ISAÍAS 28:7 - Biblia Guarani Tumpa Iñee

⁷ Ërei kuae reta oyavɨ vi vino jeko pegua, mbae oporombosavaɨpo vae omombia iyemongeta kavi güi: Sacerdote jare ñeemombeúa reta oyembosavaɨpo, vino omombia reta iyemongeta kavi güi, oyemboesagüɨrɨuka reta mbae oporombosavaɨpo vae pe, osavaɨpo reve imiari mbae oasata vae re, osavaɨpo reve oporojäa reta.

ISAÍAS 28:7 ပူးပေါင်းရင်းမြစ်များ

SALMOS 107:27

Orɨrɨi jare jesagüɨrɨ reta osavaɨpogüe rami, ¡ipoki ave mbaetɨ omborɨ reta!

PROVERBIOS 20:1

Vino jare mbae oporombosavaɨpo vae, oporoapoasɨ katu yae ko jare oporogüɨrekorai vae ko; kia nunga vae ombaeyavɨ yave kuae reta jou vae jeko pegua, mbaetɨ ko iyarakuaa.

PROVERBIOS 23:30

Okau reteiño vae reta peguarä ko; jókuae jekuaeñoi oeka reta vino oyemboyeagüe jou reta vaerä vae.

ECLESIASTÉS 10:17

¡Oyerovia ko tëtaguasu, juvicha guasu imboetea yae vae, jare mburuvicha reta okaru iora pe kavi, jete pɨ̈rata reta vaerä vae, mbaetɨ okau reteiño vaerä!

ISAÍAS 19:14

YandeYa oñono jese reta, ipɨa jopa vaerä; jae reta güɨraja Egipto tape jupimbae vae rupi, opaete mbaembae oyapogüe rupi, metei osavaɨpogüe ogüëe yave mbaetɨ oguata kavi rami.

ISAÍAS 22:13

Ërei pe reta peyerovia jare peapirai, peyuka guaka jare vecha, peu soo jare vino. Jare pere: “Yakaru jare yakau, echa pɨareve ñamanota.”

ISAÍAS 24:2

Jökoraita oasa opaete tëta pegua reta: Sacerdote reta, ani sacerdotembae reta ndive, tembiokuai kuimbae ani iya, tembiokuai kuña ani iya kuña, ombaegua vae ani omaemee vae, ombaeporuka vae ani ombaeporu vae, ipía vae ani oporombopiauka vae.

ISAÍAS 24:20

Okanata ɨvɨ, mbae oñemokana rami, okanata metei tapɨi iyagüɨ oïeiño vae okana rami. Iyoa jeta yae ma jese, güɨrogüɨapita jare ngaraa ye ma opüa.

ISAÍAS 28:1

¡Paravete Samaria, Efraín pegua savaɨpo regua reta oyemboete jese vae; oñemopöra mbaepotɨ ipiru katu pe vae rami vae, iɨvɨpe kavi jembeɨ ɨvatea re oï vae, vino iua reta jëta!

ISAÍAS 29:11

Jare opaete mbaembae oyeechauka tëi Tumpa güi peve vae, peveguarä metei tembikuatía oyeokenda oï vae ramita ko. Kia omee yave ïru vae pe omongeta vaerä, jei chupe: “Emongeta kuae.” Jae jei: “Mbaetɨ chepuere, echa oyeokenda oï.”

ISAÍAS 3:12

Tëta chembae vae pe oiporarauka reta vae, kunumi retaño ko; jare kuña reta ko ñogüɨnoi mburuvicharä jese. Tëta chembae vae, nderuvicha reta ndembotavɨ, ndereroata ïkotɨa rupi.

ISAÍAS 43:27

Peñemuñagüe tenondegua ete iyoa, pemboe vae reta ombaeyavɨ chekotɨ,

ISAÍAS 5:11

¡Peparavete!, pe reta ndeimboveasɨ güive pepüa ye peyembosavaɨpo vaerä vae, jare pepɨare katúi jökorai.

ISAÍAS 5:22

¡Peparavete!, pe reta perëia yae peu vaerä vino vae, perëia yae pemboyea vaerä vino peyeupe.

ISAÍAS 5:23

Peipɨɨ vɨari korepoti vae rupi mbaetɨ pemboeko, jeko tëi vae, jare mbaetɨ peñono kavi teko, jekombae vae peguarä.

JEREMÍAS 14:14

Jayave yandeYa jei cheve: “Jókuae ñeemombeúa reta omoërakua cheree re vae, iyapu ko. Che mbaetɨ ko ambou reta, mbaetɨ vi ayókuai reta, mbaetɨ etei chemiari ave jae reta ndive. Oecha reta apu jare jaangaño ko, iyeugüi aeño jei omoërakua jókuae ñeemombeúa reta.

JEREMÍAS 23:13

Che aecha ñeemombeúa reta Samaria pegua, oyapo reta mbae ikavimbae yae vae chemboarasɨuka vaerä; omombeu reta Baal jee re mbae maratuta vae, jare chembae vae Israel iñemuña reta pe oyavɨuka reta.

JEREMÍAS 23:16

YandeYa Imbaepuere yae ete vae jei: “Israel iñemuña reta, agüɨye peyapo ñeemombeúa reta omoërakua peve vae. Omombeu peve vae apu ko, iyeugüi aeño ko jei reta, che mbaetɨ ko jae chupe reta.

LAMENTACIONES 2:4

Metei tovaicho omoata kavi igüɨrapa vae rami, oyapo katu iyɨva, metei tovaicho oyeapo katu rami, jare omboai, ipöra yae yepi vae; iyarasɨ ombou tata rami, Sión pegua reta jeyupa re.

EZEQUIEL 13:7

¡Pe reta peecha vae añeteä ko, jare pemiari vae apu ko, mbaekuaa rupi mbae maratuta vae re omoërakua vae reta ramiño ko! Pere: ‘YandeYa jei’, mbaetɨ reve chemiari pe ndive.

EZEQUIEL 44:21

Agüɨye metei ave sacerdote reta tou vino oike yave tupao joka michi vae pe.

OSEAS 7:5

Yanderuvicha guasu iaño iara pe, mburuvicha reta ombosavaɨpo juvicha guasu ivino pe. ¡Javoi mburuvicha guasu oñemoïru oporoyóyai yóyai vae reta ndive!

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

HABACUC 2:15

¡Paravete, jókuae ombosavaɨpo japicha vae! ¡Paravete, jókuae omee jou jasɨ yae vino vae, echa ombosavaɨpo, omae vaerä jete inandi oï vae re!

HABACUC 2:16

Nde vi reñemomaraiukata, reguatata osavaɨpo vae rami reyemboeteuka vaerägüe; echa yandeYa oiporaraukata ndeve, jare ndeyemboete oyepoepɨta ñemomarai pe ndeve.

San Mateo 24:29

“Opa tembiporara guasu oasa güire, kuaraɨ oyembopɨtumimbita, jare yasɨ ngaraa ma jembipe, jare yasɨtata reta oata ara güi, jare opaete ara rupi ñogüɨnoi vae reta okanata.

San Lucas 21:34

Peyeandu, agüɨye vaerä pekaru reteiño jare pesavaɨpo, jare agüɨye vaerä peyemoambaeko mbaembae ɨvɨ pegua re. Agüɨye vaerä peparanoe ou oväe peve jókuae ara ikavimbae.

Efesios 5:28

Jökoraiño vi kuimbae reta toaɨu jembireko, jae reta oyeaɨu rami. Jembireko oaɨu vae, jae etei oyeaɨu.