ISAÍAS 28:13 - Biblia Guarani Tumpa Iñee

¹³ Jáeramo, yandeYa omomiarita michia raɨ rami, jaeramo etei oyemboe a, e, i, o, u jei vae re ñogüɨnoi rami. Jae reta oguatata, ërei oyatuaka retata, oñemopë retata, mbaetɨta ipuere omɨi, oa retata tembipɨɨrä.

ISAÍAS 28:13 ပူးပေါင်းရင်းမြစ်များ

SALMOS 69:22

Iarete pegua tembíu kavi reta toï chupe reta ñuai rami, ikavi vaerä tëi vae, yemboavairä.

ISAÍAS 28:10

jókuae michia reta jaeramo etei oyemboe: a, e, i, o, u jei vae re ñogüɨnoi vae rami?”

ISAÍAS 59:10

Yapovɨvɨ yaguata jesambae rami, ñanepɨ̈sa yeyuka ara pe, pɨ̈tu yave rami; yaiko pɨtumimbía pe, tëogüe reta rami.

OSEAS 6:5

Kuae jeko pegua opa pomboai ñeemombeúa reta rupi; cheñee rupi opa poyuka, cheporojäa outa peve tembipe oë ou rami.

OSEAS 8:12

Yepe tëi aikuatía chupe jeta yemboe cheporookuai reta re, ërei jae mbaeä etei omae jese.

San Mateo 13:14

Jökorai oyembopo jese reta ñeemombeúa Isaías jei vae. Echa jei körai: ‘Peendu tëita, ërei ngaraa peikuaa. Peecha tëita, ërei ngaraa peecha kavi.

San Mateo 21:44

Oime kia nunga vae jókuae ita re ipɨ̈sa-yeyuka yave, oñemopëta ko. Jare kia re jókuae ita oa yave, opata omonguruvi.

Romanos 11:9

Jaeramiño vi David jei körai: “Opaete iarete reta tembíu kavi pegua, toï chupe reta ñuai reta rami. Toï chupe reta ogüɨapi vaerä jare oiporara vaerä.

2 Corintios 2:16

Oporogüɨroviambae vae reta pe kuae mano pegua ko, ërei oporogüɨrovia vae reta pe tekove pegua ko. Jare ¿kia pa ipuere oyapo kuae?

2 Pedro 3:16

Jare opaete jembikuatía pe omombeu jókuae re. Amo pe yavai yaikuaa vaerä, jare amogüe vae oikuaambae vae jare ipɨ̈ratambae iporogüɨrovia pe vae güɨrova, jaeramiño vi güɨrova ïru Tumpa Iñee jae reta aeño oñemokañɨtei vaerä.