ISAÍAS 29:22 - Biblia Guarani Tumpa Iñee

²² Jáeramo, yandeYa, Israel iTumpa, oepɨ Abraham vae, jei Jacob iñemuña reta kotɨ: “Añave güive Jacob ngaraa ye ma oñemomaraiuka, ngaraa ye ma jova pɨ̈ta imara güi,

ISAÍAS 29:22 ပူးပေါင်းရင်းမြစ်များ

GÉNESIS 48:16

Araɨgua chereroasayepe opaete ikavimbae güi vae, tiporerekua kuae kunumi reta re. Kuae reta rupi toiko avei cheree, jare cheru Isaac jee, jare Abraham jee, jare toñemuña reta jeta yeyé kuae ɨvɨ pe.”

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

ISAÍAS 45:17

Ërei yandeYa oepɨta jekuae avei pegua tëtaguasu Israel, jare ngaraa oñemomichiuka ani oñemomaraiuka reta opɨta jekuae avei rupi.

ISAÍAS 45:25

Cheré opaete Israel iñemuña reta oyembojupita jare oyemboeteta.”

ISAÍAS 50:7

Echa, cheYa Tumpa ko chemborɨta, jáeramo, ngaraa ko chemara; jáeramo, amotäta cherova, ita rami, echa aikuaa ko ngaraa añemomaraiuka.

ISAÍAS 51:11

Añetete, yandeYa oyoragüe reta oyerova yeta, otairari reve oyerova reta yeta Sión kotɨ; jova, oyerovia katu avei retata; ovɨa jare oyerovia katu retata, mbaeporara jare yaeo opata okañɨ.

ISAÍAS 51:2

Pemae peñemuñagüe Abraham re, jare Sara re, chugüi peñemuña vae. Abraham aenɨi yave, jaeño etei oiko yepi, ërei cheporerekua jese, jare jeta oñemuña.

ISAÍAS 54:4

Agüɨye ekɨɨye, ngaraa reñemomaraiuka; agüɨye nemara, ngaraa ndekura vae. Neakañɨta ndetaɨrusu yave nemara vae güi, jare nememano yave nemara vae güi.

ISAÍAS 63:16

¡Ërei nde ko jae oreru! Yepe tëi Abraham mbaetɨ oreñono iñemuña rami, ani yepe tëi Israel mbaetɨ imaendúa oreré, nde oreYa, jae ko oreru; nderee jae ko, OreReepɨ avei vae.

JEREMÍAS 30:10

YandeYa jei: “Cherembiokuai Jacob iñemuña reta, agüɨye pekɨɨye; Israel iñemuña reta, agüɨye pekɨɨye, echa nde jare neñemuña reta ayorata jókuae mombɨrɨ oyererajaa güi. Yogüɨreko yeta mbɨakatu pe, mbaetɨta kia omongɨɨye, yogüɨreko pɨagüiveta.

EZEQUIEL 37:24

Cherembiokuai David rami vae oikota jae reta juvicha guasurä, güɨnoi retata meteiño oyangareko jese reta vaerä; yogüɨreko retata cheporookuai reta rupi, oñovatuta jare oyapo retata.

EZEQUIEL 37:28

Jare ïru tëtaguasu reta oikuaata che peYa Tumpa ko añono tee Israel iñemuña reta vae, anoi ma yave chero mbaemboetea pegua jae reta ipɨte pe jekuae avei pegua.’ ”

EZEQUIEL 39:25

Jáeramo che peYa Tumpa jae körai: Añave ayuta amborɨ Jacob iñemuña reta tembipɨɨrä ñogüɨnoi vae, aipararekota opaete Israel iñemuña reta, cherägüɨro reve aechaukata cheree ikɨambae vae.

JOEL 2:27

jökorai peikuaata oime ko tëta Israel ipɨte pe che aï vae, jare che ko, jae peYa Tumpa jare mbaetɨ ye ko ïru; ¡jare chembae vae reta ngaraa ye ma oñemomaraiuka!

San Lucas 1:68

“Toyemboeteuka yandeYa Israel iTumpa, echa jae ou omborɨ jare oepɨ tëta imbae.

Apocalipsis 5:9

jare jae reta otairari metei tairari ipɨau vae, jei reve: “Jupi ko nde reipɨɨ vaerä tembikuatía, jare reyora vaerä imboyaa, echa reyeyukauka, jare nderugüɨ pe oreyora Tumpa peguarä, opaete ñemuña, ñee, tëta jare tëtaguasu,