ISAÍAS 26:15 - Biblia Guarani Tumpa Iñee

¹⁵ CheYa, nde ko rembotuicha tëtaguasu, rembotuicha ko reyemboeteuka vaerä, rembotuicha kuae ɨvɨ jembeɨ.

ISAÍAS 26:15 ပူးပေါင်းရင်းမြစ်များ

GÉNESIS 12:2

Ndegüi ayapota tëtaguasu tuicha yae vae, jare cheporerekuata nderé, jare ambotuicha yaeta nderee opaete ɨvɨ rupi, jare cheporerekuata jeta vae reta re ndereko pegua.

GÉNESIS 13:16

Jare che jeta yaeta amoñemuña neñemuña reta, ɨvɨkúi jeta yae rami, mbaetɨta kia ipuere oipapa.

1 REYES 8:46

Iyoa reta ndekotɨ yave, echa mbaetɨta ko kia iyoambae, jare kuae re ndearasɨ chupe reta jare remee jovaicho reta ipo pe yave, güɨraja vaerä tembipɨɨrä köiño ani mombɨrɨ,

2 REYES 17:23

Taɨkue ete rupi yandeYa omoë omombo iyeugüi, jae jei rami opaete iñeemombeúa reta rupi; jare Israel pegua reta oyererajauka tembipɨɨrä iɨvɨ güi Asiria pe, joko pe yogüɨreko añave rupi.

2 REYES 17:6

Oseas chau año ma oiko mburuvicha guasurä yave, mburuvicha guasu Asiria pegua oike tëta guasu Samaria omoamɨri, jare güɨraja Israel pegua reta tembipɨɨrä Asiria pe, jare oñono Halah pe, Habor pe, ɨ̈aka Gozán iyɨ́vɨri, jare ɨvɨ Media pegua reta jëta guasu reta rupi.

2 REYES 23:27

Jáeramo yandeYa jei omombo vaerä matɨ iyeugüi Judá, Israel omombo iyeugüi rami, güɨröɨro vaerä tëta Jerusalén, jae oiparavo iyeupe vae, o jae jee oñono tëi joko pe vae.

NEHEMÍAS 9:23

Jare iñemuña reta rembojeta yasɨtata jeta yae rami, jare reru ɨvɨ nde reñererökuavee remee iñemuñagüe reta imbaerä vae pe.

JOB 12:23

Jae ombotuicha tëtaguasu reta, jare jae yeño opa omboai, jae opa omoai moai, jare jae yeño opa omboatɨ.

ISAÍAS 10:22

Israel, yepe tëi ɨguasu jembeɨ pegua ɨvɨkuitï rami reyembojeta, jókuae reta güi jembɨregüeño ko oyerova yeta. Kañɨtei oñemoërakua vae oyeapo tai jupi rupi.

ISAÍAS 33:17

Jekuae reecha yeta Mburuvicha guasu iyemboetea ikavi yae vae; jare reechata kuae ɨvɨ ipɨguasu yae ko vae.

ISAÍAS 40:5

YandeYa omboyekuaata iyemboetea, jare opaete kuimbae reta oecha päveta. Echa yandeYa etei ko jei.”

ISAÍAS 44:23

¡Ara, etairari reyerovia reve yandeYa oyapogüe re! ¡Ɨvɨroso guasu, esapúkai reyerovia reve! ¡Ɨvɨtɨ reta jare kaa reta opaete ɨvɨra reta pɨpegua ndive, pesapúkai peyerovia reve! Echa yandeYa oyora Israel, Jacob iñemuña reta, jare Israel iñemuña rupi oyemboeteuka yaeta.

ISAÍAS 6:12

che ndeYa opa regua omombo mombɨrɨ kuimbae reta, jare kuae ɨvɨ opaetei ipombae opɨta regua.

ISAÍAS 60:21

Opaete nerëta pegua reta jupi yaeta, jae reta ko ɨvɨ iyarä jekuae avei pegua, ɨvɨra jeñɨigüe, che etei añotɨ vae ko, mbaravɨkɨ che ayapogüe, aechauka vaerä cheyemboetea.

ISAÍAS 9:3

Rembojeta kuimbae reta jare remoïru yerovia. Oyerovia retata nderóvai, mbaarɨvo iara pe oyerovia reta rami, ani ñeraroa pe opɨ̈rogüe omboyao yave oyerovia reta rami.

JEREMÍAS 30:19

Chugüi reta oëta tairari yasoropai pegua, jare yerovia katu pegua mbuka reta. Ngaraa iñemuña reta jagüe, echa che amoñemuñaukata. Ngaraa oñereröɨrouka reta, echa che amboeteukata.

JEREMÍAS 32:37

Ërei ngatu che amboatɨta, opaete tëtaguasu reta rupi chearasɨ yae rupi opa amoai moai vae reta, aroyerova reta yeta kuae ɨvɨ pe jare ameeta yogüɨreko pɨagüive vaerä.

EZEQUIEL 36:24

Che pogüɨnoeta ïru tëtaguasu reta güi, pomboatɨta opaete ketɨ ketɨ güi jare pogüeru yeta peɨvɨ ae pe.

EZEQUIEL 5:12

mbɨte seri ndegüi omanota mbaerasɨ ovakatu vae rupi jare karuai pe; jare jembɨregüe mbɨte rupi tovaicho reta opata oyuka; jare jembɨregüe opata amoai moai oipota rupi. Che ajata jaɨkue reta metei kɨsepuku ndive chepo pe.

NÚMEROS 23:10

¿Kia pa ipuereta oipapa Jacob iñemuña reta? ¿Ani mbovɨ ra ñogüɨnoi vae? ¡Amano yepe mona jókuae kuimbae jupi vae reta rami, jare cheapɨ jae reta iyapɨ rami!”

San Lucas 21:24

Jare oimeta oyeyukauka kɨsepuku pe vae. Jare oyererajata tembiokuairä opaete tëtaguasu reta rupi, jare judiombae vae reta omboaita Jerusalén, jae reta iara opa regua.”

San Juan 15:8

CheRu oyemboeteuka ko jeta peia yave. Jare körai peikuaaukata pe reta ko cheremimboe reta.

San Juan 17:1

Kuae jei ma yave, Jesús omae ara kotɨ jare jei: “CheRu, ara oväe ma. Che ndeRaɨ emboeteuka, che romboeteuka vaerä vi.

DEUTERONOMIO 10:22

Peñemuñagüe reta yogüɨraja setenta kuimbae Egipto kotɨ, jare añave yandeYa Tumpa pembojeta yeyé yasɨtata rami.

DEUTERONOMIO 28:25

YandeYa pemoamɨriukata perovaicho reta pe; metei tape rupi peporepeñata nderovaicho reta re, ërei opata peñemoai moai petekuarai chugüi reta; peñemoaita jare peikoasɨ katuta opaete tëta ñavo rupi.

DEUTERONOMIO 28:64

Jare yandeYa opata pemoai moai opaete tëtaguasu reta rupi, ɨvɨ iyɨpɨ kotɨ güive, ketɨ ɨvɨ iyapɨ kotɨ; joko pe peyeokuaita tumpa ambuae reta pe, pe mbaetɨ peikuaa vae reta, jare peñemuñagüe reta ave mbaetɨi oikuaa vae, ɨvɨra pegua jare ita pegua pe.