ISAÍAS 28:16 - Biblia Guarani Tumpa Iñee

¹⁶ Jáeramo yandeYa jei: “Mase, ko añonota Sión pe metei ita, ita oyeparavogüe, ikavi yae vae, o ekina iguapɨka, o iguapɨka okúembae, jese güɨrovia vae toiko pɨagüive.

ISAÍAS 28:16 ပူးပေါင်းရင်းမြစ်များ

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

GÉNESIS 49:24

Ërei ngatu igüɨrapa omopɨ̈rata yae, iyɨva omomɨ̈rata yae. ¡Yasoropai Imbaepuere yae ete vae pe, Jacob iTumpa pe! ¡Yasoropai Oporoangareko vae pe, Israel iñepɨ̈roa pe!

2 CRÓNICAS 20:20

Pɨareve pe ndeimboveasɨ opüa reta yogüɨraja ñuu Tecoa pe. Ñogüɨnoe ramboeve, Josafat oyemboɨ jei vaerä chupe reta: “Peyeapɨsaka Jerusalén pegua reta jare Judá pegua reta, peyeko yandeYa Tumpa re, jare ngaraa pekɨɨye; perovia iñeemombeúa reta re, jare opaete oë kavita peve.”

SALMOS 118:22

O iyapoa reta güɨröɨro ita vae, ou opɨta o ekina iguapɨkarä.

SALMOS 87:1

Tëta guasu Jerusalén iguapɨka oï ɨvɨtɨ oñeñono tee vae re.

ISAÍAS 14:32

¿Mbae pa yaeta jokotɨ güi ñee jerúa reta pe? Echa kërai, yandeYa omomɨ̈rata ma Sión, jare jae imbae vae reta matɨ rupi oiporara yogüɨreko vae reta yogüeru yeta joko pe.

ISAÍAS 30:18

Ërei yandeYa oärota, güɨnoi vaerä mboroparareko peré, oïndaivi oï oechauka vaerä mboroparareko peve, echa yandeYa jae ko Tumpa jupi vae. ¡Oyekou, opaete jese oyeko vae reta!

ISAÍAS 54:11

“¡Paravete, tëta guasu oiporara jeta mbaesusere vae, mbaetɨ reve kia ombopɨakatu vaerä! Ërei che añonota ita reta ndeguapɨka ita ipöra vae, carbunclo jee vae re, romboguapɨta ita ipöra vae, zafiro jee vae re;

DANIEL 2:45

jókuae ɨvɨtɨ güi reecha oa metei ita vae rami, mbaetɨ kia ipo pe oyoka reve, jókuae omonguruvi jiero, jiero iyu vae, ñaeu, korepoti jare oro. Tumpa tuicha yae vae oechauka ndeve mburuvicha guasu, maratuta oasa kuri vae; kuae mbaɨu añetete ko, jare mbae oipota jei vae jupigüe ko.

ZACARÍAS 10:4

Chugüi oëta ita o iguapɨka, etaka o guakapi pegua oñeapɨti jese vae jare güɨrapa ñeraro pegua, jare opaete mburuvicha.

ZACARÍAS 3:9

Echa, ko Josué jóvai añono ita; kuae ita jaevaeño vae güɨnoi chiu iyɨke; mase, ko che aikuatiata jei yandeYa Imbaepuere yae ete vae, jare ɨvɨ pegua reta iyoa aekɨta metei ara pe.

San Mateo 21:42

Jesús oparandu chupe reta: —¿Mbaetɨi pa pemongeta Tumpa Iñee? “O iyapoa reta güɨröɨro ita vae, ou opɨta o ekina iguapɨkarä. YandeYa ko oyapo kuae, yaecha ma, jare ñanemopɨakañɨ.”

San Marcos 12:10

¿Mbaetɨ pa pemongeta Tumpa Iñee pe oyekuatía oï vae?: ‘O iyapoa reta güɨröɨro ita vae, ou opɨta o ekina iguapɨkarä.

Romanos 10:11

Echa Tumpa Iñee pe jei körai: “Opaete güɨrovia jese vae, ngaraa oñemomaraiuka.”

Romanos 9:33

Echa Tumpa Iñee pe oyekuatía oï körai: “Mase, che añono Sión pe, ita pɨ̈sa-yeyuka pegua jare ita guasu oporoitɨ vae, ërei güɨrovia jese vae, ngaraa oñemomaraiuka.”

1 Corintios 3:11

Mbaetɨ kia ipuere oñono ïru o iguapɨka oñeñono ma vae güi. Jae ko Jesucristo.

Efesios 2:20

pe reta ko o oñemopüa vae rami, jókuae temimondo reta jare ñeemombeúa reta ko ita o oñemopüa jese vae rami. Ërei Jesucristo etei ko jae ita o ekina iguapɨka.

2 Timoteo 2:19

Ërei Tumpa iñee añete ko, mbaetɨ etei ko oyepoepɨ, echa jei körai: “YandeYa oikuaa imbae reta.” Jare: “Opaete omboete Cristo vae, tosɨrɨ ikavimbae vae güi.”