ISAÍAS 28:27 - Biblia Guarani Tumpa Iñee

^27-28 Echa eneldo jare comino mbaetɨ ko oyembopiriri trigo rami; trigo oyembopiriri mbae ipoɨ vae pe ani käretou iruera oñemopɨ̈ro jese, ërei mbegüe pe kavi, agüɨye vaerä opa omonguruvi; ërei eneldo jare comino oyembopiriri vaerä oñenupa ko ɨvɨra pe.

ISAÍAS 28:27 ပူးပေါင်းရင်းမြစ်များ

2 REYES 13:7

Echa jókuae kuimbae oporoepɨ vae ndei ou mbove, mburuvicha guasu Joacaz pe mbaetɨ ma jeta jembɨre sundaro, jaeño ma jembɨre chupe cincuenta kuimbae kavayu regua reta, payandepo käretou ñeraro pegua, jare diez mil kuimbae ɨvɨ rupigua, echa mburuvicha guasu Siria pegua opa oyuka, jare opa oeya ɨvɨkúi rami.

PROVERBIOS 20:26

Mburuvicha guasu yarakuaa vae, ombosɨrɨ iyeugüi iyoa vae reta, omboguata jese reta ruera, mbaembopiriría pe rami.

ISAÍAS 28:26

Echa Tumpa ko omboe kavi kërai oyapo vaerä.

ISAÍAS 41:15

Ko che roñono mbaembopiririka rami, mbaembopiririka ipɨau vae, jeta jäi vae; rembosururuta ɨvɨtɨ guasu opa emongúi, kapii rami eeya opaete ɨvɨtɨtï reta.

JEREMÍAS 10:24

Eiporarauka oreve oreYa Tumpa, reikuaa rupi kavi, agüɨye opaetei ndearasɨ eiporu oreré, echa oremokañɨteita ko.

JEREMÍAS 46:28

Che peYa jae: Cherembiokuai Jacob agüɨye ekɨɨye, echa che ko aï nde ndive. Amokañɨteita opaete tëtaguasu reta jókuae opa romoai moai jupi vae. Ërei nde mbaetɨta romokañɨtei opaetei, jaeño ronupata ndereko oï rupi, ngaraa roeya reiporarambae.”

AMÓS 1:3

YandeYa jei körai: “Damascoɨgua reta jeta yae iyoa jeko pegua, mbaetɨta cheɨ̈ro chupe reta; echa tëta Galaad ipo opa oyuka reta tembiporu jiero pegua pe.

San Mateo 23:23

¡Paravete, pe jova mókoi vae reta! Mborookuai re oporomboe vae reta jare fariseo reta. Echa pemee pediezmo reta temitɨ reta penoi vae güi: Menta, aní jare comino jee vae. Ërei peeya mborookuai jei peve peyapo vaerä jupi vae, mboroparareko jare mborogüɨrovia. Kuae ko jae peyapo vaerä peeyambae reve diezmo reta.