ISAÍAS 29:8 - Biblia Guarani Tumpa Iñee

⁸ Pɨ̈tu yave yɨmbɨaɨ reve oke vae opaɨu ramita, ike pe okaru, ërei opa yave jekuaeñoi ichuri ipoä, ani iɨuve yae reve oke vae opaɨu ramita, ike pe oɨu, ërei opa yave jekuaeñoi iɨuve jare otini iyaseo, jökoraita ko oasa opaete jókuae jeta tëtaguasu reta oñeraro Sión ndive vae.

ISAÍAS 29:8 ပူးပေါင်းရင်းမြစ်များ

2 CRÓNICAS 32:21

Jayave yandeYa ombou metei araɨgua opa oyuka opaete sundaro jëia vae reta, sundaro ruvicha reta, jare metei äpɨta vae juvicha reta, mburuvicha guasu Asiria pegua jeyupa pe. Jare jae imara yae reve oyerova ye ojo iɨvɨ kotɨ. Jare oike yave itumpa itupao pe, joko pe jae taɨ reta aeño oyuka kɨsepuku pe.

SALMOS 129:5

¡Toñemomaraiuka jare totekuarai, opaete Sión imotareɨa reta!

SALMOS 73:20

Ipaɨu güi opa vae rami, jökorai, nde cheYa, reporojäa yave, reröɨrota jókuae añete vae nunga oyekuaa vae.

ISAÍAS 41:11

Mase, opaete jókuae nemotareɨ vae reta oñemomaraiukata jare oñemomichiukata opɨta; jókuae oñeraro ndekotɨ vae reta opaeteita okañɨtei.

ISAÍAS 41:12

Reeka tëita nderovaicho reta, ërei ngaraa reväe chupe; opaeteita okañɨtei jókuae oñeraro ndekotɨ vae reta.

ISAÍAS 44:12

Jiero pegua mbaravɨkɨ pe oparavɨkɨ vae oipɨɨ tenasa, jare jiero omboakuasɨ güire okua jese martillo pe jare oyapo mbae iä. Ipo pe oyapo jókuae mbaravɨkɨ. Ërei mbaetɨ okaru yave, yɨmbɨaɨ jare jesagüɨrɨ; mbaetɨ ɨ jou yave ipɨtu.

ISAÍAS 54:17

Ngaraa ipuere ndemboai metei ave tembiporu ñeraro pegua oyeapogüe. Remoamɨrita oipotagüe oñemopüa tëi ñeapo rupi ndekotɨ vae. Jökoraita ko opaete cherembiokuai reta, köraita ko oporomoamɨri reta.” Jei yandeYa.

NAHUM 1:15

¡Pemae! ¡Joko ma ou ɨvɨtɨ guasu reta iárambo ñee ikavi vae jerúa, mbɨakatu omoërakua vae! Judá, eyapo ndearete reta: Embopo reñererökuavee vae reta. Echa ngaraa ye ma oporepeña nderé jeko pɨ̈chɨi vae reta; opaetei ma oyemboai.

NAHUM 2:1

Nínive, oporomboai vae oporepeña ndekotɨ. ¡Eñono neraroa nekësea re! ¡Emae tape re! ¡Eñono ndekúa re kɨsepuku! ¡Emboatɨ ndemborɨa reta!