ISAÍAS 26:6 - Biblia Guarani Tumpa Iñee

⁶ opɨ̈ro vaerä jese oiporara vae reta jare paravete vae reta.”

ISAÍAS 26:6 ပူးပေါင်းရင်းမြစ်များ

2 REYES 9:33

Jehú jei chupe reta: —¡Peitɨ pembou ɨ́vɨkotɨ! Jare jókuae kuimbae reta oitɨ ombou ɨ́vɨkotɨ, jare jugüɨ oñapiramo ovapetea jare kavayu reta; jare kavayu reta opɨ̈ro Jezabel re.

ISAÍAS 11:4

oporojäata ko jupi rupi paravete vae reta re, oñemoëta arakuaa katu reve kavi, ipɨa omomichi vae reta re; jare iñee rupi oporonupata, iñee pe oyukata iTumpa potambae.

ISAÍAS 25:10

YandeYa ko oyangarekota ɨvɨtɨ Sión re, ërei Moab re opɨ̈rota, kapii re oñepɨ̈ro ɨtɨapɨ pe rami.

ISAÍAS 28:3

ipɨ pe opata oumbiri, kuae ɨvɨ Efraín pegua savaɨpo regua reta oyemboete jese vae.

ISAÍAS 29:19

Jayave oñemomichi vae reta, oyerovia yeta yandeYa re, jare paravete yae vae reta, oyerovia yeta Iyoambae Israel pegua re.

ISAÍAS 3:14

YandeYa outa ojäa tëta imbae vae itenondegua jare juvicha reta: “Pe reta opa pemokañɨtei cheuvarupa; paravete vae reta güi peñomigüe oime penoi pero pe.

ISAÍAS 3:15

¿Maera pa peyuvanga tëta chembae re? ¿Maera pa peyuvanga mbatee paravete vae reta re?” Jei yandeYa Tumpa Imbaepuere yae ete vae.

ISAÍAS 37:25

Ɨvɨ ambuae pe ayoo ɨkua jare anoe ɨ jau, chepɨ peño opa amotini ɨ̈aka reta Egipto pegua.’

ISAÍAS 60:14

Jare oñemomichi reve yogüeruta ndekotɨ oiporaraukase ndeve vae taɨ reta, jare nemotareɨse vae reta, oyetavatɨkata nderóvai, jare nereenɨi retata ‘YandeYa Jëta guasu’, ‘Sión, Iyoambae Israel pegua jëta’.

JEREMÍAS 50:45

Peyeapɨsaka kërai che peYa ayemongeta Babilonia kotɨ vae re; Caldeaɨgua reta iɨvɨ regua yemongeta ayapo vae: Vecha raɨ ave güɨraja retata, jare kapiirupa opata oyemboai.

DANIEL 7:27

Mborookuaía, mbaepuere jare yemboetea opaete ɨvɨ pe ñogüɨnoi vae, oñemeeta oñeñono tee Tuichagüe yae ete vae pe vae reta ipo pe. Iporookuaía oikota jekuae avei pegua, opaete ɨvɨ pegua reta oyeokuaita chupe jare yogüɨrekota jae jeia re.’

SOFONÍAS 3:11

Jókuae ara ngaraa ma nemara pɨapochɨ rupi mbaembae reyapose chekotɨ vae güi. Echa jókuae ara opata aekɨ ndegüi ipɨapochɨ vae reta jare ipɨayemboete vae reta. Ngaraa ye ma ipɨayemboete reta cheɨvɨtɨ oñeñono tee vae re.

MALAQUÍAS 4:3

Jókuae ara pepɨ̈rota jeko kavimbae reta re, tanimbu rami opɨta retata pepɨ igüɨ pe. Jókuae ara amboɨpɨ aporojäa yave, jei yandeYa Imbaepuere yae ete vae.

San Lucas 10:19

Mase, amee ma peve mbaepuere pepuere vaerä pepɨ̈ro mboi re jare tumɨkarape re, jare penoi vaerä mbaepuere opaete tovaicho re, ngaraa etei ipuere mbae oyapo peve.

Romanos 16:20

jayave Tumpa mbɨakatu omee vae ɨmambae tomoamɨri Satanás, toñono pepɨ igüɨ pe. YandeYa Jesucristo ipɨakavi toï pe reta ndive.

1 Corintios 1:26

Cherɨvɨ reta, pemaendúa Tumpa peparavo vae re, yepe tei mbaetɨ ko jeta iyarakuaa katu vae reta pepɨte pe ani mbaepuere güɨnoi vae reta, jare mburuvicha reta iñemuña reta.

Santiago 2:5

Cherɨvɨ aaɨu vae reta, peyeapɨsaka cheré. Tumpa oiparavo iparavete vae reta oikokatu vaerä iporogüɨrovia re jare güɨnoi vaerä imbaerä mborookuaía, jókuae Tumpa güɨrökuavee omee vaerä opaete güɨnoi mboroaɨu ikotɨ vae reta pe.

JOSUÉ 10:24

Jare güeru reta Josué pe yave, jae oenɨi opaete Israel iñemuña reta, jare jei mburuvicha ñeraro regua reta jae ndive yogüeru vae reta pe: “Peyu kuae kotɨ jare peñono pepɨ kuae mburuvicha guasu reta iyaseo re.” Jare jókuae mburuvicha reta jökorai oyapo.

Apocalipsis 2:26

Oporomoamɨri vae jare oyapo cheparavɨkɨ omboapɨ regua vae pe, che ameeta chupe güɨnoi vaerä mbaepuere tëtaguasu reta re.

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.