve.

LAMENTACIONES 2:13

¿Kia ndive pa romboyovaketa ani rombojaangata, Jerusalén? ¿Mbae re pa ambojaangata ndeve, rombopɨakatu vaerä tëta chembae vae Sión? Echa ɨguasu tuicha yae rami resusere; ¿kia pa ndembogüerata?

EZEQUIEL 34:4

Mbaetɨ pemborɨ vecha ipɨtu vae, mbaetɨ vi peipoano imbaerasɨ vae, mbaetɨ peyokua ipɨ opë vae, jopa vae mbaetɨ peru jókai pe, okañɨgüe mbaetɨ peeka, perekoasɨ katu reta, mbaetɨ peyangareko kavi jese.

OSEAS 5:13

Efraín oecha ma yave imbaerasɨ, jare Judá ipere okuerambae yave, Efraín ojota Asiria pe oiporu yemborɨ mburuvicha guasu pe, ërei jae ngaraa ipuere ombogüera ngaraa vi ipuere oipoano ipere.

OSEAS 6:1

Peyu jare yayerova ye yandeYa kotɨ; echa jae yandemboai, ërei jae ñaneñono kavi yeta, jae yandembopere, ërei jae ñanepoanota.

JOEL 1:16

Yanderovakei opa okañɨtei tembíu, opa yerovia jare mbɨakatu yandeYa jo pe.

DEUTERONOMIO 32:40

Che aupita chepo ara kotɨ, jare tae cheyé aeño peve: