ISAÍAS 25:6 - Biblia Guarani Tumpa Iñee

⁶ Ɨvɨtɨ Sión re yandeYa Imbaepuere yae ete vae, oyapota arete opaete ɨvɨ pegua reta peguarä, tembíu kavi ndive jare vino ikavigüe ndive, tembíu jëe ngatugüe ndive jare vino oyeambae ndive.

ISAÍAS 25:6 ပူးပေါင်းရင်းမြစ်များ

SALMOS 36:8

Ipɨakatuta opɨta reta, jeta tembíu ndero pe oï vae re; nde remeeta jou ɨ ikavi yae vae,

SALMOS 63:5

Cheangapɨɨ kavita, maekägüe iñaputuu re jare soo ikɨra kavi vae jou vae yangapɨɨ kavi rami, romboeteta yerovia katu reve.

SALMOS 78:68

Jaeño oiparavo ñemuña Judá, ɨvɨtɨ Sión, jae oaɨu vae.

CANTARES 1:2

¡Cheyurupɨte mona nde etei! Echa jëe yae ko ndeporoaɨu vino güi,

CANTARES 1:4

¡Chereraja nderupíe! ¡Yaja! ¡Chereraja ndero pe, mburuvicha guasu! Rovɨakatu jare royerovia yaeta ko nde ndive, royekouta ndeporoaɨu re, oasa yeta vino güi. ¡Jáeramo yepe, nderaɨu yae kuñatai reta!

CANTARES 5:1

Che ayu cheko raɨ pe, chereindɨ, chemenda ïrurä vae. Aipɨɨ chembae mirra jare ikäti kavi vae, jau ei jenda güi, jau vino jare neche. Pe peyoaɨu vae, peu pepuere rupi.

ISAÍAS 1:19

pekɨ̈reɨ yave jare peendu yave, peuta ɨvɨ omee mbaagüɨye kavi vae;

ISAÍAS 25:10

YandeYa ko oyangarekota ɨvɨtɨ Sión re, ërei Moab re opɨ̈rota, kapii re oñepɨ̈ro ɨtɨapɨ pe rami.

ISAÍAS 56:7

che araja retata cheɨvɨtɨ oñeñono tee vae pe, jare ambovɨakatu retata chero yerure pegua pe; jare mɨmba oyeyukagüe opa etei oyeapɨ vae, jare ïru mɨmba oyeyukagüe reta re chepɨakatuta amae, omee reta yave mɨmba oyeyuka oyeapɨ jese vae re; echa chero oyembojeeta, o yerure pegua opaete vae reta peguarä.

JEREMÍAS 48:11

Tëta Moab oyeapo ramo güive oiko pɨagüive, mbaetɨi oyereraja tembipɨɨrä ïkotɨa. Jae ko, vino oguapɨ kavi jɨru pe vae mbaetɨi oyekuavo jɨru güi ïru jɨru pe vae rami, jáeramo mbaetɨ okañɨ chugüi jëe ngatu vae.

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

ZACARÍAS 8:3

Che ayapo kavi ye Sión, jare aikota Jerusalén pe; Jerusalén jeeta Tëta guasu Jupi vae, jare che peYa Imbaepuere yae ete vae iɨvɨtɨ jeeta, Ɨvɨtɨ Ikɨambae.

San Mateo 26:29

Ërei che jae peve, añave güive ngaraa ye ma jau uva tɨgüegüe, cheRu iporookuaía pe uva tɨgüegüe ipɨau vae, pe reta ndive jau ye regua.

San Mateo 8:11

Che jae peve, jeta vae yogüeruta kuaraɨ oëa kotɨ güi jare kuaraɨ oikea kotɨ güi jare oguapɨ retata Abraham, Isaac jare Jacob ndive araɨgua mborookuaía pe.

San Marcos 16:15

Jayave Jesús jei chupe reta: —Pekua opaete ɨvɨ rupi, pemoërakua ñee ikavi vae opaete vae reta pe.

San Lucas 22:30

Pekaru vaerä chemesa pe cheporookuaía pe. Jaeramiño vi penoita mbaepuere pejäa vaerä jókuae doce ñemuña Israel pegua reta.”

San Lucas 5:39

Jare vino indechi vae jou vae, ngaraa jupiveiño oyúe vino ipɨau vae. Echa jae jei: “Vino indechi vae ikavi yae vino ipɨau vae güi.”

Hebreos 12:22

Ërei pe reta peya ma ɨvɨtɨ guasu Sión re, Tumpa oikove vae jëta guasu re. Jae ko Jerusalén ara pegua, araɨgua reta jeta yae ñogüɨnoia re,

Apocalipsis 19:9

Jare jae jei cheve: “Eikuatía körai: ‘Oyerovia ko jókuae Vecha kuimbae taɨrusu vae imenda pe oyeparea oike vaerä vae reta.’ ” Jekuae jei ye: “Kuae ñee reta ko Tumpa iñee añetete vae.”