ISAÍAS 28:15 - Biblia Guarani Tumpa Iñee

¹⁵ Pe reta pere: “Oremiari kavi mano ndive jare omanogüe reta ñogüɨnoia ndive. Jayave mbaesusere ou yave ngaraa maratu roasa, echa roeka royepɨɨ vaerä apu re, jare roñemi vaerä yembotavɨ re.”

ISAÍAS 28:15 ပူးပေါင်းရင်းမြစ်များ

GÉNESIS 37:20

Peyu yayuka añave jare yamombo ɨvɨkua pe, jare yaeta kuri: Mbae nunga mbaeporou ndipo opa jou. ¡Yaecha toyembopo ipaɨu reta!

JOB 5:23

Ita reta ave ngaraa ndemboavai ndeko pe, mɨmba reta ñana rupigua ngaraa maratu ndeapo.

ECLESIASTÉS 8:8

Mbaetɨ kia güɨnoi mbaepuere tekove re oyopia vaerä, mbaetɨ vi kia ave güɨnoi mbaepuere mano re. Mbaetɨ kia ave ipuere ojoyepe kuae mbaesusere güi. Iyoa vae ave, jeko ngaraa güɨroasayepe.

ISAÍAS 28:18

Jare jókuae miari kavi peyapo mano ndive vae, jare omanogüe reta ñogüɨnoia ndive vae oyemboaita pegüi. Jare ou mbaesusere yave, ngaraa pemomara chugüi.

ISAÍAS 28:2

YandeYa oime güɨnoi metei jëia yae vae, imbaepuere yae ɨvɨtuai amandau reve vae rami vae, okɨ rai vae mbae omboai vae rami vae, ɨporu rami vae, opaeteita mbae oitɨ oeya ɨvɨ pe rami vae,

ISAÍAS 29:15

¡Paravete! YandeYa güi oñemi vae reta, oñomi reta iyemongeta jare jembiapo pɨtumimbi pe, jare jei reta: ¡“Mbaetɨ kia yandereecha, mbaetɨ kia yandekuaa”!

ISAÍAS 3:12

Tëta chembae vae pe oiporarauka reta vae, kunumi retaño ko; jare kuña reta ko ñogüɨnoi mburuvicharä jese. Tëta chembae vae, nderuvicha reta ndembotavɨ, ndereroata ïkotɨa rupi.

ISAÍAS 30:10

Maratuta vae imombeúa reta pe jei: “Agüɨye peecha mbae maratuta vae”, ñeemombeúa reta pe jei: “Agüɨye pemombeu oreve jupi rupi; pere oreve mbae ipöra vae, mbae nunga oremboyerovia vaeño.

ISAÍAS 30:12

Jáeramo, Iyoambae Israel pegua jei: “Pe reta peröɨro kuae ñee, jare peyeko teko kavimbae reño, ikavimbae reño perovia katu;

ISAÍAS 30:28

ipɨ̈túe ko, ou oväe ɨ yave oyepɨyere rami, ɨ yandeayu rupi yanderé rami, outa opa omboai tëtaguasu reta mbae nunga jiero pegua pe, oñonota kayurupegua opaete vae reta iyuru pe, ombojopa vaerä.

ISAÍAS 30:9

Echa kuae tëta pegua reta ko ipɨapochɨ vae jare yapu yae vae, mbaetɨ oipota reta oendu yandeYa iporookuai vae.

ISAÍAS 44:20

Tanimbuño jou vae rami ko jókuae reta. Ipɨa pe oyembotavɨuka reta. Jókuae nunga ngaraa ipuere oasayepe, echa mbaetɨ oparandu reta iyeupe: “¿Kuae anoi chepo pe vae añetete ra ko?”

ISAÍAS 59:3

Echa pe reta peporoyuka vae ko, jare pepo reta tugüɨ yepeai, peapu jare pere ñee ikavimbae.

ISAÍAS 59:4

Mbaetɨ kia oñeapo jupi rupi, mbaetɨ vi kia oporojäa añetegüe rupi. Güɨrovia katu reta apu re, jare ñee añetembae re; ipurúa reta rami ikavimbae pe, jare omoë reta mbaeyoa.

ISAÍAS 9:15

(Iñäka ombojaanga ko tenondegua reta jare mburuvicha reta re, juguai ombojaanga ko ñeemombeúa reta oporomboe apu re vae reta re.)

JEREMÍAS 13:25

Jae ko kuae oikota nde ndive vae Israel, amboepɨukata ndeve reyapogüe. Che ndeYa jae. Echa neakañɨ chegüi jare remboete tumpa-raanga reta.

JEREMÍAS 14:13

Jare che jae chupe: “¡Atataɨ cheYa Tumpa! Ñeemombeúa reta ko omoërakua kuae tëta pe mbaetɨta ñeraro, karuai jare nde remeeta chupe reta mbɨakatu opambae vae kuae pe vae.”

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

JEREMÍAS 44:17

Royapoñota roñererökuavee ma royapo vaerä vae. Roapɨta ikäti kavi vae incienso jare mbota vino oyepɨyere vae oretumpa ara pegua Mburuvicha kuña jee vae pe, añave rupi royapo roiko rami, jare tenonde rupi oreñemuñagüe reta, oreruvicha guasu reta jare tëta ruvicha reta Judá pegua jare kaye Jerusalén pegua rupi oyeapose rami. Jayave rogüɨnoise jeta tembíu, ikavi roiko jare mbaetɨ etei ou mbae nunga susere oreve;

JEREMÍAS 5:12

Israel pegua reta jare Judá pegua reta güɨröɨro yandeYa; jei reta: “Mbaeä etei ko Tumpa. Ngaraa ikavimbae ou yandeve, ngaraa oime ñeraro ani karuai.”

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

EZEQUIEL 13:16

jókuae ñeemombeúa reta ñogüɨnoi Israel pe vae, oecha raanga mbɨakatu vae omombeu reta Jerusalén pe, mbaetɨ etei reve mbɨakatu.’ Che peYa Tumpa jae.

EZEQUIEL 13:22

Pe reta pembopɨatɨtɨ jupi yogüɨreko vae peapu rupi, che mbaetɨi ambopɨatɨtɨ reta vae; jare pemoäta ngatu jupimbae reta, jeiete yogüɨreko vaerä ikavimbae rupi.

EZEQUIEL 22:28

Neñeemombeúa reta omombeu jaangaiño mbae outa vae, imbaekuaa vae maratuta vae re omombeu iyapu reve ramiño ko, jei reta: ‘YandeYa Tumpa jei körai.’ Ërei che mbaetɨ chemiari chupe reta.

EZEQUIEL 8:12

Jare jei cheve: “¿Nde kuimbae, reecha pa Israel iñemuña itenondegua reta oyapo vɨari, metei ñavo itumpa-raanga jɨru pe vae? Echa jae reta jei: ‘Ngaraa yandereecha yandeYa, oeya ma ko kuae ɨvɨ.’ ”

DANIEL 11:22

Opaeteita oyuka ikotɨ oyovaicho vae reta, ɨporu jeta oporoyuka rami; opaeteita omokañɨtei mburuvicha morogüɨrökuavee päve iyapoa ave.

DANIEL 9:27

Metei semana vae re jae oyapota metei morogüɨrökuavee päve jeta vae ndive; ërei semana mbɨte rupi oyopiata agüɨye vaerä ma oyeapo mɨmba oyeyukagüe jare mbota reta oñemee vae. Ikavimbae yae vae oyeapota tupao pe, ou regua oväe kañɨtei ikavimbae yae vae iyapoa re.’ ”

OSEAS 2:18

Jókuae ara ayapota peve morogüɨrökuavee päve mɨmba reta ñana rupigua ndive güɨra reta ndive, mboi reta ndive; aekɨta kuae ɨvɨ güi güɨrapa, kɨsepuku jare ñeraro, jare peiko pɨagüiveta.

AMÓS 2:4

YandeYa jei körai: “Judá pegua reta iyoa yae jeko pegua, mbaetɨta cheɨ̈ro chupe reta; echa güɨröɨro reta mborookuai amee vae jare mbaetɨ oyapo reta, echa itumpa-raanga reta opa omombia reta, jókuae iñemuñagüe reta omboetese vae.

AMÓS 6:13

Pe reta peyeroviaiño ma ko, pere yave: ¡Yandembaepuere rupi ko ñanoi kuae! Mbaeä etei ko.

JONÁS 2:8

Ikavimbae omomoe vae reta ndeporoparareko güi ko osɨrɨ reta.

SOFONÍAS 1:12

Jókuae ara, amoendɨta metei mechero jare amboesapeta amae Jerusalén re. Jare aiporaraukata jókuae ipɨagüive ñogüɨnoi vae reta pe, vino kïrii ngatu oï kopa pe rami vae, echa jókuae reta jei iyeupe: ‘¡YandeYa ngaraa oyapo mbae, ngaraa oyapo ikavi vae ani ikavimbae!’