ISAÍAS 24:6 - Biblia Guarani Tumpa Iñee

⁶ Jáeramo, yepopeyu opa omokañɨtei ɨvɨ, jaenunga vi pɨpegua reta. Jáeramo, ɨvɨ pegua reta mbovɨ yae opɨta.

ISAÍAS 24:6 ပူးပေါင်းရင်းမြစ်များ

2 REYES 24:12

Jayave Joaquín mburuvicha guasu Judá pegua oë oövaiti mburuvicha guasu Babilonia pegua; jae jare ichɨ, jare iyɨvɨrigua reta, itenondegua juvicha reta, jare isundaro ruvicha reta; mburuvicha guasu Babilonia pegua oipɨɨ, juri año ma oiko mburuvicha guasurä yave.

2 REYES 25:12

Ërei ngatu jókuae ɨvɨ pegua paravete yae ete vae reta, opaño oeya Nabuzaradán, sundaro oporoäro vae reta juvicha, oparavɨkɨ reta vaerä uvarupa rupi jare ko rupi.

ISAÍAS 1:31

Kuimbae imbaepuere vae mbae javiyugüe ramiñota, jare jembiapo reta tatapiriri ramiñota; mókoi reve voi jendɨta jare mbaetɨta kia ombogüe vaerä.”

ISAÍAS 1:9

Ërei yandeYa Imbaepuere yae ete vae mbaetɨ yave mona oeya mbovɨ yepe yandeve ñemuña, Sodoma jare Gomorra rami ko yapɨtata tëi.

ISAÍAS 34:5

YandeYa ikɨsepuku oyekuaata ara re, oata Edom re, jókuae tëta oï yandeYa iyepopeyu pe vae.

ISAÍAS 43:28

peruvicha reta omongɨa chero mbaemboetea; jáeramo, tëta Israel, Jacob iñemuña reta amaeño opa okañɨtei jare oyeyoyaiuka.”

ISAÍAS 5:24

Jáeramo, tata oapɨ kapii vae rami jare ñana joogüe rami, jökoraita opa pekañɨtei, temitɨ japo opa ichuumbi vae ipotɨ opa osururu vae ramita ko. Echa peröɨro yandeYa Imbaepuere yae ete vae iñee, jare Iyoambae Israel pegua iporookuai.

ISAÍAS 9:19

YandeYa Imbaepuere yae ete vae iyarasɨ rupi ko opa ókai kuae tëta, opata oyeapɨ, kapii opa oyeapɨ rami; kuimbae ngaraa oiparareko jëtara.

JEREMÍAS 12:4

¿Kërai yave regua pa ɨvɨ otinita oiko jare ñana kaa rupigua ipiruta oiko? Pɨpegua reta jeko kavimbae jeko pegua, mɨmba reta jare güɨra reta opa omano; echa jei reta: “Tumpa mbaetɨ ko oecha yayapogüe.”

EZEQUIEL 5:3

Ërei joko güi eipɨɨ mbovɨ ndea jare eñapɨti nderemimonde jembeɨ re.

LEVÍTICO 26:22

Ambouta peve mbaeporou reta, peraɨ reta jare perɨmba reta omokañɨtei vaerä, mbovɨ yae pepɨtata, mbaetɨta kia oguata tape rupi peɨvɨ pe.

MALAQUÍAS 2:2

Mbaetɨ yave peendu jare mbaetɨ yave pepɨakatu reve chemboete, ayepopeyuta peré jare mbaembae penoi vae re, echa mbaetɨ chemboete pepɨakatu reve.” Jei yandeYa Imbaepuere yae ete vae.

MALAQUÍAS 3:9

Yepopeyu rupi ko peiko, echa pe reta jare opaete tëtaguasu, peñomi ko chegüi.

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

MALAQUÍAS 4:6

Jae ombopɨakatu yoyavita oyokotɨ kuimbae reta ñavo taɨ reta ndive, echa mbaetɨ yave jökorai, che ayuta opaetei amboai kuae ɨvɨ.”

San Mateo 27:25

Jayave opaete vae reta jei: —Ore jare oreñemuña reta re toï teko.

San Mateo 7:14

Echa ipɨmii ko öke jare tape ojo tekove opambae kotɨ. Jare mbovɨ yae ko oväe jókuae öke vae.

Romanos 9:27

Jare Isaías jei iñeeäta reve Israel pegua reta re: “Yepe tëi jeta yae ko Israel iñemuña reta, ɨguasu jembeɨ pegua ɨvɨkuitï jeta yae rami, ërei jembɨregüeño ko oyemboasata;

DEUTERONOMIO 28:62

Jare mbovɨ yae pepɨtata, peiko tëi ma reve jeta yeyé yasɨtata rami, mbaetɨ ramo peendu yandeYa Tumpa iñee.

DEUTERONOMIO 4:27

YandeYa opata pemoai moai tëtaguasu reta rupi, mbovɨ yae peyekuaata jókuae yandeYa pererajata vae ipɨte pe.

2 Pedro 3:10

Ërei yandeYa ou ye yave, outa ko imonda vae pɨ̈tu yave ou rami; jayave ara reta täta jɨaputa jare opaete mbaembae reta jendɨta opa oyemboai, ɨvɨ jare opaete mbaembae pɨpegua okaita.