ISAÍAS 26:4 - Biblia Guarani Tumpa Iñee

⁴ Peyeko avei yandeYa Tumpa re, echa jae ko ñepɨ̈roa opambae.

ISAÍAS 26:4 ပူးပေါင်းရင်းမြစ်များ

2 CRÓNICAS 20:20

Pɨareve pe ndeimboveasɨ opüa reta yogüɨraja ñuu Tecoa pe. Ñogüɨnoe ramboeve, Josafat oyemboɨ jei vaerä chupe reta: “Peyeapɨsaka Jerusalén pegua reta jare Judá pegua reta, peyeko yandeYa Tumpa re, jare ngaraa pekɨɨye; perovia iñeemombeúa reta re, jare opaete oë kavita peve.”

2 CRÓNICAS 32:8

Jae ndive oï kuimbae reta imbaepuere, ërei yande ndive oï yandeYa Tumpa yandemborɨ vaerä kuae ñeraro pe.” Jare mburuvicha guasu Ezequías iñee oendu reta yave, oñemoäta ngatu opaete vae.

JOB 9:19

Ñanemiari yave imbaepuere re, añetete imbaepuere yae ko; ñajäa vaerä ko yave, ¿kia pa ojota güeru?

SALMOS 125:1

YandeYa re oyeko vae reta, ɨvɨtɨ Sión rami ko, mbaetɨ omɨi, oï avei jenda pe.

SALMOS 18:2

CheYa, ita guasu cheñepɨ̈roa, cheñepɨ̈roka, chereroasayepe vae; cheTumpa, chepɨ̈rata nderé vae, ndereño ayeko vae, cheyeopiaka, mbaepuere chereroasayepe vae, cheñemía ɨvate yae vae.

SALMOS 46:1

Tumpa ko ñepɨ̈roa jare yeepɨka, mbɨatɨtɨ iara pe yandemborɨ jarembae voi vae.

SALMOS 55:22

Eeya ndeyemoambeko yandeYa pe, jae neñono kavita; jae ngaraa omaeño ogüɨapi kuimbae jupi vae.

SALMOS 62:11

Mbovɨ ye aendu Tumpa jei, jae imbae ko mbaepuere vae.

SALMOS 62:8

¡Cherëtaɨgua reta! Jeseño peyeko; pemee pepɨa chupe, Tumpa jae ko yandeveguarä ñaneñemía.

SALMOS 62:9

Añetete, kuimbae reta mbaeä etei ko, paravete vae ani oikokatu vae; mbaejäaka pe oñejäa reta yave, mbaetɨ etei oñejäa ramiñota ko.

SALMOS 66:7

Jae oporookuai jekuae avei pegua imbaepuere pe; omae oï tëtaguasu reta re, ipɨapochɨ vae reta agüɨye vaerä oñemopüa ikotɨ.

SALMOS 93:1

¡Mburuvicha guasu ko yandeYa! ¡YandeYa oyemonde yembotuicha pe, jare oñeova mbaepuere pe! Jae oñono jenda pe kavi kuae ɨvɨ, agüɨye vaerä omɨi.

ISAÍAS 12:2

Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

ISAÍAS 17:10

echa neakañɨ Tumpa ndereepɨ vae güi, mbaetɨ nemaendúa jae ko neñepɨ̈roa vae, ërei jaeño reñotɨ temitɨ ikavigüe, temitɨ matɨ güi oyererugüe,

ISAÍAS 30:29

Ërei peveguarä oimeta tairari, arete Pascua pe rami; pepɨa oyeroviata, kia nunga vae oyerovia reve mimbɨ iñee ndive ojo yandeYa iɨvɨtɨ kotɨ rami, Imbaepuere yae vae Israel pegua kotɨ.

ISAÍAS 32:2

Jókuae mburuvicha guasu oïta ɨvɨtuai güi ñañemi jese vae rami, ani okɨrai vae güi ñañemi pɨpe vae rami, ani ɨvɨ otinía pe oime ɨ̈aka raɨ rupi ɨ vae rami, ani ɨ̈vavira iküaraɨa araku yaea pe oï vae rami.

ISAÍAS 44:8

Ërei, ¡agüɨye pekɨɨye, peñemoäta ngatu! Amombeu ko peve jókuae iyɨpɨ güive voi, pe reta ko, cheregua omombeu vae. ¿Oime pa ïru Tumpa chegüi? Mbaetɨ yé ko ïru Imbaepuere yae vae; mbaetɨ aikuaa metei ave.”

ISAÍAS 45:17

Ërei yandeYa oepɨta jekuae avei pegua tëtaguasu Israel, jare ngaraa oñemomichiuka ani oñemomaraiuka reta opɨta jekuae avei rupi.

ISAÍAS 45:24

jare jei retata: ‘YandeYa reño ko oime jupi vae jare mbaepuere.’ Jare opaete oyemboyovaicho chekotɨ vae reta, oñemomaraiukata ko.

ISAÍAS 50:10

Opaete pe reta peipoɨu yandeYa güi vae, jare peendu jembiokuai iñee vae: Pɨtumimbía rupi peguata yave, ani mbaetɨ jembipe ete kavi mbatee peve yave, peyeko yandeYa re, peyeko peTumpa re.

ISAÍAS 51:5

Köi yae ma oï aï vaerä mburuvicharä, cheporogüɨroasayepe oyemboɨpɨ ma; chembaepuere rupi aïta mburuvicharä tëta reta re. Tëtaguasu reta ɨguasu jembeɨ rupigua cheräro ñogüɨnoi, chembaepuere re oyeko retata.

ISAÍAS 63:1

—¿Kia pa kuae ou ɨvɨ Edom güi, tëta Bosra güi vae, jemimonde moropɨ̈ta ou vae? ¿Ipöra yae jemimonde vae, jare oguata imbaepuere yae reve vae? —Che ko, mbaejupi vae omoërakua vae, chembaepuere yae rupi oporoepɨ vaerä vae.

DANIEL 3:17

Oreruvicha guasu, mase, oreTumpa royeokuai chupe vae ipuere ko orereepɨ horno jendɨvuku oï vae güi; jare ndepo güi ave orereepɨta ko.

DANIEL 3:28

Jayave Nabucodonosor jei: “Toyemboete Sadrac, Mesac jare Abed-nego iTumpa, echa ombou iaraɨgua oepɨ jembiokuai reta oyeko jese ramo, jare mbaetɨ oyapo reta cheporookuai, oñeñono reta oiporara vaerä, omboete äragüe ïru tumpa iTumpa güi.

San Mateo 28:18

Jare Jesús oya katu jese reta jare jei chupe reta: —Opaete mbaepuere oñemee ma cheve ara pe jare ɨvɨ pe.

San Mateo 6:13

Jare agüɨye emaeño roipota oreyoa vaerä. Orereepɨ ikavimbae güi. Echa ndembae ko jekuae avei pegua mborookuaía, mbaepuere jare yemboetea. Amén.’

DEUTERONOMIO 32:15

Ërei ikɨra Jesurún, jare opatara (ikɨra yae jeko pegua, jembipe etei ipire): Jayave oeya reta iTumpa, jae reta iyapoa; güɨröɨro reta jeepɨa Ita guasu rami vae.

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!

DEUTERONOMIO 33:27

Tumpa oikove avei vae ko jae peñepɨ̈roka, imbaepuere opambae ko peñepɨ̈roa; jae ko ombotekuarai perenonde güi tovaicho reta, jare peokuai pemboai vaerä.

Filipenses 4:13

Opaete chepuere ayapo Cristo re, echa jae chemomɨ̈rata.

1 SAMUEL 2:2

¡Mbaetɨ kia iyoambae nde rami cheYa! ¡Echa mbaetɨ yé kia nde rami! ¡Jare mbaetɨ kia oporoepɨ nde oreTumpa rami!