ISAÍAS 26:14 - Biblia Guarani Tumpa Iñee

¹⁴ Jae reta opa ma ko omano, ngaraa ye ma oikove reta; jendagüe retaño ma ko opɨta; echa reinupa reta ko, remokañɨtei reta ko, opaeteita remoakañɨ chugüi reta vae.

ISAÍAS 26:14 ပူးပေါင်းရင်းမြစ်များ

JOB 18:17

Iñakañɨta chugüi ɨvɨ pegua reta, mbaetɨta jee oyeendu kaye rupi.

JOB 24:20

Ichɨ iñakañɨta chugüi; taso reta opata jou, ngaraa ye ma kia imaendúa jese, ɨvɨra oyeasɨa ramita iyoa vae reta.

JOB 7:9

Amapɨtu opa oyemboai jare okañɨ, jökorai omanogüe reta ñogüɨnoia pe ojo vae, ngaraa ma oë ye.

SALMOS 106:28

Jare oyemboya reta tumpa-raanga Baal-peor re, jou reta mɨmba oyeyukagüe, oikovembae pe oñemee vae.

SALMOS 109:13

Topa tokañɨtei iñemuña reta, topaetei tokañɨtei jee.

SALMOS 135:17

Oime iyapɨsa reta, ërei mbaetɨ oendu reta, ¡mbaetɨ kërai ave yepe oikove reta!

SALMOS 36:12

¡Mase, opa oa ikavimbae iyapoa reta, oyeitɨuka jare ngaraa ye opüa reta!

SALMOS 59:5

Nde, cheYa, Tumpa Imbaepuere yae ete vae, Israel iTumpa, epa reiporarauka vaerä opaete tëtaguasu reta pe; agüɨye eiparareko oyembopɨapochɨ ikavimbae rupi vae reta.

SALMOS 9:6

Tovaicho reta omano, jëta guasu reta opa oyemboai chugüi reta, nde opa remboai, mbaetɨ etei mbae yepe opɨta, kia imaendúa vaerä jese reta.

ÉXODO 14:30

Jökorai jókuae ara yandeYa güɨroasayepe Israel iñemuña reta Egiptoɨgua reta güi; jare Israel iñemuña reta oecha Egiptoɨgua reta jëogüegüe ɨguasu jembeɨ rupi.

PROVERBIOS 10:7

Kuimbae jupi vae re oime ñee kavi; ërei kuimbae jupimbae jee, jarembae pegua okañɨ.

ECLESIASTÉS 9:5

Echa oikoveño vae reta oikuaa ñogüɨnoi omanota ko vae, ërei omanogüe reta mbaetɨ etei mbae oikuaa, mbaetɨ etei ma mbae omongana reta; echa opaetei ko iñakañɨ chugüi reta vae.

ISAÍAS 10:3

¿Mbae pa peyapota ou yave oväe ara peiporara vaerä opaete kuaekuae re? ¿Kia re pa peyekota pemborɨ vaerä, ou yave matɨ güi oiporarauka vaerä peve vae? ¿Kia pe pa peeyata pembaeyekou reta?

ISAÍAS 26:19

Ërei omanogüe reta oikove yeta, opüa yeta tëogüe reta. Ɨvɨ ndive opa ma oyea reta vae opüa yeta, jare osapukaita oyerovia güi. Echa, nde rembou tekove ɨsápɨi rami, jare omanogüe reta opüa yeta ɨvɨ güi.

ISAÍAS 37:19

jare opa jókuae tëtaguasu reta itumpa-raanga reta oapɨ oeya, echa tumpa eteä, kuimbae reta ipo pe oyapogüeño, ɨvɨra jare ita peguaño ko. Jáeramo ko opa reta omboai.

ISAÍAS 8:19

Jare jei reta yave peve: “Peparandu imbaekuaa vae reta pe, jare mbae maratuta vae imombeúa reta pe.” Ërei pe pere chupe reta: “¿Mbaetɨta pa tëta oparandu iTumpa pe? ¿Oparanduta ra omanogüe vae reta jekove pe, oikove vae reta regua?”

San Mateo 2:20

Jare jei chupe: “Epüa, eraja ye michia jare ichɨ ɨvɨ Israel pe. Echa oipota tëi oyukauka michia vae reta omano ma.”

DEUTERONOMIO 4:28

Joko pe kuimbae reta ipo pe oyapo tumpa reta vae pe peyeokuaita, ɨvɨra pegua jare ita pegua pe, mbaetɨ omae jare mbaetɨ vi oendu, mbaetɨ okaru jare mbaetɨ ipɨ̈túe vae pe.

Apocalipsis 20:5

Ërei ïru omanogüe reta mbaetɨ oikove ye, mil año oasa regua. Jae ko kuae tenondegua omanogüe reta oikove ye vae.