ISAÍAS 3:1 - Biblia Guarani Tumpa Iñee

¹ ¡Mase! YandeYa Imbaepuere yae ete vae opɨ̈rota Jerusalén güi jare Judá güi opaete mbaembae jerúa, opaete tembíu jare ɨ,

ISAÍAS 3:1 ပူးပေါင်းရင်းမြစ်များ

2 REYES 25:3

Irundɨa yasɨ chau araa pe, jókuae año re karuai jeiete yae ma jókuae tëta pe, mbaetɨ ma oime tembiurä jókuae tëta pegua reta pe.

SALMOS 105:16

Ombou karuai opaete iɨvɨ rupi, opaetei opɨ̈ro chugüi reta tembíu.

ISAÍAS 1:24

Jáeramo, yandeYa Imbaepuere yae ete vae, Imbaepuere yae vae Israel pegua jei: “¡Joko peño mo! Tañono kavi teko oyemboyovaicho chekotɨ vae reta ndive. Tayepɨ jese reta.

ISAÍAS 2:22

Agüɨye peyeko kuimbae re, echa jekove ipɨ̈túe reño ko oï. Jae mbaeä etei ko.

ISAÍAS 3:16

YandeYa jei ye: “Kuña reta Sión pegua, iyemboete iyé vae reta, iñäka oupi avei oguata vae reta, jesäɨ mbokere reve, opɨ̈ro pɨi pɨi oguata vae reta, jare omochinini ipɨ imopöraka oguata reta yave;

ISAÍAS 36:12

Ërei jókuae sundaro ruvicha jei: —Cheruvicha guasu mbaetɨ ko chembou amombeu vaerä peruvicha guasu pe ani peveño, chembou ko amombeu vaerä opaete kuae tëta guasu ikësea re ñogüɨnoi vae reta pe, echa jou retata ko kuri ikuarugüe ani jepoti, pe reta rami.

ISAÍAS 5:13

Jáeramo, tëta chembae vae mbaetɨ oipota chekuaa vae jeko pegua oyererajaukata tembipɨɨrä. Jare opaete vae reta, juvicha reta ndive, yɨmbɨaɨ jare ɨuve opata oyuka.

ISAÍAS 51:22

körai jei ndeYa Tumpa, tëta imbae vae oepɨ vae: “Mase, ko aekɨta ndepo güi, jókuae kopa reyembosavaɨpo pɨpe vae; ngaraa ye ma reu kuae chearasɨ oï kopa pe vae.

ISAÍAS 9:20

Metei ñavo opɨ̈rota iyakatu kotɨ güi, ërei yɨmbɨaɨta opɨta; metei ñavo mbaetɨta oiparareko jëtara, mbaetɨta yangapɨɨ. Metei ñavo opɨ̈rota taɨ ae güi.

JEREMÍAS 37:21

Jayave mburuvicha guasu Sedequías oporookuai Jeremías opɨta vaerä tembipɨɨ tembipɨɨrɨru joka pe, jare ara ñavo oyereraja vaerä chupe metei mbɨyape, kaye pe mbɨyape imeea reta güi. Mbaetɨ ma mbɨyape tëta guasu pe regua. Jökorai, Jeremías opɨta tembipɨɨrɨru joka pe.

JEREMÍAS 38:9

—Cheruvicha guasu, kuae kuimbae reta oyapo ikavimbae ñeemombeúa Jeremías pe, ombogüeyɨ reta kuae ɨrɨru pe vae; echa yɨmbɨaɨ joko pe oyukata ko, echa mbaetɨ yé ma tëta guasu pe mbɨyape.

JEREMÍAS 52:3

Jáeramo yandeYa iyarasɨ Jerusalén jare Judá kotɨ, opa omoë omombo iyeugüi regua. Jaɨkue rupi Sedequías oñemopüa mburuvicha guasu Babilonia pegua re.

JEREMÍAS 52:6

Irundɨa yasɨ chau araa pe, jókuae año re karuai jeiete yae ma jókuae tëta guasu pe, mbaetɨ ma oime tembiurä jókuae tëta pegua reta pe.

LAMENTACIONES 5:4

¡Oreɨ aeño rogua ye rou; oreyepea aeño rogua ye!

EZEQUIEL 14:13

“Nde kuimbae, metei tëta iyoa chekotɨ oyembopɨapochɨ yae reve yave, che aiporaraukata chupe jare apɨ̈rota chugüi opaete tembíu reta; ambouta jókuae ɨvɨ re karuai, jare amaeñota omano kuimbae reta jare mɨmba reta.

LEVÍTICO 26:26

Che ambouta peve karuai guasu, payandepo kuña reta omboyɨta mbɨyape metei horno pe, jare ojäata omee peu vaerä; peuta ërei ngaraa perɨ̈vɨata.

AMÓS 4:6

“Che ko mbaetɨ amee peve tembíu opaete perëta guasu ñavo, jare mbaetɨ tembíu opaete perëta ñavo rupi; ¡ërei mbaetɨ peyerova chekotɨ!” Jei yandeYa.

MIQUEAS 4:9

Añave ¿maera pa neräse mbatee kuña imembɨrasɨ vae rami? ¿Mbaetɨ pa nderuvicha guasu? ¿Ndemboarakuaa vae reta opa pa omano?