ISAÍAS 3:11 - Biblia Guarani Tumpa Iñee

¹¹ ¡Paravete iyoa vae! Ngaraa ojo kavi, echa iyoa reta oï rupi jekoviata chupe.

ISAÍAS 3:11 ပူးပေါင်းရင်းမြစ်များ

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

2 SAMUEL 3:39

Jáeramo, che chepɨtu ko añeväe añave, yepe tëi mburuvicha guasurä ayeparavo aï; echa kuae kuimbae reta, Sarvia imembɨraɨe reta jeko pochɨ yae ko chevegua. ¡YandeYa tomboekovia kuae ikavimbae oyapo vae reta pe!

1 REYES 21:21

Jáeramo yandeYa jei: “Ambouta nderé mbaesusere tuichagüe, jare opata amboai neñemuña reta, neñemuña tembiokuai reta ani tembiokuaimbae vae reta Israel pe.

2 CRÓNICAS 6:23

nde eendu ara güi, eyapo jupi vae nderembiokuai reta pe. Jeko vae toiporara jeko re aeño, jare jekombae vae embojupi jeko kavi rupi.

JOB 10:15

Chereko yave, taiporara, ërei mbaetɨ chereko yave, ngaraa amopüa cheäka, echa jeta mbae chemomarai, jare aiporara yae aï.

SALMOS 28:4

Eiporarauka chupe reta jembiapo oï rupi, jare jeko kavimbae oï rupi, eiporarauka chupe reta jae reta oyapo rami.

SALMOS 62:12

CheYa Tumpa mboroparareko ndembae ko, echa nde remboekoviata metei ñavo vae pe jembiapo oï rupi.

PROVERBIOS 1:31

¡Ërei peiporarata ko jókuae pereko re! ¡Peyombogüeraita peyemongeta reta ikavimbae pe!

PROVERBIOS 11:31

Jupi vae omboresiveta mbota kuae ɨvɨ pe, ¡vɨtei pa iyoa vae reta, oiporarata jeko oï rupi!

PROVERBIOS 12:14

Kuimbae iñee ka vi vae, jókuae jekoviata chupe, omboresiveta jembiapo reta oï rupi.

PROVERBIOS 26:27

Ɨvɨkua oyoo vae, jae yeño oata pɨpe; ita omboyapayere vae, ikotɨi oyapayereta ou.

ECLESIASTÉS 8:13

jare iyoa vae reta ngaraa yogüɨreko kavi, ngaraa ɨma año yogüɨreko, metei küaraɨa ramiñota; Tumpa güi mbaetɨ oipoɨu reta jeko pegua.

ISAÍAS 13:11

YandeYa jei: “Aiporaraukata kuae ɨvɨ pegua reta pe iyoa jeko pegua, jare iTumpa potambae reta pe ikavimbae oyapo jeko pegua. Amboapɨta iyemboete iyé vae reta güi iyemboete, amomichita ipɨayemboete vae reta.

ISAÍAS 48:22

Ërei iyoa vae reta peguarä mbaetɨ ko mbɨakatu. Jei yandeYa.

ISAÍAS 65:20

Ngaraa ye ma oime joko pe, michia raɨ omano mbovɨ ara peño vae, indechi vae ave, ngaraa omano oupitɨmbae reve iara; cien añoa pe omano vae, taɨrusu ko omano, jare mbaetɨ oupitɨ cien año vae iyoa jeko pegua ko.

ISAÍAS 65:6

Oyekuatía ko oï cheróvai kuae, ngaraa amaeño jökoraiño opɨta; aiporaraukata ko chupe reta jembiapo oï rupi,

ISAÍAS 65:7

iyoa reta ae re jare iñemuña reta iyoa re. Jae reta oapɨ yepi ikäti kavi vae incienso, ɨvɨtɨ guasu re, jare ɨvɨtɨ re oyapo reta yepi chekotɨ ikavimbae. Jáeramo, che ajäata chupe reta iyoa jepɨ, aiporaraukata chupe reta.” Jei yandeYa.

JEREMÍAS 21:14

Che aiporaraukata peve pereko reta oï rupi; amboyepotata tata kaa reta re, jare jókuae tata omboaita opaete peɨ́vɨri ñogüɨnoi vae reta. Che ndeYa ko jae kuae.’ ”

JEREMÍAS 31:30

Ërei opaete kuimbae jou uva jayasɨgüe vae jäi iyeɨta ko. Jökorai ko metei ñavo vae omanota iyoa ae re.”

EZEQUIEL 16:59

Che peYa Tumpa jae: Ngaraa ayapo nde ndive, nde reyapo rami, mbaetɨ remboete reñererökuavee vae, jare mbaetɨ rembopo morogüɨrökuavee päve.

EZEQUIEL 18:20

Jaeño iyoa vae omanota, kuimbae taɨ ngaraa omboepɨ tu iyoa, ani kunumi tu, ngaraa omboepɨ taɨ iyoa. Jupi vae jepɨta chupe imbaejupi, jare iyoa vae oiporarata ikavimbae oyapo vae.

EZEQUIEL 2:10

Oyora cheróvai jókuae tembikuatía oyepomombɨ vae, oyekuatía yoyavi oï: moroäpiro regua, yaeo regua jare täse reta regua.

EZEQUIEL 24:14

Che ndeYa jae vae, oyeapota ko. Che etei ko ayapota, ambopota ko cheñee; mbaetɨta roparareko, mbaetɨta aipoepɨ cheyemongeta. Aiporaraukata ndeve, ndereko oï rupi. Che ndeYa Tumpa jae.’ ”

EZEQUIEL 33:8

Che jae yave iyoa vae pe, ¡remanota!; ërei nde mbaetɨ remombeu chupe oyepoepɨ vaerä jeko güi yave, jókuae iyoa vae omanota iyoa jeko pegua, ërei che aiporaraukata ndeve imano re.

MIQUEAS 3:4

Metei ara peenɨita yandeYa, ërei jae ngaraa oendu peve; oñomita jova pegüi jókuae ara rupi, teko kavimbae yae peyapo jeko pegua.

MIQUEAS 7:13

Ɨvɨ opɨtata ñuurä, pɨpegua reta jeko pegua; teko pɨ̈chɨi oyapo reta jeko pegua.

NÚMEROS 32:23

Ërei ngatu mbaetɨta ko jökorai peyapo yave, peyoa ko yandeYa kotɨ; jare agüɨye peakañɨ metei ara peiporarata ko peyoa re vae.

2 Corintios 5:10

Echa opaete vae ñaï ñotai Cristo jóvai, jae ñanejäa vaerä. Metei vae ñavo omboresive vaerä oikove oiko ramboeve oyapo rupi. Ikavi vae jare ikavimbae vae oyapo rupi.

Santiago 2:13

Echa kia mbaetɨ oiparareko japicha vae, Tumpa ojäata oipararekombae reve; ërei oporoparareko vae mbaetɨta oñejäa.

JUECES 9:57

Jare Tumpa omee vi Siquem pegua reta omboepɨ vaerä iporoyuka. Jökorai Jotam iyepopeyu ou oyembopo, jae ko Jerobaal taɨ.