ISAÍAS 27:1 - Biblia Guarani Tumpa Iñee

¹ Jókuae ara yandeYa oyukata ikɨsepuku täta yae vae, yavaete jare tuicha vae pe Leviatán jee vae, mboi guasu iñäkua yae vae, ipire jaimbe vae; oyukata jókuae mbaeporou ɨguasu pe oï vae.

ISAÍAS 27:1 ပူးပေါင်းရင်းမြစ်များ

JOB 26:13

Iɨvɨtu pe ara otupei, jae oyuka mboi ñɨma iñäkua yae vae.

JOB 3:8

¡Maera ra oyepopeyuä jókuae pɨ̈tu re ara re oyepeyu vae reta, oyeapokatu omomba reta vaerä mbaeporou Leviatán jee vae!

JOB 40:19

Jae ko cherembiapo kavi, jaeño che iyapoa chepuere amoamɨri.

JOB 41:1

¿Ndepuereta ra mbaeporou Leviatán jee vae renoe pinda pe? ¿Ndepuereta ra remoiïcha ikü rupi?

SALMOS 104:26

jokoropi oguata barco reta, joko pe oime mbaeporou Leviatán jee vae, reyapo oyuvanga vaerä pɨpe.

SALMOS 45:3

Jëia vae, ¡eñono ndekúa re ndekɨsepuku! ¡Jae ko ndearuandapa ndeyemboetea!

ISAÍAS 26:21

Echa ko yandeYa ou oïa güi, oinupa vaerä ɨvɨ pegua reta, opaete imbaeyoa reta re, jare ɨvɨ omboyekuaata, jekombae jugüɨ oyepɨyere pɨpe vae, ngaraa ma oñomi, oyeyukagüe reta oime pɨpe vae.

ISAÍAS 51:9

Epüa, epüa cheYa, eyemonde mbaepuere pe; epüa, arakae tenonde rupi repüa rami, arakae reyapo rami. Nde ko opa rembojaɨ jaɨ Rahab, mbaeporou ɨguasu rupigua;

ISAÍAS 65:12

che pomeeta pemano ñeraro pe, opaete pe reta peyetavatɨkata peäka oyeasɨa vaerä. Echa poenɨi tëi, ërei mbaetɨ pemboyevɨ cheve; pomomiari tëi, ërei mbaetɨ peendu cheve; peyapo ikavimbae cheróvai, peiparavo peyeupe, mbaetɨ etei ipöra cheve vae.”

ISAÍAS 65:25

Aguarayaɨmba jare vecha kuimbae raɨ okaru päveta, yaguapope jouta kapii güeye rami; jare mboi jembiurä ɨvɨkúi. Ngaraa oyombopɨatɨtɨ reta, jare ngaraa oyapo reta ikavimbae opaete cheɨvɨtɨ oñeñono tee vae pe.” Jei yandeYa.

ISAÍAS 66:16

YandeYa ojäata opaete kuimbae reta tata rupi, jare kɨsepuku rupi; jeta yaeta omano vae.

JEREMÍAS 47:6

¡Atataɨ, cheYa ikɨsepuku! ¿Kërai yave pa reputuuta? ¡Ekua ye nderɨru pe, nekïrii, nekïrii epɨta!

JEREMÍAS 51:13

Nde, Babilonia, ɨ̈aka reta ipäu pegua, jare jeta ndembaeyekou vae. ¡Oväe ma ndeve ndeapɨ vaerä! ¡Oväe ma iyapɨ vaerä ndembaepotarai!

JEREMÍAS 51:34

Jerusalén, Sión pegua tëta guasu jei: “Nabucodonosor, mburuvicha guasu Babilonia pegua, chembojaɨ jaɨ jare opa chemókoi; chereeya metei vaso ipombae rami. Mbaeporou ɨguasu rupigua rami chereu; oñemoɨ̈vɨata, oyúe yae chegüi vae pe, jare cherembɨregüe omombo. ¡Toiporara Babilonia, ikavimbae oyapo cheve vae re! ¡Caldeaɨgua reta toiporara oyuka chegüigüe reta re!”

EZEQUIEL 29:3

Ere chupe reta: ‘CheYa Tumpa jei körai: Che ayovaicho nde ndive Faraón, mburuvicha guasu Egipto pegua; mbaeporou päicha guasu oyapakua ɨ̈aka mbɨte pe rami vae jei: Chembae ko kuae ɨ̈aka Nilo, che ko ayapo cheyeupe.

AMÓS 9:3

Ɨvɨtɨ guasu Carmelo iyapɨte re oñemi yave, joko pe aekata aipɨɨ; yepe mona oñemi tëi chegüi ɨguasu jugua pe, joko pe amondota mboi oichuu vaerä.

Apocalipsis 12:3

Jare oyekuaa vi ara re ïru mbae tuichagüe, jae ko: Metei mbaeporou tuichagüe pɨ̈ta vae. Güɨnoi chiu iñäka, payandepo jäti jare iñäka ñavo re güɨnoi äka-regua.

Apocalipsis 13:11

Javoi aecha ïru mbaemɨmba guasu oë ɨvɨ güi, güɨnoi mókoi jäti metei vecha kuimbae taɨrusu vae jäti rami. Ërei imiari jókuae mbaeporou guasu rami.

Apocalipsis 13:4

jare omboete reta mbaeporou guasu omee mbaepuere mbaemɨmba guasu pe vae. Jaeramiño vi omboete reta jókuae mbaemɨmba guasu, jei reve: “Mbaetɨ yé ko kia kuae mbaemɨmba guasu rami vae. ¿Kia pa ipuereta oñeraro jae ndive?”

Apocalipsis 16:13

Jare aecha oë mbaeporou iyuru güi, mbaemɨmba guasu iyuru güi jare ñeemombeúa raanga iyuru güi mboapɨ espíritu ikɨa vae pïte rami vae;

Apocalipsis 17:1

Jayave jókuae chiu araɨgua reta chiu kopa güɨnoi vae reta güi metei ou jei cheve: “Eyu kuae pe. Aechaukata ndeve kërai oñejäauka jókuae kuña iyaguasa pota vae ɨ reta re oguapɨ oï vae.

Apocalipsis 17:15

Jei vi cheve: “Ɨ reta re reecha jókuae kuña iyaguasa pota vae oguapɨ oï vae, oyembojaanga ko tëta reta, jeta yae vae reta, tëtaguasu reta jare ñee ambuae mbuae vae reta re.

Apocalipsis 19:21

Jare opaete mbaemɨmba guasu isundaro reta oyeyukauka kavayu re opo vae ikɨsepuku oë iyuru rupi vae pe. Jare opaete güɨra reta oyemoangapɨɨ isoogüe reta re.

Apocalipsis 2:16

Jáeramo, eeya ndeyemongeta ikavimbae vae ndepɨa pe oï vae; echa mbaetɨ yave ayuta ɨmambae ndeve, añorarota jae reta ndive kɨsepuku cheyuru güi oë vae pe.

Apocalipsis 20:2

Jare oipɨɨ jókuae mbaeporou guasu, mboi ñɨma vae, jae ko aña guasu Satanás. Jare oipokua mil año pegua.