ISAÍAS 25:8 - Biblia Guarani Tumpa Iñee

⁸ jae ko mano, yandeYa omboaita jekuae avei pegua vae, jare oyoeta opaete vae jesaɨ, jare omboaita ɨvɨ iárambo güi, tëta imbae vae iñemomarai. YandeYa ko jei jökorai.

ISAÍAS 25:8 ပူးပေါင်းရင်းမြစ်များ

SALMOS 116:8

echa nde chereroasayepe mano güi, yaeo güi jare agüɨapita tëi vae güi.

SALMOS 69:9

Echa ndero re cherägüɨro yae vae re aiporara; ndeangao vae reta cheangao vi.

ISAÍAS 26:19

Ërei omanogüe reta oikove yeta, opüa yeta tëogüe reta. Ɨvɨ ndive opa ma oyea reta vae opüa yeta, jare osapukaita oyerovia güi. Echa, nde rembou tekove ɨsápɨi rami, jare omanogüe reta opüa yeta ɨvɨ güi.

ISAÍAS 30:19

Sión pegua reta, Jerusalén ipo reta: Ngaraa ye ma peyaeo. Mboroparareko güɨnoi vae, pepararekota, oendu yave pesapúkai ikotɨ vae.

ISAÍAS 30:26

YandeYa oipoanota pepere. Jayave yasɨ omoembipeta kuaraɨ rami, jare kuaraɨ omoembipeasɨ yaeta chiu kuaraɨ jembipe rami.

ISAÍAS 35:10

yandeYa oyoragüe reta oyerovata, jae reta oiketa Sión pe tairari yerovia pegua ndive, yogüɨreko aveita yerovia katu rupi, güɨnoi retata yerovia katu, opata okañɨ mbɨatɨtɨ jare yaeo.

ISAÍAS 37:3

Jei reta chupe: Körai jei Ezequías: “Mbɨatɨtɨ ko kuae ara, ñeengata jare ñeeasɨ katu Tumpa kotɨ; metei kuña imembɨrasɨ oï vae mbaetɨ ma ipuere vae rami.

ISAÍAS 51:11

Añetete, yandeYa oyoragüe reta oyerova yeta, otairari reve oyerova reta yeta Sión kotɨ; jova, oyerovia katu avei retata; ovɨa jare oyerovia katu retata, mbaeporara jare yaeo opata okañɨ.

ISAÍAS 51:7

Peyeapɨsaka, pe reta peikuaa jupi vae re vae, cheporookuai rupi peiko vae reta. Agüɨye pekɨɨye kuimbae reta iñeeasɨ katu güi, agüɨye peyembopɨtu iporoangao jeko pegua,

ISAÍAS 54:4

Agüɨye ekɨɨye, ngaraa reñemomaraiuka; agüɨye nemara, ngaraa ndekura vae. Neakañɨta ndetaɨrusu yave nemara vae güi, jare nememano yave nemara vae güi.

ISAÍAS 60:15

Ngaraa ma reyemombo reiko, reñereröɨro ani reiko ndeiño, che rombotuicha yaeta jekuae avei pegua, vɨakatu oñeväeta nderé jekuae avei rupi.

ISAÍAS 61:7

Echa pe chembae vae reta peiporara yae ko ñemotareɨ jare yeyóyai yóyai reta, jáeramo peɨvɨ pe oyoarambo yeta pekotɨ yemboete, jare peyekou yaeta jekuae avei pegua.

ISAÍAS 65:19

Ayeroviata Jerusalén re, jare avɨakatuta chembae vae ndive; jare ngaraa ye ma oyeendu pɨpe yaeo jare jäse vae.

ISAÍAS 66:5

Pe, pemboete yandeYa iñee vae, peendu iñee: “Amogüe, kuae perëta pegua reta pemotareɨ vae, jare opa pemombo iyeugüi reta perovia cheré vae jeko pegua, jare jei reta: ‘Toyekuaa, yandeYa imbaemboetea, omee vaerä peve yerovia.’ Ërei, jae reta oñemomaraiukata opɨta.

JEREMÍAS 31:16

Ërei yandeYa jei chupe: “Emombɨta mo ndeyaeo jare nderesaɨ; echa jekoviata ndeve ndepɨatɨtɨ vae, echa nemembɨ reta oyerova yeta jovaicho reta iɨvɨ güi. Che ndeYa ko jae kuae.

OSEAS 13:14

¿Mano güi etei pa apɨ̈ro yeta? ¿Aepɨta pa mano güi? ¿Ketɨ pa oime oï mano imbaepuere oporomokañɨtei vae? ¿Tëogüe-rɨru, ketɨ pa oime ñogüɨnoi neporomokañɨtei? ¡Mbaetɨta ma aiparareko reta!”

San Lucas 1:25

“Körai yandeYa oyapo cheve. Cherenoe ñemomarai rupi aiko vae güi.”

1 Corintios 15:26

jare taɨkue ete tovaicho oyemboaita vae jae ko mano.

1 Corintios 15:54

Jare ñanoi yave yanderete ngaraa etei oikomegua vae yanderete oikomegua vae ipoepɨka pe, jare ñanoi yave yanderete ngaraa etei ipuere omano vae yanderete ipuere omano vae ipoepɨka pe, jayave oyembopota Tumpa Iñee pe oyekuatía oï vae, echa jei: “Tumpa omoamɨri mano.

2 Timoteo 1:10

Añave oikuaauka yandeve ipɨakavi, yandemboasa vae Jesucristo rupi. Echa jae omboai mano imbaepuere, jare ñee ikavi vae rupi oikuaauka yandeve kërai ñanoi tekove opambae vae.

1 Pedro 4:14

Peyerovia, ïru vae reta jei yave ikavimbae vae pekotɨ Cristo re perovia ramo, echa Tumpa iEspíritu oï pe ndive. Jae reta jei ikavimbae vae Cristo kotɨ, ërei pe reta pemboete.

Apocalipsis 20:14

Jare mano jare omanogüe reta ñogüɨnoia oyemombouka tata guasu pe. Kuae ko jae mano mokoía.

Apocalipsis 21:4

Jare Tumpa oyoeta opaete jesaɨ reta. Ngaraa ye kia omano, ani ipɨatɨtɨ, ani oyaeo ani mbae jasɨ. Echa mbaembae tenonde oiko vae opa ma oasa.”

Apocalipsis 7:17

echa Vecha kuimbae taɨrusu vae jókuae guapɨa mbɨte pe oï vae oyangarekota jese reta jare güɨrajata omboɨu ɨ tekove pegua pe, jare Tumpa oyoeta jesaɨ chugüi reta.’ ”