ISAÍAS 25:2 - Biblia Guarani Tumpa Iñee

² Echa tëta guasu opa reeya jendagüeño, tëta guasu oñekëse kavi yae vae opɨta jendagüeño; tovaicho mburuvicha reta jo kavi opa remboai, jare ngaraa ye ma oñemopüa pɨau ye.

ISAÍAS 25:2 ပူးပေါင်းရင်းမြစ်များ

JOB 12:14

Jae omboai vae, mbaetɨ kia ipuere omopüa ye, oyokenda kuimbae yave, mbaetɨ kia ipuere güɨnoe.

ISAÍAS 13:20

Ngaraa ye ma kia oiko pɨpe vae, ngaraa kia ave oñemoëta pɨpe. Árabe reta ave ngaraa oyembojeyupa pɨpe, ani vecha iyangarekoa reta ave ngaraa ivecha omombutuu joko pe.

ISAÍAS 13:21

Jokoropi oñemoëtata mbaeporou reta ñana rupigua reta, o reta rupi oñemoëtata suindaño, jokoropi oñemoëtata yandu retaño, jare kavara ñana rupigua reta oyuvangata jokoropi.

ISAÍAS 13:22

Mburuvicha jogüe reta pe jare mburuvicha reta jo ikavi reta pe oyaeota aguarayaɨmba retaño. Babilonia iara oyearo yae ma; köi yae ma opa vaerä chugüi.”

ISAÍAS 14:23

Mɨmba küi jee vae oiko vaeräño ikavita, ɨvɨ yasuru vaerä, opata atupei, tupeicha kañɨtei pegua pe.” YandeYa Imbaepuere yae ete vae ko jökorai jei.

ISAÍAS 17:1

Tëta guasu Damasco maratuta vae regua: Damasco mbaetɨta ma oiko tëta guasurä; jendagüeño yatɨta opɨta.

ISAÍAS 17:3

Efraín mbaetɨta ma güɨnoi tëta guasu oñekëse kavi vae, jökorai vi Damasco; Siria pegua jembɨregüe reta, Israel pegua reta ramiñota vi. Jökorai jei yandeYa Imbaepuere yae ete vae.

ISAÍAS 21:9

Aecha yogüeru kuimbae reta kavayu reta re opo oyoapɨ vae reta.” Jare jei reta: “¡Babilonia opa oyemboai, Babilonia opa oyemboai! Jare opaete itumpa-raanga reta opa oyeka oa ɨvɨ re.”

ISAÍAS 23:11

YandeYa omopüa ipo ɨguasu re, omborɨrɨiuka tëta guasu ñavo, jare opa omboaiuka Canaán iñepɨ̈roka reta.

ISAÍAS 23:13

Pemae kërai opɨta Caldeaɨgua reta ɨvɨ, Asiriaɨgua reta omopüa, tëta mbaetɨse oiko vae. Omopüa reta tëta ñuu pe, oguataiño vae reta peguarä. Caldeaɨgua reta omopüa ñepɨ̈roka, jare o mburuvicha peguarä, jae reta opa omboai tëta.

ISAÍAS 24:10

Tëta guasu opa oñererokomegua ikavimbae pe, mbaetɨ ma yandepuere yaike metei o japɨpe ave.

ISAÍAS 25:12

YandeYa opata oitɨ chugüi ikësea ɨvategüe jare yandambusu vae, opata oitɨ oeya chugüi ɨvɨ pe.

ISAÍAS 26:5

Echa jae oitɨ ipɨayemboete vae reta, omomichita tëta guasu ipɨarai vae, oitɨta ɨvɨ re oeya,

ISAÍAS 27:10

Echa tëta guasu jëguambae vae opa oyemboai, opɨtata o oyeeyagüe rami, ñuu ipombae rami, mɨmba reta ikaruarä, jokoropi okaruta jare oyapakuata oputuu.

ISAÍAS 32:14

Mburuvicha jo kïrii ngatuta opɨta; tëta guasu jeta tëi ipo vae ipombae opɨtata; maeka ɨvate vae reta jare ñepɨ̈roka reta oyeeyata jekuae avei pegua; joko pe oñemoëtata mburika ñana rupigua reta, jare mɨmba reta ikaruarä opɨtata.

ISAÍAS 32:19

yepe tëi amandau opa omboai kaa reta, jare tëta guasu opa oyemboai,

ISAÍAS 34:13

Jogüe reta pe oñemuñata ñurati, jaenunga vi jo jëguambae vae rupi. Aguarayaɨmba reta oñemoëtata jokoropi jare yandu reta.

ISAÍAS 37:26

¿Mbaetɨ pa reikuaa, che Tumpa ko ayapo opaete kuae mbaembae reta vae? Arakae güive voi ma ko opa amboyupavo añono kuaekuae, jae ko aru ma oyeapo añave; jáeramo ko nde remoamɨri tëta guasu reta ikësea kavi vae, jare opaetei remboaiasɨ reeya.

JEREMÍAS 51:26

Metei ave ndeita osururugüe mbaetɨta osirive o iguapɨkarä, echa ipombae opɨtata jekuae avei pegua. Che peYa ko jae kuae.

JEREMÍAS 9:11

Jerusalén tëtagüerä ayapota, opɨtata aguarayaɨmba reta jëtarä; jare tëta guasu reta Judá pegua opɨtata ipombae, mbaetɨta kia ave oiko pɨpe.”

DEUTERONOMIO 13:16

Jare pemboatɨ opaete mbaembae reta oka guasu pe jare peyatapɨ jese, opaetei tókai tëta guasu imbaembae ndive, mɨmba oyeapɨ jese vae re mɨmba oyeyukagüe opaetei oyeapɨ rami. Jókuae tëta guasu topɨta tëtagüerä, jare ngaraa ye ma oñemopüa.

Apocalipsis 18:19

Jare oñono reta ɨvɨkúi iñäka re osapúkai reve oyaeo reve jare oapïro reve jei reta: “Paravete tëta guasu, imbaembae pe oyemboikokatu barco iya reta. ¡Echa iparanoe opa oyemboai!