ISAÍAS 24:23 - Biblia Guarani Tumpa Iñee

²³ Jare yandeYa Imbaepuere yae ete vae oguapɨ mburuvicha guasurä ɨvɨtɨ Sión re, Jerusalén pe yave, yasɨ jare kuaraɨ ngaraa ma oesape, jare tëta imbae pegua tenondegua reta oecha iyemboetea.

ISAÍAS 24:23 ပူးပေါင်းရင်းမြစ်များ

SALMOS 97:1

¡YandeYa jae ko Mburuvicha guasu! ¡Toyerovia opaete ɨvɨ! ¡Toyerovia opaete tëtaguasu reta ɨguasu jembeɨ rupigua!

ÉXODO 15:21

jare María jei chupe reta: “Petairari yandeYa pe, echa oyembotuicha yae ete, opa omopɨ̈tupa ɨguasu pe kavayu jare kavayu regua reta.”

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 13:10

Yasɨtata reta jare ïru yasɨtata reta yatɨ yatɨ ara re ñogüɨnoi vae, mbaetɨta ma omoembipe; kuaraɨ oë tëi rupive opata ogüe, jare yasɨ mbaetɨta ma omoembipe.

ISAÍAS 30:26

YandeYa oipoanota pepere. Jayave yasɨ omoembipeta kuaraɨ rami, jare kuaraɨ omoembipeasɨ yaeta chiu kuaraɨ jembipe rami.

ISAÍAS 33:17

Jekuae reecha yeta Mburuvicha guasu iyemboetea ikavi yae vae; jare reechata kuae ɨvɨ ipɨguasu yae ko vae.

ISAÍAS 33:22

Echa yandeYa ko jae oporojäa vae yandevegua, jae ko omee yandeve mborookuai vae, jae ko yandeRuvicha guasu, jae etei ko yandereepɨta.

ISAÍAS 52:7

¡Ipöra yae ko ɨvɨtɨ reta re oyekuaa ou, ñee ikavigüe yerovia pegua omoërakua vae, mbɨakatu omoërakua vae, mbae ipɨau ikavigüe omoërakua vae, yereroasayepe omoërakua vae, Sión pe jei vae: “NeTumpa oï mburuvicha guasurä”!

ISAÍAS 60:1

Epüa Jerusalén, emboesape, echa oväe ma ndeve tembipe, yandeYa iyemboetea ou nderé.

ISAÍAS 60:19

Ngaraa ma reipota kuaraɨ omboesape vaerä ndeve ara pe, ani yasɨ ave omboesape vaerä ndeve pɨ̈tu yave, echa, che ndeYa jae ko tembipe opambae; che, neTumpa, jae ko ndemboesape vae.

ISAÍAS 60:20

Kuaraɨ ngaraa ye ma oike, kuaraɨ aveita ndeve, jare yasɨendɨ katu aveita, echa, che ndeYa, tembipe opambae aikota ndeve; ndeara mbɨatɨtɨ pegua opata.

EZEQUIEL 48:35

Opaete reve jókuae tëta guasu ikësea güɨnoita dieciocho mil metro. Jare jókuae ara güive tëta guasu jeeta: ‘YandeYa oï kuae pe.’ ”

DANIEL 7:18

Ërei jaɨkue rupi kuae mborookuaía oñemeeta Tumpa Tuichagüe yae ete vae pe oñeñono tee vae reta pe, jare jae reta imbaerä oikota jekuae avei pegua.’

DANIEL 7:27

Mborookuaía, mbaepuere jare yemboetea opaete ɨvɨ pe ñogüɨnoi vae, oñemeeta oñeñono tee Tuichagüe yae ete vae pe vae reta ipo pe. Iporookuaía oikota jekuae avei pegua, opaete ɨvɨ pegua reta oyeokuaita chupe jare yogüɨrekota jae jeia re.’

JOEL 2:31

Kuaraɨ pɨtumimbita jare yasɨ pïtata tugüɨ rami, ndei ou cheporojäa iara mbove, tuicha jare yavaete yae vae.”

JOEL 3:15

Kuaraɨ jare yasɨ ogüeta, yasɨtata reta jäveta jendɨ.

ABDÍAS 1:21

Oporomoamɨri retata oyeupi ɨvɨtɨ Sión kotɨ, oporojäa reta vaerä ɨvɨ Esaú pegua reta kotɨ; jare yandeYa oporookuaita joko pe.

MIQUEAS 4:7

jare iköcho vae reta añonota jembɨregüe rami, jare jopagüe reta, metei tëtaguasu imbaepuere yae vaerä; jare che aïta peruvicha guasurä, ɨvɨtɨ Sión güi añave güive jekuae avei pegua.

ZACARÍAS 14:6

Jókuae ara mbaetɨta jembipe kavi, mbaetɨta vi pɨtumimbi.

ZACARÍAS 14:7

Jaeño jókuae ara yandeYa oikuaata, mbaetɨta ara ani pɨ̈tu. Kuaraɨ oike yave oimeñota tembipe.

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

San Mateo 24:29

“Opa tembiporara guasu oasa güire, kuaraɨ oyembopɨtumimbita, jare yasɨ ngaraa ma jembipe, jare yasɨtata reta oata ara güi, jare opaete ara rupi ñogüɨnoi vae reta okanata.

San Mateo 6:10

Tou ndeporookuaía. Nderemimbota ara pe oyeapo oï rami, toyeapo vi kuae ɨvɨ pe.

San Mateo 6:13

Jare agüɨye emaeño roipota oreyoa vaerä. Orereepɨ ikavimbae güi. Echa ndembae ko jekuae avei pegua mborookuaía, mbaepuere jare yemboetea. Amén.’

Hebreos 12:22

Ërei pe reta peya ma ɨvɨtɨ guasu Sión re, Tumpa oikove vae jëta guasu re. Jae ko Jerusalén ara pegua, araɨgua reta jeta yae ñogüɨnoia re,

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

Apocalipsis 14:1

Jaɨkue rupi amae jare aecha Vecha kuimbae taɨrusu vae oyemboɨ oï ɨvɨtɨ Sión re. Jae ndive ciento cuarenta y cuatro mil vae reta. Jae reta jesɨva re oyekuatía oï Vecha kuimbae taɨrusu vae jee jare Tu jee.

Apocalipsis 19:4

Jare jókuae veinticuatro tenondegua okuakuaa vae reta jare jókuae irundɨ oikove vae reta oyetavatɨka itindɨasɨ reve omboete reta Tumpa, oguapɨ oï iguapɨa pe vae, jae reta jei: “¡Amén! ¡Aleluya!”

Apocalipsis 19:6

Jayave aendu jeta yae vae iñee rami, ɨ jeta vae jɨapu rami, ara täta jɨapu rami, jei: “¡Aleluya! Echa yandeYa Tumpa Imbaepuere yae vae oporookuai ma.

Apocalipsis 21:23

Jare jókuae tëta guasu mbaetɨ oeka kuaraɨ ani yasɨ omoembipe vaerä. Echa Tumpa jare Vecha kuimbae taɨrusu vae etei omoembipe.

Apocalipsis 22:5

Jare ngaraa ye ma oime pɨ̈tu joko pe. Ngaraa oeka mechero jare kuaraɨ jembipe, echa yandeYa Tumpa etei omoembipeta. Jare oporookuai retata jekuaekuae avei rupi.