ISAÍAS 25:9 - Biblia Guarani Tumpa Iñee

⁹ Jókuae ara jei retata: “Kuae ko jae ñaneTumpa ñaäro yaiko vae, jese yarovia jare jae yandemborɨta. Yayerovia jare yavɨa, echa jae ko yandemborɨta.”

ISAÍAS 25:9 ပူးပေါင်းရင်းမြစ်များ

GÉNESIS 49:18

¡CheYa, ndeporogüɨroasayepe aäro!

SALMOS 100:1

¡Petairari yerovia reve yandeYa pe, opaete ɨvɨ pegua reta!

SALMOS 20:5

Ore royeroviata reporomoamɨri vae re, roupita bandera oreTumpa jee re. ¡YandeYa tomee ndeve opaete reiporu vae!

SALMOS 21:1

CheYa Tumpa, mburuvicha guasu oyerovia ndembaepuere re, ¡oyerovia, echa remborɨ oporomoamɨri!

SALMOS 27:14

¡Eäro yandeYa re! ¡Eñemomɨ̈rata, eñemoäta ngatu! ¡Eyeko yandeYa re!

SALMOS 33:20

Ore royeko yandeYa re; ¡jae oremborɨ jare oreangareko!

SALMOS 33:21

Jáeramo royeroviata jese, echa royeko yae jee ikɨambae re.

SALMOS 40:17

Yepe tëi chepɨatɨtɨ jare mbae oata cheve, nde cheYa nemaenduata cheré. Nde ko jae chemborɨ vae jare chereroasayepe vae. ¡CheRu Tumpa, agüɨye ndepɨaguasu!

SALMOS 9:14

Chemiari vaerä ndeño ipuere ndemboete vae. Tëta guasu Sión jöke pe amoërakuata. Ayerovia, echa nde chereroasayepe.

SALMOS 95:1

Peyu, yatairari yayerovia reve yandeYa pe; täta yatairari ñaneovatu vae jare yandereroasayepe vae pe.

ISAÍAS 33:2

OreYa, oreparareko, ndereño ko royeko. Oremborɨ ndeimbove ñavo, jare eiko oreve orereroasayepe vaerä oime mbaesusere yave.

ISAÍAS 33:22

Echa yandeYa ko jae oporojäa vae yandevegua, jae ko omee yandeve mborookuai vae, jae ko yandeRuvicha guasu, jae etei ko yandereepɨta.

ISAÍAS 35:1

Toyerovia ñuu, ɨvɨ ipombae vae; tijokɨ ñana jare tipotɨ,

ISAÍAS 35:10

yandeYa oyoragüe reta oyerovata, jae reta oiketa Sión pe tairari yerovia pegua ndive, yogüɨreko aveita yerovia katu rupi, güɨnoi retata yerovia katu, opata okañɨ mbɨatɨtɨ jare yaeo.

ISAÍAS 35:2

tipotɨ jeta yeyé tumpa-ɨpɨ rami, toyerovia jare tovɨakatu reta. Tumpa omopörata, ɨvɨtɨ Líbano ipöra rami, ipöra yaeta ɨvɨtɨ Carmelo rami jare ɨvɨtɨ päu ipe kavi vae Sarón rami. Opaete vae oechata yandeYa iyemboetea, ñaneTumpa imbaepuere tuicha yae vae.

ISAÍAS 35:4

Pere okɨɨye vae reta pe: “¡Peñemoäta ngatu, agüɨye pekɨɨye! ¡Mase, ko oï peTumpa pereepɨ vaerä, oiporaraukata tovaicho reta pe, jeko reta oï rupi; Tumpa etei outa pereepɨ vaerä!”

ISAÍAS 37:20

Añave, oreYa Tumpa, orereepɨ jókuae mburuvicha ipo güi, opaete tëtaguasu reta oikuaa vaerä, ndeño ko jae oreYa Tumpa añetete vae.”

ISAÍAS 40:9

Eyeupi ɨvɨtɨ ɨvate vae re, esapúkai täta emombeu ñee kavi reru Sión peguarä vae, ñee kavi reru Jerusalén peguarä vae, esapúkai rekɨɨyembae reve, ere Judá pegua tëta guasu reta pe: “¡Ko oï peTumpa!”

ISAÍAS 41:16

Remboveveta jare opata ɨvɨtu güɨraja; kusumirou opata omoai moai. Ërei nde reyeroviata ndeYa re, reyemboeteta Tumpa Iyoambae Israel pegua re.

ISAÍAS 49:23

Mburuvicha guasu reta ñogüɨnoita ndeangareko vaerä, jare tayɨ reta ñogüɨnoita oyangareko vaerä nemichia reta re. Oyetavatɨka retata nderóvai ɨvɨ re ndemboete, jare ndepɨ oipɨte retata. Jare chekuaata che ko jae peYa vae, jare kërai cheré güɨrovia vae reta ngaraa oñemomaraiuka.”

ISAÍAS 51:3

Ambopɨakatuta Sión, tëta guasu opaetei oyemboai oï vae. Iɨvɨ ipombae oï vae amopörata, Edén pe ko raɨ añono rami. Joko pe oimeta yerovia jare vɨakatu, tairari mbaemboete pegua.

ISAÍAS 52:10

YandeYa omboyekuaa imbaepuere, opaete tëtaguasu reta jesa róvai, jare opaete ɨvɨ iyapɨ rupi ave oendu ñaneTumpa iporogüɨroasayepe re vae.

ISAÍAS 60:16

Tëtaguasu reta omeeta ndeve tembíu ikavigüe jare mburuvicha guasu reta güeruta ndeve imbaeyekou reta; jayave peikuaata che peYa ko jae pereroasayepe vae, che, Imbaepuere yae ete vae Jacob pe vae, che ko jae ndeReepɨ vae.

ISAÍAS 61:10

¡Ayerovia yae cheYa re! Chepɨa oyerovia yae cheTumpa re, echa chemboyemonde yereroasayepe pe, temimonde pegua pe rami. ¡Cheöva jupi vae pe, ñeapevaka pe rami! Omendata vae oyemonde rami, kuñatai oñemopöra äka-regua jepɨ vae pe rami.

ISAÍAS 64:4

Mbaetɨi oyeendu kuae nunga, mbaetɨi oyeecha Tumpa nde rami vae, kërai oyapo avei mbaembae, jese güɨrovia vae reta peguarä vae.

ISAÍAS 65:18

Ërei pepɨakatuta jare peyerovia katuta jekuae avei, mbaembae che ayapo pɨau ye vae re; echa, ko che aruta Jerusalén pe yerovia katu, jare pɨpegua reta pe vɨakatu.

ISAÍAS 8:17

Yepe tëi yandeYa oñomi jova Jacob iñemuña reta güi, ërei jeseve che ayeko avei ko jese. Añonota chepɨa jeseño.

MIQUEAS 7:7

Ërei ngatu, che, yandeYa reño amaeta, Tumpa chereroasayepe vae reño ayekota; jókuae cheTumpa ko chereenduta.

ZACARÍAS 10:7

Efraín iñemuña reta sundaro jëia yae vae ramita. Ipɨa oyeroviata vino jou vae rami. Taɨ reta oecha yave oyerovia yaeta vi. ¡Ipɨa oyeroviata yandeYa re!

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

San Lucas 2:25

Jare jókuae ara oiko Jerusalén pe metei kuimbae Simeón jee vae; jókuae kuimbae jupi vae oäro oiko Israel pegua reta iyeyora. Jare Espíritu Santo oï jese.

Filipenses 3:1

Jare añave cherɨvɨ reta, peyerovia yandeYa re. Mbaetɨ etei chekuérai amboaɨkuere ye aikuatía peve, echa ikavi ko peveguarä.

Filipenses 3:3

Echa yande ko jae añetete oyembocircuncida vae reta, echa yande yamboete Tumpa Espíritu rupi, mbaetɨ etei yayeko yandesoo pe oyeapo vae re.

Tito 2:13

jare ñaäro yayerovia reve yandeRu Tumpa yandemboasa vae Jesucristo ou yeta vae.

1 Pedro 1:6

Jáeramo peyerovia yae kuae re, yepe tëi añave rupi michi pegua pepɨatɨtɨ tai ko oipotagüe mbaemboavai reta jeko pegua.

1 Pedro 1:8

Yepe tëi mbaetɨ peecha Jesucristo, ërei peaɨu. Yepe tëi añave mbaetɨ peecha, ërei perovia jese, jare penoi yerovia tuichagüe yaupitɨ rapembae ñanemiari jese vae,

2 Pedro 3:12

Peäro peipota yae reve Tumpa iporojäa iara. Echa jayave ara reta jendɨ reve opata oyemboai. Jare opaete mbaembae jendɨ reve tɨkuita.

Apocalipsis 1:7

¡Mase, ko jae ou amapɨtu re! Opaete vae oechata, oikutuuka vae reta ave oechata; Jare opaete jókuae ɨvɨ pegua reta ipɨatɨtɨ yaeta jese. Körai toyeapo. ¡Amén!

Apocalipsis 22:20

Kuaekuae oikuaauka vae jei: “Añete ko, ayu yeta ma ɨmambae.” ¡Amén! ¡Eyu, cheYa Jesús!