ISAÍAS 26:3 - Biblia Guarani Tumpa Iñee

³ CheYa, nde reñovatu mbɨakatu pe, ndereño ipɨa oñono vae reta, echa nderé oyeko reta.

ISAÍAS 26:3 ပူးပေါင်းရင်းမြစ်များ

1 CRÓNICAS 5:20

Ërei Tumpa omborɨ reta, jare Agar imembɨraɨe iñemuña reta opaete imborɨa reta ndive oa ipo pe, echa ñeraro pɨte pe oyerure reta Tumpa pe omborɨ vaerä. Jare Tumpa omborɨ reta echa güɨrovia reta jese.

2 CRÓNICAS 13:18

Jökorai Israel pegua reta iñamɨri jókuae ara, jare Judá pegua reta oporomoamɨri, echa oyeko reta yandeYa iñemuñagüe reta iTumpa re.

2 CRÓNICAS 16:8

¿Etiopía jare Libia pegua jeta yaeä yera isundaro jare ikäretou reta ñeraro pegua jare kavayu regua reta? Ërei nde reyeko ramo yandeYa re jae opa omee ndepo pe.

SALMOS 119:165

Ipɨakatu yae, ndeporookuai oaɨu vae reta, jae reta mbaetɨ ogüɨapi.

SALMOS 125:1

YandeYa re oyeko vae reta, ɨvɨtɨ Sión rami ko, mbaetɨ omɨi, oï avei jenda pe.

SALMOS 9:10

CheYa Tumpa, nderé oyekota ndekuaa vae reta, echa mbaetɨ reeya ndereeka vae reta.

ISAÍAS 12:2

Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

ISAÍAS 26:12

CheYa, nde ko remeeta oreve mbɨakatu, nde ko reyapo ore rupi opaete orerembiapo reta.

ISAÍAS 27:5

Oipota reta yave ayangareko jese, toñeñono kavi reta che ndive; toyapo reta jökorai.”

ISAÍAS 31:1

¡Paravete, opa yogüɨraja Egipto kotɨ oeka yemborɨ vae reta, kavayu reta re oyerovia vae reta, oyeko reta käretou jeta ko vae re, jare kavayu regua reta, echa jëia yae reta, jare mbaetɨ omae reta Iyoambae Israel pegua re, mbaetɨ oeka reta yandeYa!

ISAÍAS 32:17

Jupi vae omboyekuaata, mbɨakatu, mbutuu jare yerovia katu jekuae avei pegua.

ISAÍAS 32:18

Jare tëta chembae vae oiko pɨagüiveta, jëguambaea pe oikota, jare oputuuta,

ISAÍAS 42:19

Mbaetɨi kia jesaä jare iyapɨsaä mbatee cherembiokuai cheremimondo rami vae, mbaetɨi kia jesaä jare iyapɨsaä mbatee cherembiparavo cherembiokuai rami vae.

ISAÍAS 42:6

“Che ndeYa ko roenɨi jupi vae peguarä, jare ropokota rogüɨroata; roñovatuta jare ayapota nderupi morogüɨrökuavee päve opaete vae reta peguarä, jare tembipe rami tëtaguasu reta pe.

ISAÍAS 48:2

echa pe reta peñeenɨi tëta guasu oñeñono tee vae pe, jare Tumpa re güɨrovia vae reta pe, jae ko jee yandeYa Imbaepuere yae ete vae:

ISAÍAS 49:8

YandeYa jei: “Ou ma oväe aechauka vaerä cheporoaɨu, jáeramo ayeapɨsaka nderé, ou ma oväe yereroasayepe iara, jáeramo romborɨ. Che ko roñovatu, nderupi ayapo vaerä ñererökuavee päve tëta ndive, amopüa ye vaerä kuae tëtaguasu, amee ye vaerä iyagüe reta pe ɨvɨ opa oyemboai oï vae.

ISAÍAS 50:1

YandeYa jei körai: “¿Ayapouka pa tupapire yomombo pegua pesɨ Israel peguarä, ani pomee pa chepia chupe vae reta pe, chepia re? Peyoa reta jeko pegua ko opa peñemeeuka, pepɨapochɨ jeko pegua ko pesɨ Israel oyemombouka.

ISAÍAS 50:10

Opaete pe reta peipoɨu yandeYa güi vae, jare peendu jembiokuai iñee vae: Pɨtumimbía rupi peguata yave, ani mbaetɨ jembipe ete kavi mbatee peve yave, peyeko yandeYa re, peyeko peTumpa re.

ISAÍAS 66:12

Echa che peYa, körai ko jae: “Ko aru jese mbɨakatu, ɨ̈aka pe ɨ ou oväe rami, jare tëtaguasu reta imbaeyekou reta, ɨ̈aka pe ɨ jembeɨ oyepɨyere rami. Jae reta pemongaruta jare pereruta iyɨva re, jare täpapau pe pemboyaru yaru retata.

JEREMÍAS 39:18

Che rogüɨroasayepeta, ngaraa ndeyuka reta. Reasayepeta tekove ndive, echa rerovia cheré. Che ndeYa ko jae kuae.’ ”

DANIEL 3:17

Oreruvicha guasu, mase, oreTumpa royeokuai chupe vae ipuere ko orereepɨ horno jendɨvuku oï vae güi; jare ndepo güi ave orereepɨta ko.

DANIEL 3:28

Jayave Nabucodonosor jei: “Toyemboete Sadrac, Mesac jare Abed-nego iTumpa, echa ombou iaraɨgua oepɨ jembiokuai reta oyeko jese ramo, jare mbaetɨ oyapo reta cheporookuai, oñeñono reta oiporara vaerä, omboete äragüe ïru tumpa iTumpa güi.

DANIEL 6:23

Jayave mburuvicha guasu oyerovia oendu yave, jare oporookuai oñerenoe vaerä ɨvɨkua güi; jökorai güɨnoe reta Daniel ɨvɨkua güi jare mbaetɨ etei ipere, iTumpa re oyeko ramo.

MIQUEAS 5:5

Jae oikota yandemombutuu vaerä, Asiriaɨgua reta yogüeru yave yandeɨvɨ pe, jare opɨ̈ro reta yave yanderuvicha guasu jo, jayave yamboyovaichota ikotɨ reta, chiu omaangareko vae reta, jare juri kuimbae tuichagüe tëta ruvicha.

San Juan 14:27

Mbɨakatu aeya pe ndive. Mbɨakatu che anoi vae amee peve. Che ameeä peve ɨvɨ pegua reta omee rami. Agüɨye peyembopɨajopa, agüɨye vi pekɨɨye.

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

Romanos 5:1

Tumpa yandembojupi yandeporogüɨrovia vae rupi, ñanoi ma mbɨakatu jae ndive, yandeYa Jesucristo rupi;

Filipenses 4:7

Jare Tumpa omeeta peve ipɨakatu yandepuereä etei yaikuaa vae; jókuae mbɨakatu oñovatuta pepɨa jare peyemongeta Cristo Jesús re.