ISAÍAS 26:8 - Biblia Guarani Tumpa Iñee

⁸ OreYa, roguata ko orepɨakatu reve kavi ndeporookuai jei vae rupi. Ndekotɨño ko orepɨa oyemongeta.

ISAÍAS 26:8 ပူးပေါင်းရင်းမြစ်များ

2 SAMUEL 23:5

Jáeramo, cheñemuña reta täta ko ñogüɨnoi Tumpa re, echa jae oyapo ko che ndive morogüɨrökuavee päve jekuae avei pegua. Jupi rupi oyeapo jare oyembopo vaerä mbaembae. Jae ko omee aporomoamɨri, jare ombopo cheve opaete chepɨa jemimbota.

SALMOS 106:3

Oyerovia ko, jupi vae oyapo vae reta, jupi vae oyapo avei vae reta.

SALMOS 130:5

Opaete chepɨa ndive ko roäro cheYa, arovia neñee re.

SALMOS 18:23

Isɨmbi rupi aiko jae jóvai, añeñovatu opaete mbae ikavimbae güi.

SALMOS 42:2

Cheɨuve yae rami ndekotɨ cheTumpa, nde, cheTumpa oikove vae. ¿Kërai yave ra aïta cheTumpa jóvai?

SALMOS 65:6

Nde ko ɨvɨtɨ guasu reta reñono jenda rupi ndembaepuere pe,

SALMOS 73:25

¿Oime ra kia yé cheve ara pe? ¡Mbaetɨ! ¡Jaeño nde! Mbaetɨ ye mbae aipota kuae ɨvɨ pe.

SALMOS 84:2

¡Aipota yae jare chekɨ̈reɨ yae aï vaerä nderoka pe, cheYa! ¡Opaete chepɨa ndive atairari ayerovia reve Tumpa oikove vae pe!

ÉXODO 3:15

Tumpa jei ye Moisés pe: —Köraita rere Israel iñemuña reta pe: “YandeYa, peñemuñagüe Abraham, Isaac jare Jacob iTumpa chembou pekotɨ.” Kuae ko jae cheree jekuae avei pegua, kuae tee rupi pemaenduata cheré jekuae avei.

CANTARES 5:8

Kuñatai reta Jerusalén pegua, pomoñera peecha yave aaɨu vae, pere vaerä chupe cheve, amanota ma aaɨu güi.

ISAÍAS 12:4

Jókuae ara rupi petairarita körai: “Pemee yasoropai jare peyerure yandeYa pe, pemoërakua tëtaguasu reta pe, jae mbaembae oyapogüe, pemomaendúa jae ko tuicha yae vae.

ISAÍAS 24:15

Opaete kuaekuae re pemboete yandeYa, kuaraɨ oëa kotɨgua reta, ɨguasu päu rupigua reta pemboete yandeYa, Tumpa Israel pegua.

ISAÍAS 25:1

CheYa, nde ko jae cheTumpa; tambotuicha jare tamboete nderee, echa reyapo jeta mɨakañɨ, ndeyemongeta arakae güive voi ma reyapo vae, añete vae ko jare oyembopo vae ko.

ISAÍAS 25:9

Jókuae ara jei retata: “Kuae ko jae ñaneTumpa ñaäro yaiko vae, jese yarovia jare jae yandemborɨta. Yayerovia jare yavɨa, echa jae ko yandemborɨta.”

ISAÍAS 26:13

OreYa Tumpa, ïru vae reta oyemombae oreré, ërei ndereño oremaendúa, ndeño ko jae oreYa.

ISAÍAS 30:18

Ërei yandeYa oärota, güɨnoi vaerä mboroparareko peré, oïndaivi oï oechauka vaerä mboroparareko peve, echa yandeYa jae ko Tumpa jupi vae. ¡Oyekou, opaete jese oyeko vae reta!

ISAÍAS 33:2

OreYa, oreparareko, ndereño ko royeko. Oremborɨ ndeimbove ñavo, jare eiko oreve orereroasayepe vaerä oime mbaesusere yave.

ISAÍAS 49:23

Mburuvicha guasu reta ñogüɨnoita ndeangareko vaerä, jare tayɨ reta ñogüɨnoita oyangareko vaerä nemichia reta re. Oyetavatɨka retata nderóvai ɨvɨ re ndemboete, jare ndepɨ oipɨte retata. Jare chekuaata che ko jae peYa vae, jare kërai cheré güɨrovia vae reta ngaraa oñemomaraiuka.”

ISAÍAS 51:4

Peyeapɨsaka cheré tëta chembae, peendu cheñee tëtaguasu chembae: Amoërakuata cheporookuai reta, jare jókuae omboesapeta tëta reta peguarä.

ISAÍAS 56:1

YandeYa jei körai: “Peyapo jupi vae, peyapo sɨmbi vae, echa köiño ma ou cheporoyora; amboyekuaa vaerä chembaepuere, cheporogüɨroasayepe.

MIQUEAS 4:5

Yepe tëi opaete ïru vae reta metei ñavo yogüɨreko itumpa re aeño; ërei ore, opaete reve roikota oreYa Tumpa re aeño, iyapɨmbae, jekuae avei pegua.

MIQUEAS 7:7

Ërei ngatu, che, yandeYa reño amaeta, Tumpa chereroasayepe vae reño ayekota; jókuae cheTumpa ko chereenduta.

MALAQUÍAS 4:4

Pemaendúa cherembiokuai Moisés iporookuai reta re, ɨvɨtɨ Horeb pe. ¡Jae ayókuai omee vaerä mborookuai reta opaete Israel iñemuña reta pe!

NÚMEROS 36:13

Kuae mborookuai reta yandeYa omee Moisés rupi Israel iñemuña reta pe, ɨvɨ Moab pe, Jordán jembeɨ pe, Jericó re katu.

San Lucas 1:6

Kuae reta jupi rupi yogüɨreko Tumpa jóvai. Echa jekuaeño omboyerovia reta Tumpa, oyapo reta yandeYa iporookuai reta vae rupi.

Hechos 1:4

Jare jae oï vɨteri jae reta ndive yave, oyókuai agüɨye vaerä yogüɨraja tëta guasu Jerusalén güi. Oyókuai oäro vaerä yandeRu omeeta chupe reta vae. Echa jei chupe reta: —Jókuae re chemiari ma peve.

Romanos 8:25

Ërei ñaäro ñaï mbaetɨ yaecha vae yave, ñaäro yandepɨaguasu reve.

2 Tesalonicenses 3:5

YandeYa tapemborɨ peporoaɨu vaerä Tumpa rami, jare pepɨaguasu vaerä Cristo ipɨaguasu rami.