ISAÍAS 26:20 - Biblia Guarani Tumpa Iñee

²⁰ Cherëtaɨgua reta, peike pero pe, jare peyokenda öke peike yave. Peñemi räri joko pe, yandeYa iyarasɨ oasa regua.

ISAÍAS 26:20 ပူးပေါင်းရင်းမြစ်များ

GÉNESIS 7:1

Jaɨkue rupi yandeYa jei Noé pe: “Eike nde jare opaete ndero pegua reta ndive arca pe. Echa aecha ndeño jupi reguata cheróvai opaete vae reta güi.

GÉNESIS 7:16

Yogüeru mɨmba kuimbae jare mɨmba kuña, Tumpa oyókuai vae rami. Jare yandeYa oyokenda öke chupe reta.

JOB 14:13

Aipotaecha chemoñemi omanogüe reta ñogüɨnoia pe, jae cheöva vaerä ndearasɨ oasa regua, rembojee ara nemaendúa vaerä cheré vae regua.

SALMOS 143:9

CheYa Tumpa chereepɨ cherovaicho reta güi, echa nde ko jae cheñepɨ̈roa.

SALMOS 17:8

Eyangareko cheré, neresäɨkunumi re reyangareko rami; cheñomi ndepepo reta igüɨ pe rami,

SALMOS 27:5

Echa jae cheomita itupao guakapi pegua pe, ou yave ara ikavimbae vae. Jae jëta oñono tee vae pe cheomita. ¡Ɨvate cheñonota ita guasu re!

SALMOS 30:5

Echa jae iyarasɨ michi peguaño ko, ërei jae ipɨakavi mbaetɨ opa chugüi. Pɨ̈tu yave ou yaeo, ërei ndeimbove yave outa yerovia katu.

SALMOS 31:20

Nde reï jae reta ndive vae rupi reroasayepe oporomomburu vae reta güi; reñono reta ndero guakapi pegua pe rami, jovaicho reta iporoangao güi.

SALMOS 32:7

Nde ko jae cheñepɨ̈roa; cheövatuta mbɨatɨtɨ güi; cheövata tairari yereroasayepe pegua pe.

SALMOS 57:1

CheRu Tumpa, cheparareko, cheparareko, echa nderé ayeko. Ndepepo igüɨ pe añepɨ̈rota oasa regua mbaesusere reta.

SALMOS 57:2

Tayerure ndeve, nde Tumpa Tuichagüe yae vae pe, nde reyapo ikavi vae cheve vae,

SALMOS 91:1

Nde, reiko Tumpa Tuichagüe yae ete vae iporoangareko igüɨ pe vae. Reiko Imbaepuere yae ete vae ipo pe.

SALMOS 91:4

Ipepo pe ndeasoita, jare ipepo igüɨ pe nerëguambae reïta; ¡iporoangareko avei neovatuta yeopiaka rami!

SALMOS 94:13

ipɨagüive vaerä ou yave ara ikavimbae vae, ërei jeko kavimbae peguarä oyeyoo ɨvɨkua.

PROVERBIOS 18:10

Ñepɨ̈roka jëguambae rami ko yandeYa jee, jupi vae reta yogüɨraja oñepɨ̈ro jese.

PROVERBIOS 22:3

Oyeandu katu reve oiko vae oecha ikavimbae yave, oñemi chugüi; ërei yarakua ambae oasaño ojo jare oiporara.

ISAÍAS 10:25

Echa köi yae ma oï chearasɨ poi vaerä pekotɨ, jayave opata amokañɨtei tovaicho reta.

ISAÍAS 10:5

Echa Tumpa jei: “¡Tëtaguasu Asiria! Jae ko popoka ɨvɨra pegua aporonupa pɨpe chearasɨ yave vae, ipo pe añono chearasɨ.

ISAÍAS 13:5

Matɨ güi yogüeru reta, matɨ ɨvɨ iyapɨ kotɨ güi, yandeYa güeru iyarasɨ pegua jembiporu reta, opa vaerä omboai ɨvɨ.

ISAÍAS 34:2

Echa yandeYa iyarasɨ oï opaete tëtaguasu reta kotɨ, jare opaete sundaro reta kotɨ, opata omboai, opata omee mano pe.

ISAÍAS 51:16

Ndeyuru pe añono cheñee reta, roñovatu chepo iä pe, che, ara iyapoa, jare ɨvɨ amboguapɨ iguapɨka re vae jare Sión pe jae vae: ‘Chembae vae ko nde.’ ”

ISAÍAS 51:4

Peyeapɨsaka cheré tëta chembae, peendu cheñee tëtaguasu chembae: Amoërakuata cheporookuai reta, jare jókuae omboesapeta tëta reta peguarä.

ISAÍAS 66:14

Peechata jare oyeroviata pepɨa, jare perete, ñana jokɨ pɨau vae ramita. YandeYa oechaukata imbaepuere, jembiokuai reta pe, ërei oechaukata iyarasɨ, jovaicho reta pe.

JEREMÍAS 31:14

Ameeta sacerdote reta jeta okaru kavi, jare chembae vae reta oyekouta chembaeyekou re. Che ndeYa ko jae kuae.”

JEREMÍAS 7:23

Jaeño ayókuai reta oendu katu vaerä cheñee; echa jökorai yave che aikota iTumparä jare jae reta yogüɨrekota chembae retarä. Ayókuai vi yogüɨreko vaerä che ayókuai rami, ikavi yogüɨreko vaerä.

EZEQUIEL 11:16

Jáeramo ere chupe reta: ‘Körai jei yandeYa Tumpa: Che opa anoe amombo jare opa amoai moai reta mombɨrɨ ïru tëtaguasu reta oikuaambaea rupi, ërei jeseve che etei aikota chupe reta omboete reta vaerä, ïru ɨvɨ pe yogüɨreko ramboeve.’

DANIEL 11:36

Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

SOFONÍAS 2:3

Peeka yandeYa, opaete ipɨa omomichi vae reta, iporookuai oyapo vae reta. Peyapo jupi vae jare peñemomichi, jayave, güɨramoi peñeñovatuta yandeYa iporojäa iara pe.

San Mateo 23:37

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

San Mateo 6:6

Ërei nde reyerure Tumpa pe yave, eike ndero pe jare eyokenda öke. Javoi eyerure ndeRu pe kia reta oikuaambae reve. Jae oikuaata nde reyapo vɨari vae jare omboepɨta ndeve, opaete vae jovake.

2 Corintios 4:17

Echa kuae roiporara michi peguaño vae, güeru oreve yemboetea ikavi yae vae jare opambae vae.