ISAÍAS 29:4 - Biblia Guarani Tumpa Iñee

⁴ Jayave reñemomichiukata, reyeitɨukata ɨvɨ re, joko güi remoëta neñee; jókuae neñee oyeenduta mbae iñee rami, jäve yaeta oyeendu neñee.

ISAÍAS 29:4 ပူးပေါင်းရင်းမြစ်များ

SALMOS 44:25

Echa orembokangɨ yae ma ko, oremboyapayerei ɨvɨ rupi.

ISAÍAS 3:8

Echa Jerusalén opa oyemboai oï, Judá opa okañɨtei, echa joko pe jei reta jare oyapo reta ikavimbae yandeYa kotɨ, mbaetɨ omboete reta jae iyemboetea, omboarasɨuka vaerä.

ISAÍAS 32:19

yepe tëi amandau opa omboai kaa reta, jare tëta guasu opa oyemboai,

ISAÍAS 51:23

Jare añonota jókuae kopa, oiporarauka ndeve vae reta ipo pe, jei reta yepi ndeve: ‘Eyapakua, roasata ndeárambo rupi’; jare nde reyapakua ɨvɨ re, javoi jae reta oasa, tape rupi rami.”

ISAÍAS 52:2

Jerusalén, emotumo ɨvɨ ndeyeugüi, epüa eguapɨ. Eyora ndeayu iñapɨtía, nde Sión, tembipɨɨrä reï vae.

ISAÍAS 8:19

Jare jei reta yave peve: “Peparandu imbaekuaa vae reta pe, jare mbae maratuta vae imombeúa reta pe.” Ërei pe pere chupe reta: “¿Mbaetɨta pa tëta oparandu iTumpa pe? ¿Oparanduta ra omanogüe vae reta jekove pe, oikove vae reta regua?”

LAMENTACIONES 1:9

Jemimonde omongɨa iyoa pe; mbaetɨ oyemongeta këraita ko iyapɨ vae. Ñanemopɨakañɨ yé oa vae, jare mbaetɨ kia ombopɨakatu vaerä. ¡CheYa Tumpa, emae chepɨatɨtɨ re, echa tovaicho oyembotuicha yae!