ISAÍAS 3:12 - Biblia Guarani Tumpa Iñee

¹² Tëta chembae vae pe oiporarauka reta vae, kunumi retaño ko; jare kuña reta ko ñogüɨnoi mburuvicharä jese. Tëta chembae vae, nderuvicha reta ndembotavɨ, ndereroata ïkotɨa rupi.

ISAÍAS 3:12 ပူးပေါင်းရင်းမြစ်များ

2 REYES 11:1

Atalía oikuaa omano imembɨraɨe Ocozías yave, ojo oyuka opaete mburuvicha iñemuña reta.

JOB 30:13

Cherape oyopia reta chemokañɨtei vaerä, mbaetɨ kia oyopia reta vaerä.

PROVERBIOS 28:16

Mburuvicha yarakuaambae, ombojeiete mbae ikavimbae jasɨ katu vae, ërei mbaetɨ imbaepotarai vae oiko pukuta.

ECLESIASTÉS 10:16

¡Paravete tëtaguasu, juvicha guasu taɨrusu yae vae, jare juvicha reta iarete reteiño vae!

ISAÍAS 19:14

YandeYa oñono jese reta, ipɨa jopa vaerä; jae reta güɨraja Egipto tape jupimbae vae rupi, opaete mbaembae oyapogüe rupi, metei osavaɨpogüe ogüëe yave mbaetɨ oguata kavi rami.

ISAÍAS 3:4

jare oñonota kunumi reta petenondeguarä, michia reta ñogüɨnoita peruvicharä.

ISAÍAS 51:22

körai jei ndeYa Tumpa, tëta imbae vae oepɨ vae: “Mase, ko aekɨta ndepo güi, jókuae kopa reyembosavaɨpo pɨpe vae; ngaraa ye ma reu kuae chearasɨ oï kopa pe vae.

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

MIQUEAS 3:5

Körai jei yandeYa, ñeemombeúa reta regua: “Chembae vae reta pe oyavɨuka vae reta jei: ‘Toime mbɨakatu’ jei reta osapúkai omongaru vae reta pe, ërei mbaetɨ omongaru vae reta pe oeka reta ñeraro.”

NAHUM 3:13

Ndesundaro reta kuña katuaiecha; ndeɨvɨ pe yavaiä etei oike nderovaicho; tata opa omboai neröke reta reyeokenda reï pɨpe vae.

San Mateo 15:14

Pemaeño jese reta. Echa jae reta jesambae vae oipoko ïru jesambae vae rami ko. Jare jesambae vae päve oyopoko yave, mókoi reve oa retata ɨvɨkua pe.

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.