ISAÍAS 26:11 - Biblia Guarani Tumpa Iñee

¹¹ CheYa, ndepo remopüa ma renoi reinupa reta vaerä, ërei jae reta mbaetɨ oipota oikuaa jókuae regua, ërei oecha reta ndeporoaɨu, tëta ndembae vae kotɨ yave, imarata jókuae imotareɨa reta. ¡Mbae mona ndearasɨ opa omboai reta!

ISAÍAS 26:11 ပူးပေါင်းရင်းမြစ်များ

JOB 34:27

Echa oeya reta Tumpa, jare mbaetɨ oyemongeta reta oyapogüe re.

SALMOS 10:12

¡Epüa cheYa Tumpa, eupi ndepo! ¡Agüɨye neakañɨ paravete vae reta güi!

SALMOS 21:8

Ndembaepuere oupitɨta opaete nderovaicho reta; ndepo ndeakatu kotɨgua oupitɨta nemotareɨ vae reta.

SALMOS 28:5

Echa mbaetɨ oyemomaendúa reta, yandeYa oyapogüe re, ¡jae topa tomokañɨtei, jare agüɨye tamaeño topüa ye!

SALMOS 78:63

Itaɨrusu reta opa omano tata pe, jare ikuñatai reta pe mbaetɨ ma tairari menda pegua.

SALMOS 86:17

Eyapo che ndive kañɨmaa ikavigüe vae, toecha chemotareɨ vae reta jare timara reta, echa, ¡nde ko cheYa Tumpa, chemborɨ jare chembopɨakatu!

ÉXODO 9:14

echa añave opaete mbaerasɨ reta amondota nderé, nderembiokuai reta re, nerëta pegua reta re, reikuaa vaerä mbaetɨ ye ïru Tumpa che rami opaete kuae ɨvɨ pe vae.

ISAÍAS 1:31

Kuimbae imbaepuere vae mbae javiyugüe ramiñota, jare jembiapo reta tatapiriri ramiñota; mókoi reve voi jendɨta jare mbaetɨta kia ombogüe vaerä.”

ISAÍAS 10:16

Jáeramo, yandeYa Tumpa Imbaepuere yae ete vae, opɨ̈rota Asiriaɨgua imbaepuere yae vae reta güi imbaepuere, jare oyatapɨta oyemboete jese vae re.

ISAÍAS 10:17

Jare Tumpa Iyoambae, tembipe Israel pegua, oïta tata jendɨ vae rami, metei ara pe opata omboai opaete ñana jare yuu reta.

ISAÍAS 11:13

Jare Efraín iporomotareɨ opata, jare Judá jovaicho reta opata oyemboai; Efraín ngaraa ma omotareɨ Judá, Judá ngaraa ma oiporarauka Efraín pe.

ISAÍAS 18:3

Pe reta, opaete ɨvɨ pegua reta, bandera oñemopüa ɨvɨtɨ re yave pemae jese, jare mimbɨguasu oñemoñee yave peyeapɨsaka jese.

ISAÍAS 37:32

echa Jerusalén pe oimeta jembɨregüe reta, ɨvɨtɨ Sión pe oasayepegüe reta. YandeYa Imbaepuere yae ete vae, oporoaɨu yae vae jeko pegua oyapota kuae.

ISAÍAS 42:13

YandeYa oëta, metei jëia yae ñeraro regua vae rami, jare oñerarota, ñeraro regua yavaetegüe rami; osapúkai pukaita jare omoamɨrita jovaicho reta.

ISAÍAS 44:18

Jókuae nunga reta mbaetɨ mbae oikuaa, mbaetɨ iyarakuaa; echa jesa oñeova oï rami mbaetɨ ipuere mbae oecha, jaeramiño vi ipɨa mbaetɨ ipuere mbae oikuaa.

ISAÍAS 44:9

Tumpa-raanga iyapoa reta, mbaeä etei ko opaete, jare chupe reta ikavi yae vae, mbaeä etei ko. Jae reta oikuaa kavi ko, jókuae tumpa-raanga reta mbaetɨ omae jare mbaetɨ yarakuaa; jáeramo imarata ko opɨta reta kuri.

ISAÍAS 5:24

Jáeramo, tata oapɨ kapii vae rami jare ñana joogüe rami, jökoraita opa pekañɨtei, temitɨ japo opa ichuumbi vae ipotɨ opa osururu vae ramita ko. Echa peröɨro yandeYa Imbaepuere yae ete vae iñee, jare Iyoambae Israel pegua iporookuai.

ISAÍAS 59:17

Oyemonde jupi vae pe, jete regua temimonde ñeraro pegua pe rami, jare oyemonde mborogüɨroasayepe pe, äka-ɨru ñeraro pegua pe rami, yepɨse pe oyemonde, temimonde pe rami, jare oñeova arasɨ pe, ñeapevaka pe rami.

ISAÍAS 60:14

Jare oñemomichi reve yogüeruta ndekotɨ oiporaraukase ndeve vae taɨ reta, jare nemotareɨse vae reta, oyetavatɨkata nderóvai, jare nereenɨi retata ‘YandeYa Jëta guasu’, ‘Sión, Iyoambae Israel pegua jëta’.

ISAÍAS 63:15

Emae ara güi, jókuae ikɨambaea jare iyemboetea yaea pe reikoa güi. ¿Ketɨ pa oime nerägüɨro, ndembaepuere, ndepɨaä jare ndeporoaɨu orekotɨ vae? ¿Opa ma pa rembosɨrɨ oregüi?

ISAÍAS 66:15

Echa, ko yandeYa outa tata re, jare ikäretou reta kusumirou rami, oitɨ vaerä iyarasɨ jare iporonupa, tata jendɨ rami.

ISAÍAS 66:24

Yogüeruta oecha reta, kuimbae reta oyembopɨapochɨ chekotɨ vae reta jëogüegüe. Echa taso reta jou jetegüe vae mbaetɨta omano, jare mbaetɨta vi ogüe tata, ókai reta ñogüɨnoi pɨpe vae. ¡Yavaete yaeta oyekuaa reta opaete vae pe!”

ISAÍAS 66:5

Pe, pemboete yandeYa iñee vae, peendu iñee: “Amogüe, kuae perëta pegua reta pemotareɨ vae, jare opa pemombo iyeugüi reta perovia cheré vae jeko pegua, jare jei reta: ‘Toyekuaa, yandeYa imbaemboetea, omee vaerä peve yerovia.’ Ërei, jae reta oñemomaraiukata opɨta.

ISAÍAS 9:18

Echa ikavimbae omboɨpɨ jendɨ tata rami, tata yavaete jendɨ vae oapɨ opaete yuu reta jare ñana reta, javoi oasa ɨvɨra ɨvate tëɨ vae reta re, jare ɨvate oñemokusumirou jätati.

ISAÍAS 9:19

YandeYa Imbaepuere yae ete vae iyarasɨ rupi ko opa ókai kuae tëta, opata oyeapɨ, kapii opa oyeapɨ rami; kuimbae ngaraa oiparareko jëtara.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

JEREMÍAS 44:28

Jare mbovɨ oasayepe mano güi Egipto pe vae oyerova yeta ɨvɨ Judá pe. Jökorai, opaete Judáɨgua reta jembɨregüe, yogüɨraja ɨvɨ Egipto pe yogüɨreko vae reta, oechata kia iñee ra oyembopo vae, cheñee ra ani jae reta iñee ra.

JEREMÍAS 5:3

CheYa Tumpa, nde reeka vae ko jupigüe oyapo vae, reinupa reta tëi, ërei jeseve mbaetɨ oyandu reta; reiporarauka tëi chupe reta, ërei mbaetɨ oipota reta oikuaa. Oyembopɨa täta reta, oasa ete ye ita güi, mbaetɨ oipota reta oyerova ye ndekotɨ.

MIQUEAS 5:9

Köraita pe pepüa perovaicho reta kotɨ; jare pemboaita opaete perovaicho reta.

MIQUEAS 7:10

Kuae oechata cherovaicho reta jare imarata opɨta reta; jeise reta cheve: “¿Ketɨ pa oime oï ndeYa Tumpa?” Ërei añave aecha retata opa oñepɨ̈ro jese tuyuapo re tape rupi rami.

MIQUEAS 7:16

¡Toecha ïru tëtaguasu reta, jare timara reta imbaepuere yae tëi reve! ¡Topɨta reta iñeembae jare iyapɨsambae rami!

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Lucas 16:23

Jare omanogüe reta ñogüɨnoia pe kuimbae oikokatuse vae oiporara yae oï. Jayave oupi iñäka jare oecha Abraham mombɨrɨ oï chugüi. Oecha vi Lázaro oï Abraham ndive.

Hechos 28:27

Echa kuae reta ipɨatäta, jare iyapɨsa pe oendu reta tëi, jare oñesaöva reta, agüɨye vaerä oecha reta jesa pe, jare agüɨye vaerä oendu iyapɨsa pe, jare agüɨye vaerä oikuaa ipɨa pe, jare agüɨye vaerä oyerova chekotɨ, ambogüera reta vaerä.”

2 Tesalonicenses 1:8

Yogüeruta tata jendɨ vae re, oiporarauka vaerä mbaetɨ Tumpa oikuaa vae reta pe, ani ñäteɨ oendu ñee ikavi vae yandeYa Jesucristo regua vae reta pe.

Hebreos 10:27

jaeño ñaärota yavaetegüe Tumpa iporojäa, tata yavaetegüe omboaita Tumpa kotɨ oyemboyovaicho vaerä reta.

1 Pedro 3:16

peyemongeta ikavi rupi, iñeenguru pekotɨ ikavimbae peyapo vaeecha vae reta, imara vaerä peangao perembiapo kavi Cristo re vae reta.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.

1 SAMUEL 6:9

Jare pemae peï jese; jare tape ojo Bet-semes kotɨ vae rupi ojo yave iɨvɨ ae pe, jayave Tumpa ko oiporarauka tuicha yandeve, ërei mbaetɨ ojo yave jókuae tape rupi, jayave jaeä ko oiporarauka yandeve, mbaerasɨiño ko.