ISAÍAS 26:21 - Biblia Guarani Tumpa Iñee

²¹ Echa ko yandeYa ou oïa güi, oinupa vaerä ɨvɨ pegua reta, opaete imbaeyoa reta re, jare ɨvɨ omboyekuaata, jekombae jugüɨ oyepɨyere pɨpe vae, ngaraa ma oñomi, oyeyukagüe reta oime pɨpe vae.

ISAÍAS 26:21 ပူးပေါင်းရင်းမြစ်များ

JOB 16:18

¡Ɨvɨ, agüɨye eñomi cherugüɨ! ¡Cheräse toyeendu oipota rupi!

JOB 20:27

Ara omboyekuaata chupe iyoa, jare ɨvɨ opüata jese.

ISAÍAS 10:3

¿Mbae pa peyapota ou yave oväe ara peiporara vaerä opaete kuaekuae re? ¿Kia re pa peyekota pemborɨ vaerä, ou yave matɨ güi oiporarauka vaerä peve vae? ¿Kia pe pa peeyata pembaeyekou reta?

ISAÍAS 13:11

YandeYa jei: “Aiporaraukata kuae ɨvɨ pegua reta pe iyoa jeko pegua, jare iTumpa potambae reta pe ikavimbae oyapo jeko pegua. Amboapɨta iyemboete iyé vae reta güi iyemboete, amomichita ipɨayemboete vae reta.

ISAÍAS 18:4

YandeYa jei cheve: “Che aïa güi amae pɨagüive aï jese reta, kuaraɨ jembipeasɨ ama opoo ramo yave rami, mbaarɨvo iara pe araku yave, oime amapɨtu okɨta vae rami.

ISAÍAS 22:14

YandeYa Imbaepuere yae ete vae oyekuaa cheve, jare jei cheve: “Mbaetɨta cheɨ̈ro peve kuae mbaeyoa re; opa pemano regua.” Jae ko yandeYa Imbaepuere yae ete vae iñee.

ISAÍAS 65:6

Oyekuatía ko oï cheróvai kuae, ngaraa amaeño jökoraiño opɨta; aiporaraukata ko chupe reta jembiapo oï rupi,

ISAÍAS 65:7

iyoa reta ae re jare iñemuña reta iyoa re. Jae reta oapɨ yepi ikäti kavi vae incienso, ɨvɨtɨ guasu re, jare ɨvɨtɨ re oyapo reta yepi chekotɨ ikavimbae. Jáeramo, che ajäata chupe reta iyoa jepɨ, aiporaraukata chupe reta.” Jei yandeYa.

ISAÍAS 66:6

Tëta guasu pe jeta jäsembaiecha vae, tupao pe ñee oyeendu, jae ko yandeYa iñee oiporarauka vaerä jovaicho reta pe, jeko re.

EZEQUIEL 8:6

Javoi jei cheve: “¿Nde kuimbae, reecha pa mbae pɨ̈chɨi yae Israel iñemuña reta oyapo vae, oeyauka vaerä cheve reta chero mbaemboetea? Ërei reechata ïru mbae ikavimbae yae ete oyapo reta vae.”

San Lucas 11:40

Yarakuaambae reta. Echa Tumpa oyapo opaete yandepuere yaecha vae jare yaechambae vae.

San Lucas 11:50

Jare pe reta añave peiko vae penoita teko opaete ñeemombeúa reta ɨvɨ oyeapo güive oyeyukauka vae imano re.

Apocalipsis 16:6

echa jae reta oyuka oporogüɨrovia vae reta jare ñeemombeúa reta, jáeramo remee vi jou reta tugüɨ. ¡Echa jupi ko jökorai vaerä!”

Apocalipsis 18:24

Echa kuae tëta guasu pe oñeväe ñeemombeúa reta jugüɨ, oporogüɨrovia vae reta jugüɨ jare opaete ɨvɨ pe oyeyukauka vae reta jugüɨ.