ISAÍAS 3:24 - Biblia Guarani Tumpa Iñee

²⁴ mbae ikäti kavi vae reta, ikäti äragüe, iine retata; kuakuaa jekovia pe, oimeta tɨmasaño; iñäkarachi kavi vae jekovia pe, mbaetɨta iñäka raa reta; jemimonde kavi jekovia pe, oimeta temimonde mbɨatɨtɨ peguaño; jova pöra jekovia pe, okaigüe ramita jova re.

ISAÍAS 3:24 ပူးပေါင်းရင်းမြစ်များ

ESTER 2:12

Jare ara oväe ou vaerä mburuvicha guasu Asuero pɨri metei ñavo kuñatai ndei omenda vae yave, oasa güire doce yasɨ, mborookuai kuña reta kotɨ jei rami, echa jökorai oñemopöra yogüɨreko ou regua oväe ara; jae ko: Ova yasɨ mbae ikäti kavi vae mirra pegua pe, jare ova yasɨ ïru mbae ikäti kavi vae, jare kuña reta mbae oipichɨ iyé vae pe,

JOB 16:15

Ayemonde temimonde mbɨatɨtɨ pegua pe, cheäka añono ɨvɨkúi pe.

PROVERBIOS 31:24

Jae oyapo temimonde ipöra vae jare kuakuaa, jare omee omae vae reta pe.

PROVERBIOS 7:17

cherupa amokäti kavi mirra pe, áloe jare canela pe.

ISAÍAS 15:2

Opaete vae reta, tëta Bayit pegua jare tëta Dibón pegua oyeupi oyaeo, jae reta imbaemboetea ɨvɨtɨ re oimea pe. Moab pegua reta oyaeo tëta Nebo jare tëta Medeba ikañɨtei re. Opaete vae reta oñapiasɨta ia jare jendɨvaa ipɨatɨtɨ güi.

ISAÍAS 15:3

Temimonde mbɨatɨtɨ pegua omonde retata oguata kaye rupi. Jo iárambo jare joka guasu rupi oyaeo retata, oyemboasɨkatu yaeta oyaeo reta.

ISAÍAS 22:12

Jáeramo, kuae ara yandeYa Imbaepuere yae ete vae, oparea peve reta peyaeo vaerä jare pepɨatɨtɨ vaerä, oparea peve reta peñeapi vaerä jare pemonde reta vaerä temimonde mbɨatɨtɨ pegua.

ISAÍAS 3:23

epeo reta, temimonderä vae reta ikavigüe, äka-ɨru jare ñeapevaka raɨ reta,

ISAÍAS 4:4

YandeYa oporojäata jare oporonupata vae rupi oitɨota Sión pegua kuña reta iyoa, jare oyoeta Jerusalén pe jeta tugüɨ oyepɨyere vae,

ISAÍAS 57:9

Reo tumpa-raanga kotɨ, reraja reve asaite jare jeta ikäti kavi vae; remondo mombɨrɨ ñee jerajaa reta nderekovia pe, remondo ɨvɨ kotɨ omanogüe reta ñogüɨnoia pe.

JEREMÍAS 4:8

Jáeramo peyemonde temimonde mbɨatɨtɨ pegua pe, peyaeo jare peräse pepɨatɨtɨ güi, echa yandeYa iyarasɨ mbaetɨ osɨrɨ oï yandegüi.”

JEREMÍAS 48:37

Opaetei ia jare jendɨvaa oñapi reta; opaete oyembopere ipo reta rupi, jare oyemonde reta temimonde mbɨatɨtɨ pegua pe.

JEREMÍAS 49:3

¡Hesbón, eäpiro Hai, echa opa oyemboai! ¡Kuña reta Rabá pegua, peyaeo jasɨ katu reve! ¡Peyemonde temimonde mbɨatɨtɨ pegua pe! ¡Peñeäpiro, pembopere perete! Echa tumpa-raanga Milcom oyererajauka tembipɨɨ, isacerdote reta jare juvicha reta ndive.

JEREMÍAS 6:26

¡Cherëtaɨgua reta, pemonde temimonde mbɨatɨtɨ pegua, peyapayere tanimbu rupi, peyemonde temimonde mbɨatɨtɨ pegua pe jare peyaeo jasɨ katu yae reve, michia jaevaeño vae omano yave oñeäpiro rami; echa oporomokañɨtei vae outa ete ma yandekotɨ!

LAMENTACIONES 2:10

Tëta Sión pegua ndechi reta oguapɨ kïrii ngatu ɨvɨ pe; ɨvɨkúi oñono reta iñäka re jare oyemonde reta temimonde mbɨatɨtɨ pegua pe. Jerusalén pegua kuñatai reta oyetavatɨka itindɨasɨ reve ɨvɨ re.

EZEQUIEL 27:31

Oñeapiasɨ retata nderé, oyemonde retata temimonde mbɨatɨtɨ pegua pe, neräpiro retata jasɨ katu reve.

EZEQUIEL 7:18

Oyemonde retata temimonde mbɨatɨtɨ pegua pe, okɨɨye yae retata, opaete re oyekuaata mara, jare ia oñapiasɨ retata.

JOEL 1:8

Peyaeo, kuñatai ime omano vae re oyaeo rami jare peyemonde temimonde mbiatiti pegua pe,

LEVÍTICO 26:16

che ayapota vi peve kuae: Ambouta peve kɨɨye yavaetegüe, peiporara yae vaerä, pembopɨtu yae vaerä, jare pemaetɨ tëiñota, echa perovaicho reta jou vaeräño ko.

AMÓS 8:10

Aipoepɨta pearete reta mbɨatɨtɨ pe, jare aipoepɨta petairari reta yaeo pe; jare amondeukata temimonde mbɨatɨtɨ pegua opaete vae pe, jare opaete vae ia oñapita; jókuae ara opaete vae oyaeota membɨrɨpɨ re rami, jare ojoita iyapɨ mbɨatɨtɨ tuicha vae ndive.

MIQUEAS 1:16

Sión, eñeapi nderaɨ reta reaɨu yae vae re ndepɨatɨtɨ jeko pegua; eyeapo guäpi iñäka rami, echa opa oyereraja tembipɨɨrä ndegüi.”

DEUTERONOMIO 28:22

YandeYa ombouta peve kuperasɨ, taku, ruru, taku guasu, okɨmbae, mbaesusere jare temitɨ mbaerasɨ; kuaekuae mbaetɨta pereeya opa pemokañɨtei regua.

DEUTERONOMIO 32:24

omano retata yɨmbɨaɨ güi jare takuasɨ güi; jare mbaerasɨ ovakatu vae oparapitita jese reta; mbaeporou kaa rupigua ambouta chupe reta, jare mboi pochɨ yae vae.

1 Pedro 3:3

Peyemboete reta agüɨye kia oecha vaeräño, peñemopöra oro pe vae, ani temimonde jepɨ yae vae,

Apocalipsis 11:3

Jare ambouta mókoi kuimbae chemoërakua vae reta, omoërakua vaerä mil dosciento sesenta ara, oyemonde reta reve temimonde mbɨatɨtɨ pegua pe.”

Apocalipsis 16:9

Jare ɨvɨ pegua reta ókai kuaraɨ jakugüe pe. Ërei mbaetɨ oyerova reta Tumpa kotɨ omboete vaerä. Jókuae güɨnoi mbaepuere opaete kuae susere reta re vae kotɨ.

Apocalipsis 18:9

Jare ɨvɨ pegua mburuvicha guasu reta oyapo aguasa jae ndive vae jare jae ndive oyerovia vae oyaeota jare oapïrota, oecha yave jätati opa ókai güi.