ISAÍAS 29:14 - Biblia Guarani Tumpa Iñee

¹⁴ jáeramo, jekuae ayapo yeta mɨakañɨ kuae tëta pe, metei mɨakañɨ tuicha vae jare oporoiämondo vae; jayave yarakuaa katu vae reta iyarakuaa opata okañɨ, jare ipoki vae reta ipɨarakuaa opata vi okañɨ.”

ISAÍAS 29:14 ပူးပေါင်းရင်းမြစ်များ

JOB 12:17

Tumpa opɨ̈ro arakuaa, oporomboarakuaa vae reta güi, jare mburuvicha oporojäa vae reta güi, opɨ̈ro arakuaa.

JOB 5:13

Jae oipɨɨ ipoki vae reta jeko pe aeño; jare güɨrokomegua ipɨapochɨ vae reta iyemongeta.

ISAÍAS 10:12

Ërei yandeYa opa ma oyapo ɨvɨtɨ Sión pe jare Jerusalén pe oyapota vae yave, oinupata mburuvicha guasu Asiria pegua, ipɨapochɨ jare ipɨayemboete rupi oyapo jeko pegua.

ISAÍAS 19:3

Amombokereta, arokomeguata iyemongeta chugüi. Jare oparanduta itumpa-raanga reta pe, jare imbaekuaa vae reta pe, omano ma vae jekovegüe reta pe, jare mbae maratuta vae imombeúa reta pe.

ISAÍAS 28:21

Echa yandeYa oyapota ɨvɨtɨ Perazim pe rami, ɨvɨtɨ päu ipe kavi vae Gabaón pe rami iyarasɨta, oyapo vaerä jembiapo, jembiapo ambuaeyee vae, oyapo vaerä jembiapo yaikuaa rapembae vae.

ISAÍAS 44:25

Mbaetɨ amaeño oyembopo vaerä maratuta vae imombeúa reta omombeu vae, amombokere susere oimeta vae imombeúa reta. Yarakuaa katu vae reta iñee amboyopɨndekua oyougüi, opaete iyarakuaa katu arokomegua chugüi reta.

ISAÍAS 63:17

OreYa Tumpa, ¿maera pa, reyavɨuka oreve nderemimbota, jare orembopɨa täta agüɨye vaerä romboete? Eyerova ye nderembiokuai reta reaɨu jeko pegua, ñemuña reta ndembae ae vae kotɨ.

ISAÍAS 65:7

iyoa reta ae re jare iñemuña reta iyoa re. Jae reta oapɨ yepi ikäti kavi vae incienso, ɨvɨtɨ guasu re, jare ɨvɨtɨ re oyapo reta yepi chekotɨ ikavimbae. Jáeramo, che ajäata chupe reta iyoa jepɨ, aiporaraukata chupe reta.” Jei yandeYa.

JEREMÍAS 19:7

Kuae pe Judá pegua reta jare Jerusalén pegua reta iyemongeta opata arokomegua chugüi reta. Ameeta jovaicho reta ipo pe oa reta vaerä, opa vaerä oyuka reta; jare jëogüegüe reta chucha reta jembiurä jare mbaeporou reta jembiurä.

JEREMÍAS 49:7

YandeYa Imbaepuere yae ete vae jei Edom iñemuña reta regua körai: “¿Mbaetɨ ma pa arakuaa katu Temán pe? ¿Opa pa arakuaa katu iyarakuaa katu yae vae reta güi? ¿Oikomegua pa chugüi reta iyarakuaa katu?

ABDÍAS 1:8

YandeYa jei: “Amokañɨteita Edom pegua reta, opaete joko pe iyarakuaa katu vae reta, ɨvɨ Esaú pe ɨvɨtɨ guasu rupi yogüɨreko vae reta.

HABACUC 1:5

YandeYa jei: “Pemae tëtaguasu reta peɨvɨrigua re; jare pepɨakañɨ jese. Echa köi yae ma mbae ayapo vaerä perovake, ngaraa perovia oyemombeu peve yave.

San Lucas 10:24

Che jae peve, jeta ñeemombeúa reta jare mburuvicha guasu reta oipota tëi oecha pe reta peecha vae, ërei mbaetɨ oecha reta. Jare oipota tëi vi oendu reta pe reta peendu vae, ërei mbaetɨ oendu reta.”

Romanos 1:28

Jae reta oipotaä oikuaa Tumpa regua ramo, jae omboeterenga reta yemongeta ikavimbae pe, oyapo reta vaerä agüɨyeta tëi oyapo vae.

1 Corintios 3:19

Echa Tumpa pe arakuaa kuae ɨvɨ pegua arakuaaä ko. Echa oyekuatía oï körai: “Tumpa oipɨɨ iyarakuaa vae reta jeko pe aeño.”