ISAÍAS 28:9 - Biblia Guarani Tumpa Iñee

⁹ Iñeeasɨ katu reta chekotɨ, jei reta: “¿Oremboeta pa arakuaa re, oremboeta pa mbae ko Tumpa jei vae re, michia raɨ reta rami;

ISAÍAS 28:9 ပူးပေါင်းရင်းမြစ်များ

SALMOS 131:2

Añetete ayemboeko kavi jare añemokïrii, metei michia opa ramo ichɨ re okambu vae rami; michia opa ramo okambu vae rami aï.

SALMOS 50:17

Echa mbaetɨ reipota rombosɨmbi jare mbaetɨ reendu cheñee reta.

PROVERBIOS 1:29

echa arakuaa peröɨro, jare mbaetɨ peipota peipoɨu che peYa güi.

ISAÍAS 2:3

jeta vae yogüeruta ketɨ ketɨ güi, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä kërai yaiko vaerä, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

ISAÍAS 28:26

Echa Tumpa ko omboe kavi kërai oyapo vaerä.

ISAÍAS 30:20

Yepe tëi yandeYa omeeta peve mbaeporara ani mbɨatɨtɨ reta; pemboe vae reta ngaraa ye ma oñemi pegüi; peecha eteita.

ISAÍAS 48:17

Körai jei yandeYa, ndeReepɨ vae, Tumpa Iyoambae Israel pegua: ‘Che ko jae ndeYa Tumpa, ndemboe kavi yae vae, ndemboe kërai reiko vaerä vae.

ISAÍAS 50:4

YandeYa Tumpa omee cheve chepoki vaerä chemiari, ambopɨakatu vaerä ikangɨ vae reta, ñee ñemoäta ngatu pegua pe. Ndeimbove ñavo jae chemomba, jare ayeapɨsaka jese chepɨakatu reve kavi.

ISAÍAS 53:1

¿Kia pa güɨroviata romoërakuagüe re? ¿Jare kia re pa oyekuaa yandeYa imbaepuere?

ISAÍAS 54:13

Jare opaete nemembɨ reta che ndeYa etei amboeta; jare oyekou yaeta mbɨakatu re.

JEREMÍAS 35:13

“Che, ndeYa Imbaepuere yae ete vae Israel iTumpa, romondo rere vaerä Judá pegua reta pe jare Jerusalén pe yogüɨreko vae reta pe: ‘Peyemboe jese reta, peyapo vaerä cheporookuai’, jei yandeYa.

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

JEREMÍAS 6:10

Che jae: “¿Kia pa oenduta cheñee, amoërakua yave kuae re? Oyeapete ko oï iyapɨsa reta, cheYa, mbaetɨ ipuere oendu reta, oyóyai yoyaiño ko neñee reta, mbaetɨ oaɨu reta iyeupe.

San Mateo 11:25

Jayave Jesús jei: “Romboete cheRu, nde ko jae ara pegua reta jare ɨvɨ pegua reta iYa. Echa reñomi mbaembae iyarakuaa vae reta güi, ërei reechauka oñemomichi vae reta pe.

San Marcos 10:15

Añete che jae peve, mbaetɨ yave pemboresive Tumpa iporookuaía metei michia rami, ngaraa peike Tumpa iporookuaía pe.

San Juan 12:38

oyembopo vaerä ñeemombeúa Isaías jei yave: “CheYa, ¿kia pa güɨrovia romombeu vae? ¿Kia pe pa reikuaauka ndembaepuere?”

San Juan 3:19

Tembipe ou ma ɨvɨ pe, ërei ɨvɨ pegua reta oaɨu yae iyeupe pɨtumimbiño, tembipe güi, echa jembiapo reta ikavimbae vaeño. Jáeramo oñejäauka reta ma ko.

1 Pedro 2:2

Peyúe neche oyeambae vae ara pegua, michia oa ramo vae ikambúe rami, jókuae rupi pekuakuaa vaerä jare penoi vaerä yemboasa,