ISAÍAS 24:8 - Biblia Guarani Tumpa Iñee

⁸ Osondo yerovia katu angúa raɨ reta jare arpa reta pegua, osondo oyombokepegua iyapirai vae reta.

ISAÍAS 24:8 ပူးပေါင်းရင်းမြစ်များ

JOB 3:7

¡Ani jókuae pɨ̈tu topɨta mbaetɨ mbae oyeapo pɨpe vae, jare amogüe agüɨye toyerovia jókuae pɨ̈tu!

JOB 30:31

Arpa reta jare mimbɨ reta iñee, oyepoepɨ cheve yaeo mbɨatɨtɨ pegua pe.

SALMOS 137:2

Ɨvɨra reta sauce oï tëta guasu pe vae re, opa roupi orearpa reta.

ISAÍAS 16:10

Yerovia jare sapúkai yerovia pegua opata, ko kavi rupi; mbaetɨta ma oime sapúkai yerovia pegua, jare tairari uvarupa rupi, mbaetɨta ma oime uva oitɨami vae oñetɨamía rupi, mbaetɨta ma isapúkai oyeendu jokoropi.

ISAÍAS 5:12

Pearete pe oime arpa, ngitara, tambora, mimbɨ jare jeta vino; ërei mbaetɨ pemae yandeYa oyapogüe re, mbaetɨ pemae jembiapo reta re.

ISAÍAS 5:14

Jáeramo, omanogüe reta ñogüɨnoia oyembopɨguasuta, iyuru tuicha opopirata mbaeporou rami, omókoi vaerä tëta chembae vae jare juvicha reta, jókuae kuimbae reta kau rupi yogüɨreko vae jare iyapirai pɨpe vae reta.

JEREMÍAS 16:9

Echa che ndeYa Imbaepuere yae ete vae, Israel iTumpa, amombeu: Kuae ɨvɨ pe ayasɨata perovake, peikove peiko ramboeve opaete tairari reta, jare yerovia katu reta, jare tairari reta menda pegua.

JEREMÍAS 25:10

Amokañɨta chugüi reta tairari reta vɨakatu pegua jare yerovia pegua, jare tairari mendaa pegua, ombaeso vae ave ngaraa ma oyeendu ani mechero ave ngaraa ma jendɨ oyekuaa.

JEREMÍAS 7:34

Amokañɨta Judá pegua tëta guasu reta güi jare kaye reta Jerusalén pegua güi, tairari yerovia katu arete pegua reta, jare tairari menda pegua reta; opaete kuae ɨvɨ oyemboaita opɨta.”

LAMENTACIONES 5:14

Tenondegua reta mbaetɨ yé ma oyekuaa tëta guasu jöke rupi; taɨrusu vae reta itairari mbaetɨ ma oyeendu.

EZEQUIEL 26:13

Jökorai amokïriita ndetairari reta, ngaraa ye ma oyeendu ndearpa ipu.

EZEQUIEL 28:13

Edén pe reikose Tumpa iko raɨ pe, reñemopöra reyemonde oipotagüe ita reta ipöra vae pe, jae ko: Cornerina, topacio, jaspe, crisólito, berilo, ónice, zafiro, carbunclo, esmeralda jee vae jare oro; opaete angúa jare mimbɨ reta ipöragüe oyeapo ndeve, jókuae ara roapo yave.

OSEAS 2:11

Amboapɨta iyerovia katu, iarete reta, yasɨ pɨau pegua arete reta, ara mbutuu pegua reta jare opaete apirai iara reta.

AMÓS 6:7

Jáeramo, añave peota tenonde ete, tembipɨɨrä yogüɨraja vae reta jenonde, outa oväe mbɨatɨtɨ oyerovia katu vae reta pe.

Apocalipsis 18:22

Ngaraa ye ma oyeendu arpa reta ipu, mimbɨñee reta, mimbɨguasu iñee reta; jaeramiño vi ipoki ombaapo vae reta ngaraa ye ma oime ndepɨpe ani ombaeso vae reta ave ngaraa ye ma oyeendu ndepɨpe.