ISAÍAS 29:18 - Biblia Guarani Tumpa Iñee

¹⁸ Jókuae ara, oendumbaese vae reta oenduta, tembikuatía oyemongeta chupe reta yave, jare jesambae vae reta oechata.

ISAÍAS 29:18 ပူးပေါင်းရင်းမြစ်များ

SALMOS 119:18

Eipea cheresa, aecha vaerä mbaembae ikavi yae vae neñee pe.

PROVERBIOS 20:12

Yandeapɨsa, mbae oendu vae, yanderesa mbae oecha vae; kuae reta yandeYa jembiapo päve ko.

ISAÍAS 29:24

Jare ipɨa jopa yepi yogüɨreko vae reta, iyarakuaata, jare iñeenguruse vae reta, oyeapɨsakata yemboe reta re.”

ISAÍAS 32:3

Jayave ikɨ̈reɨ oecha vae reta, ipuereta oecha, jare ikɨ̈reɨ oendu vae reta, ipuereta oendu;

ISAÍAS 35:5

Jayave, jesambae reta omaeta, iyapɨsambae reta oenduta;

ISAÍAS 42:19

Mbaetɨi kia jesaä jare iyapɨsaä mbatee cherembiokuai cheremimondo rami vae, mbaetɨi kia jesaä jare iyapɨsaä mbatee cherembiparavo cherembiokuai rami vae.

ISAÍAS 42:7

Reipea vaerä jesambae reta jesa, renoe vaerä tembipɨɨ reta tembipɨɨrɨru güi, jare tembipɨɨrɨru pɨtumimbi vae pe yogüɨreko vae reta.

ISAÍAS 43:8

Pembou tëta chembae vae, oime tëi jesa, ërei jesambae rami, oime tëi iyapɨsa, ërei iyapɨsambae rami.

DANIEL 12:4

‘Ërei nde Daniel, kuae ñee reta jare tembikuatía eyokenda toï ou ara iyapɨ oväe regua. Jeta kotɨ kotɨ oeka reta tëita, jare yemboe okuakuaata.’

San Mateo 11:5

Jesambae vae reta omae. Iköcho vae reta okuera. Ipire mbaerasɨ ókui vae reta okuera. Iyapɨsambae vae reta oendu. Omanogüe vae reta oikove ye. Jare iparavete vae reta pe oñemoërakua ñee ikavi vae.

San Mateo 16:17

Jayave Jesús jei Pedro pe: —Reyekou ko Simón, Jonás taɨ. Echa cheRu ara pe oï vae ko oikuaauka ndeve kuae. Mbaetɨ ko kia oikuaauka ndeve.

San Marcos 7:37

Jae reta ipɨakañɨ yae reve jei: “Opaete mbaembae oyapo vae ikavi yae ko. Ombogüera iyapɨsambae, jare ombogüera vi iñeembae reta.”

San Lucas 4:18

“YandeYa iEspíritu oï cheré, echa cheparavo amombeu vaerä ñee ikavi vae iparavete vae reta pe. Chembou ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare amomae vaerä jesambae reta. Chembou vi ayora vaerä yogüɨrekoasɨ katu vae reta.

San Lucas 7:22

Jayave Jesús jei Juan ombou chupe vae reta pe: —Pekua ye pemombeu Juan pe peecha jare peendu vae. Jesambae vae reta omae. Iköcho vae reta okuera. Ipire mbaerasɨ ókui vae reta okuera. Iyapɨsambae vae reta oendu. Omano vae reta oikove ye. Iparavete vae reta pe oñemoërakua ñee ikavi vae.

San Juan 6:45

Ñeemombeúa reta jembikuatía jei körai: “Tumpa omboeta opaete vae.” Jayave, opaete oyeapɨsaka cheRu re vae, jare jae omboe vae, ou chekotɨ.

San Juan 9:7

jare jei chupe: —Ekua eyoe nderesa ɨesaɨ Siloé pegua pe (kuae Siloé oipota jei: “Temimondo”). Jayave jae ojo oyoe jesa jare ou ye yave, omae ma.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

Efesios 5:14

Jáeramo Tumpa jei: “Esareko mo, nde reke vae. Epüa ye omanogüe vae reta ipɨte güi, jare Cristo ndemboesapeta.”

DEUTERONOMIO 29:4

Ërei mbaetɨño yandeYa omee peve peikuaa vaerä, peecha vaerä jare peendu vaerä mbae ko oipota jei opaete kuaekuae vae.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

Apocalipsis 3:18

Jáeramo, romboarakuaa regua vaerä chegüi oro ikɨambae tata pe oyetɨo vae, reikokatu vaerä, jare temimonde tïi vae remonde vaerä, agüɨye vaerä nenandi oyekuaa. Romboarakuaa vi reñono vaerä moa peresa pe, reecha vaerä.