ISAÍAS 28:29 - Biblia Guarani Tumpa Iñee

²⁹ Jökorai ko yandeYa Imbaepuere yae ete vae yarakuaa katu, oyapo vaerä opaete kuae mbaembae, jare oyapo iyarakuaa katu rupi kavi.

ISAÍAS 28:29 ပူးပေါင်းရင်းမြစ်များ

JOB 37:23

Imbaepuere yae ete vae regua mbaetɨ yandepuere opa yaikuaa, jae ko tuicha imbaepuere pe vae jare jupi vae; jae mbaetɨ oporogüɨrekoasɨ katu.

JOB 5:9

¡Jae oyapo mbaembae tuichagüe, yaikuaa rapembae vae; jare mɨakañɨ reta oyepapa rapembae vae!

SALMOS 118:23

YandeYa ko oyapo kuae, yaecha ma, jare ñanemopɨakañɨ.

SALMOS 40:5

CheYa Tumpa, jeta yae ko mɨakañɨ reta reyapogüe jare ndeyemongeta reta orekotɨ. ¡Oyepapa rapeä nderóvai! Yepe tëi amoërakua jare chemiari jese reta, ngaraa opa amoërakua.

SALMOS 92:5

CheYa Tumpa, ¡nderembiapo reta oremopɨakañɨ yae ko! ¡Ndeyemongeta roupitɨ rapeä ko!

SALMOS 92:6

¡Jaeño kuimbae mbaetɨ iyarakuaa vae reta mbaetɨ oikuaa kuae regua!

PROVERBIOS 8:14

Cheré oï yemboarakuaa jare arakuaa kavi, che ko jae arakuaa katu, chembae ko mbaepuere.

ISAÍAS 31:2

Ërei jae iyarakuaa vae ko jare oikatu güeru vaerä susere, jae jei yave mbae, mbaetɨ oipoepɨ. Oñemopüata jeko ikavimbae vae reta kotɨ, iyoa vae reta omborɨ vae reta kotɨ.

ISAÍAS 41:20

opaete vae pe reta peecha vaerä jare peikuaa vaerä, kërai che peYa ko ayapo chembaepuere rupi kuae, che, Tumpa Iyoambae Israel pegua ko ayapo kuaekuae.”

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

JEREMÍAS 32:19

Tuicha yae yemongeta pe vae ko nde jare ndembaepuere yae mbae reyapo vaerä. Nde reecha opaete kuimbae oyapogüe, jare reiporarauka metei ñavo pe, jeko oï rupi jare jembiapo oï rupi.

Romanos 11:33

Tumpa yarakuaa tuichagüe yae ko, iyarakuaa katu yae ko. Yaupitɨ rapembae iyemongeta reta. Yaipapa rapeä ko jemimbota reta.