ISAÍAS 26:13 - Biblia Guarani Tumpa Iñee

¹³ OreYa Tumpa, ïru vae reta oyemombae oreré, ërei ndereño oremaendúa, ndeño ko jae oreYa.

ISAÍAS 26:13 ပူးပေါင်းရင်းမြစ်များ

2 CRÓNICAS 12:8

Ërei yogüɨreko retata jembiokuai retarä, oikuaa reta vaerä oyoavɨ ko oyeokuai cheve vae ïru tëtaguasu reta pegua mburuvicha guasu reta pe oyeokuai vae güi.”

ISAÍAS 10:11

Samaria pe ayapo rami jare itumpa-raanga reta pe ayapo rami, ¿mbaetɨta pa chepuere ayapo jökorai Jerusalén jare itumpa-raanga reta?’ ”

ISAÍAS 12:4

Jókuae ara rupi petairarita körai: “Pemee yasoropai jare peyerure yandeYa pe, pemoërakua tëtaguasu reta pe, jae mbaembae oyapogüe, pemomaendúa jae ko tuicha yae vae.

ISAÍAS 2:8

¡Ërei tɨnɨe vi oï tumpa-raanga reta pe! Oyetavatɨka reta omboete jembiapo, ipo pe oyapogüe.

ISAÍAS 26:8

OreYa, roguata ko orepɨakatu reve kavi ndeporookuai jei vae rupi. Ndekotɨño ko orepɨa oyemongeta.

ISAÍAS 51:22

körai jei ndeYa Tumpa, tëta imbae vae oepɨ vae: “Mase, ko aekɨta ndepo güi, jókuae kopa reyembosavaɨpo pɨpe vae; ngaraa ye ma reu kuae chearasɨ oï kopa pe vae.

ISAÍAS 63:7

Che aipota ayemomaendúa yandeYa iporoparareko re, jare tairari oñemee yandeYa pe vae re, opaete jae oyapo yandekotɨ vae re, ipɨakavi yae ete Israel iñemuña reta kotɨ vae re, iporoparareko rupi oyapo ikotɨ reta vae re, jare tuicha yae ete ipɨakavi jare iporoparareko vae re.

ISAÍAS 64:5

Nde remboresive jókuae ipɨakatu reve kavi oyapo mbaejupi vae, jare imaendúa nde ndepɨa jemimbota oyapo vaerä vae reta. Nde ndearasɨ oreve, echa oreyoa; ɨma yae rupi ma roiko mbaeyoa rupi, ¿roasayepe vɨteriñota ra?

AMÓS 6:10

Jare metei tëtara oipɨɨ yave tëogüe güɨnoe vaerä, oapɨta o güi güɨnoe vaerä; jare jeita o jugua kotɨ oï vae pe: “¿Oime ye pa kia oï nde ndive?” Jae jeita: “Mbaetɨ.” Jare jeita chupe: “¡Nekïrii, mbaetɨ yandepuere ñaenɨi yandeYa jee!”

MIQUEAS 4:5

Yepe tëi opaete ïru vae reta metei ñavo yogüɨreko itumpa re aeño; ërei ore, opaete reve roikota oreYa Tumpa re aeño, iyapɨmbae, jekuae avei pegua.

San Juan 8:32

Jare peikuaata añete vae, jare añete vae peyorata ko.

Romanos 6:22

Ërei añave peyeyora ma mbaeyoa güi jare peyeapouka ma Tumpa jembiokuai retarä ramo, peñeñono teeuka ma jare iyapɨ ete pe penoita tekove opambae vae.

1 Corintios 4:7

Echa ¿kia pa ndembotuicha yae ïru güi? ¿Mbae pa renoi Tumpa omeeä ndeve reve? Tumpa ko omee ndeve opaete renoi vae. Jáeramo ¿maera pa reyemboete, ndeyeugüi aeño renoi rami?

Hebreos 13:15

Jáeramo yamboete avei Tumpa Jesús rupi, kuae oipota jei yamboete Tumpa yandeyuru pe.

JOSUÉ 23:7

agüɨye vaerä peyea kuae tëtaguasu reta opɨta pepɨte pe vae ndive, agüɨye peenɨi itumpa reta jare agüɨye mbae peiporu jare peyapo itumpa reta jee re, agüɨye peyeokuai chupe, agüɨye ave peyetavatɨka jae reta jóvai.