ISAÍAS 27:13 - Biblia Guarani Tumpa Iñee

¹³ Jare jókuae ara oñemoñeeta temimbɨguasu, jare opa oñemoai ñogüɨnoi Asiria rupi vae reta, jaeramiño vi Egipto pe ñogüɨnoi vae reta, yogüeruta omboete yandeYa tëta Jerusalén pe, jae ko ɨvɨtɨ oñeñono tee vae re.

ISAÍAS 27:13 ပူးပေါင်းရင်းမြစ်များ

2 REYES 17:6

Oseas chau año ma oiko mburuvicha guasurä yave, mburuvicha guasu Asiria pegua oike tëta guasu Samaria omoamɨri, jare güɨraja Israel pegua reta tembipɨɨrä Asiria pe, jare oñono Halah pe, Habor pe, ɨ̈aka Gozán iyɨ́vɨri, jare ɨvɨ Media pegua reta jëta guasu reta rupi.

1 CRÓNICAS 15:24

Jare sacerdote reta jae: Sebanías, Josafat, Natanael, Amasai, Zacarías, Benaía jare Eliezer omoñee reta mimbɨguasu Tumpa ikäjou jenonde vae reta. Obed-edom jare Jehías jae vi Tumpa ikäjou jo jöke iyangarekoa.

SALMOS 47:5

¡YandeYa Tumpa oyeupi iguapɨa mborookuaía pegua pe, sapúkai yerovia katu pegua jare mimbɨguasu iñee ndive!

SALMOS 81:3

Pemoñee mimbɨguasu yasɨ pɨau pe, jare yasɨ jova guasu yave; jae ko yandearete mbaemboete pegua iara,

SALMOS 89:15

CheYa Tumpa, oyerovia ko tëta ndemboete oyerovia katu reve vae; nderemimbota rupi oguata vae,

ISAÍAS 11:11

Jökoraiño vi jókuae ara yandeYa, imbaepuere rupi güeru yeta imbae vae reta jembɨregüe oimeño opɨta Asiria pe vae, Egipto pe, Patros pe, Etiopía pe, Elam pe, Sinar pe, jare Hamat pe jare ɨguasu jembeɨ rupigua tëta reta güi.

ISAÍAS 11:12

Omopüata bandera opaete tëtaguasu reta peguarä, omboatɨta peɨvɨ Israel güi oyemombogüe reta, omboatɨta Judá pegua reta opa oñemoai ñogüɨnoi mombɨrɨ ara igüɨ kotɨ rupi vae.

ISAÍAS 11:16

Oyepeata tape, tëta imbae vae jembɨregüe pe, Asiria kotɨ güi oyerova reta ye yave, jëtara Israel iñemuña reta oyerova ye Egipto kotɨ güi yave rami.

ISAÍAS 18:3

Pe reta, opaete ɨvɨ pegua reta, bandera oñemopüa ɨvɨtɨ re yave pemae jese, jare mimbɨguasu oñemoñee yave peyeapɨsaka jese.

ISAÍAS 19:21

YandeYa oyekuaaukata Egiptoɨgua reta pe, jae reta oikuaata jare omboeteta, omeeta chupe mɨmba oyeyukagüe jare mbota. Oñererökuavee retata yandeYa pe jare ombopo retata iñee chupe.

ISAÍAS 19:22

YandeYa ombopereta Egipto, ërei jaɨkue rupi ombogüerata. Jae reta oyerovata yandeYa kotɨ, jare jae oipararekota omae jese reta jare ombogüerata.

ISAÍAS 2:11

Ipɨayemboete vae reta iñäkatindɨta opɨta; ipɨapochɨ vae reta oñemomichiukata. YandeYaño oyembotuichaukata jókuae ara,

ISAÍAS 2:2

Ara taɨkuegua rupi, ɨvɨtɨ yandeYa jo oï jese vae, oïta kuri opaete ɨvɨtɨ reta itenondeguarä, jare oyembotuicha yaeta opaete vae ɨvɨtɨ reta güi, jare opaete tëtaguasu reta yogüeruta ikotɨ;

ISAÍAS 2:3

jeta vae yogüeruta ketɨ ketɨ güi, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä kërai yaiko vaerä, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

ISAÍAS 25:6

Ɨvɨtɨ Sión re yandeYa Imbaepuere yae ete vae, oyapota arete opaete ɨvɨ pegua reta peguarä, tembíu kavi ndive jare vino ikavigüe ndive, tembíu jëe ngatugüe ndive jare vino oyeambae ndive.

ISAÍAS 43:6

Ɨvɨtuguasu kotɨgua reta pe jaeta: ‘Opa ye embou’, jare arayevɨ kotɨgua reta pe jaeta: ‘Agüɨye emombɨta. Eru mombɨrɨ ɨvɨ iyapɨ kotɨ güi cheraɨ reta jare cherayɨ reta,

ISAÍAS 49:7

YandeYa, oPoroepɨ vae, Tumpa Iyoambae Israel pegua, jei oñemotareɨuka ïru tëtaguasu reta pe vae pe, ipɨarai vae reta jembipɨɨrä oiko vae pe: “Mburuvicha guasu jare mburuvicha reta ndereecha yave, opüata jare ndemboeteta; echa che ndeYa, Tumpa Iyoambae Israel pegua jupi vae ko, che ko roparavo.”

ISAÍAS 56:8

Che peYa Tumpa, Israel iñemuña reta opa oñemoai moai ñogüɨnoi vae reta omboatɨ vae, jae körai: Amboatɨ ye ñotai ïru tëta reta rupi oñemoai ñogüɨnoi vae.”

ISAÍAS 66:18

“Echa che aikuaa nderembiapo reta, jare ndeyemongeta reta. Oväeta ara, amboatɨ vaerä opaete tëtaguasu jare ñee ambuae mbuae pe imiari vae reta, yogüeruta jare oecha retata cheyemboetea.

ISAÍAS 66:23

Yasɨ pɨau iarete ñavo pe, jare ara mbutuu iara ñavo yogüeruta opaete vae chemboete. Che peYa ko jae kuae.

JEREMÍAS 31:6

Echa oväeta ara omaeäro vae reta osapúkai vaerä ɨvɨtɨ Efraín re, jei reve: ‘Peyu, yaja Sión pe, yamboete vaerä yandeYa Tumpa.’ ”

JEREMÍAS 43:7

Opa yogüɨraja Egipto kotɨ, oyapombae reve yandeYa jeigüe vae, jare yogüɨraja oväe tëta guasu Tafnes pe.

JEREMÍAS 44:28

Jare mbovɨ oasayepe mano güi Egipto pe vae oyerova yeta ɨvɨ Judá pe. Jökorai, opaete Judáɨgua reta jembɨregüe, yogüɨraja ɨvɨ Egipto pe yogüɨreko vae reta, oechata kia iñee ra oyembopo vae, cheñee ra ani jae reta iñee ra.

EZEQUIEL 20:34

Che pomboatɨta opaete ïru ɨvɨ rupi opa peñemoai moai peïa güi, chembaepuere pe jare chearasɨ aitɨ reve peré.

EZEQUIEL 20:41

Pomboatɨ ma opaete ïru tëtaguasu reta peñemoai moai peïa güi yave, aechauka ma cheyemboetea peré opaete vae reta jovake yave, chepɨakatuta amae peré ikäti kavi vae incienso re rami.

EZEQUIEL 39:25

Jáeramo che peYa Tumpa jae körai: Añave ayuta amborɨ Jacob iñemuña reta tembipɨɨrä ñogüɨnoi vae, aipararekota opaete Israel iñemuña reta, cherägüɨro reve aechaukata cheree ikɨambae vae.

DANIEL 11:45

omopüata jeyupa ɨguasu jare ɨvɨtɨ guasu iyemboetea yae vae jare oñeñono tee vae ipäu pe. Ërei joko pe oväeta omano vaerä, jare mbaetɨta kia omborɨ vae.

OSEAS 11:11

“Güɨra reta iñäkua oveve rami yogüeruta Egipto kotɨ güi; yogüeruta Asiria güi, pɨkasu rami; jare ameeta yogüɨreko pɨau ye jo ae rupi. Che ndeYa ko jae kuae.

OSEAS 8:13

Jae reta omomora yae omee mɨmba oyeyukagüe, omee reta, jare jou reta isoogüe; ërei cheve mbaetɨ ikavi jókuae, chemaenduata ikavimbae oyapo reta vae re, aiporaraukata chupe reta iyoa re, amboyerova yeta Egipto kotɨ.

OSEAS 9:3

Efraín pegua reta yogüɨraja yeta Egipto pe jare Asiria pe, joko pe jou retata tembíu mbaetɨta tëi oyeu vae. Mbaetɨta opɨta reta yandeYa iɨvɨ pe,

LEVÍTICO 25:9

chiúa yasɨ pe, payandepo ara pe, mɨmba oyeyukagüe cheɨ̈ro vaerä mbaeyoa re vae iara pe, pemoñeeuka täta temimbɨ vecha kuimbae-räti pegua opaete peɨvɨ rupi.

MIQUEAS 7:14

¡Eyangareko ndembae vae reta re ndepopoka pe; ndevecha reta yogüɨreko ndeɨvɨ pe vae re, ñana rupiño, ɨvɨ kavía rupi yogüɨreko vae re! Eeka kapii Basán pe jare Galaad pe; ïru ara oasagüe rupi reyapo rami.

ZACARÍAS 14:16

Jare opaete oikoveño yogüeru oporepeña Jerusalén re vae reta, oyeupita año ñavo omboete vaerä Mburuvicha guasu, yandeYa Imbaepuere yae ete vae jare omboareteta o ñairaka pegua.

ZACARÍAS 8:7

Mase, ko che ayorata tëta chembae, ïru tëta guasu kuaraɨ oëa kotɨgua imbaepuere güi; jare tëta guasu kuaraɨ oikea kotɨgua imbaepuere güi,

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

San Mateo 24:31

Jare amondota chearaɨgua reta jemimbɨguasu omoñee reve güeru vaerä aiparavogüe reta opaete ketɨ ketɨ güi.

San Lucas 4:18

“YandeYa iEspíritu oï cheré, echa cheparavo amombeu vaerä ñee ikavi vae iparavete vae reta pe. Chembou ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare amomae vaerä jesambae reta. Chembou vi ayora vaerä yogüɨrekoasɨ katu vae reta.

Romanos 10:18

Ërei taparandu: ¿Oenduä etei ra? ¡Oendu reta tëi ko! Echa Tumpa Iñee pe oyekuatía oï körai: “Opaete rupi ojo iñee reta, opaete ɨvɨ iyapɨ rupi ojo oväe iñee reta.”

1 Tesalonicenses 4:16

Echa yandeYa etei ogüeyɨta ara güi ñee mbaepuere pegua ndive, araɨgua tenondegua vae iñee jare Tumpa jemimbɨ guasu ndive. Jare Cristo re güɨrovia reve omano vae reta oikove yeta jae reta räri;

Hebreos 12:22

Ërei pe reta peya ma ɨvɨtɨ guasu Sión re, Tumpa oikove vae jëta guasu re. Jae ko Jerusalén ara pegua, araɨgua reta jeta yae ñogüɨnoia re,

Apocalipsis 10:7

echa araɨgua chiúa omboɨpɨ ma omoñee mimbɨguasu yave, opata oyembopo Tumpa iyemongeta yaikuaa rapembae vae, jae oikuaauka jembiokuai iñeemombeúa reta rupi vae.”

Apocalipsis 8:2

Jare aecha jókuae chiu araɨgua Tumpa jóvai oyemboɨ ñogüɨnoi vae reta. Jare oñemee chupe reta chiu mimbɨguasu.

Apocalipsis 8:6

Jare jókuae chiu araɨgua chiu mimbɨguasu güɨnoi vae reta oï kavi omoñee vaerä.

Apocalipsis 9:14

jókuae ñee jei araɨgua mimbɨguasu omoñee ramo vae pe: “Eyora jókuae irundɨ araɨgua ɨ̈aka Éufrates iyɨpɨ pe oñeapɨti vae reta.”