ISAÍAS 24:20 - Biblia Guarani Tumpa Iñee

²⁰ Okanata ɨvɨ, mbae oñemokana rami, okanata metei tapɨi iyagüɨ oïeiño vae okana rami. Iyoa jeta yae ma jese, güɨrogüɨapita jare ngaraa ye ma opüa.

ISAÍAS 24:20 ပူးပေါင်းရင်းမြစ်များ

GÉNESIS 41:31

Jare kuae mbaarɨvo kavi opata ko karuai jeko pegua, echa ngaraa etei ikavi kuri karuai.

JOB 12:25

Opovɨvɨ yogüɨraja, pɨtumimbía rupi rami, jare oyavɨuka chupe reta, osavaɨpogüe pe rami.

SALMOS 107:27

Orɨrɨi jare jesagüɨrɨ reta osavaɨpogüe rami, ¡ipoki ave mbaetɨ omborɨ reta!

SALMOS 38:4

Echa jupimbae ayapogüe reta aiporara; ipoɨ yae vae rami, mbaetɨ chepuere aropɨa.

ISAÍAS 1:28

ërei oyembopɨapochɨ chekotɨ vae reta jare iyoa vae reta opata oñemokañɨtei, jare oyembosɨrɨ chegüi vae reta opata omano.

ISAÍAS 1:8

Jare jaeño opɨta Sión, uvarupa pe tapɨi oï rami, jare melon-rupa pe o raɨ oï rami, tëta guasu, tovaicho opa omboaigüe rami.

ISAÍAS 19:14

YandeYa oñono jese reta, ipɨa jopa vaerä; jae reta güɨraja Egipto tape jupimbae vae rupi, opaete mbaembae oyapogüe rupi, metei osavaɨpogüe ogüëe yave mbaetɨ oguata kavi rami.

ISAÍAS 24:1

Mase, yandeYa opata oikuavo kuae ɨvɨ, opaeteita omboai jare güɨrokomegua, jare opata omoai moai pɨpegua reta.

ISAÍAS 28:7

Ërei kuae reta oyavɨ vi vino jeko pegua, mbae oporombosavaɨpo vae omombia iyemongeta kavi güi: Sacerdote jare ñeemombeúa reta oyembosavaɨpo, vino omombia reta iyemongeta kavi güi, oyemboesagüɨrɨuka reta mbae oporombosavaɨpo vae pe, osavaɨpo reve imiari mbae oasata vae re, osavaɨpo reve oporojäa reta.

ISAÍAS 29:9

¡Peiko peikuaambae, jayave! ¡Peiko jesambae rami! ¡Peresagüɨrɨ, osavaɨpogüe rami, yepe tëi mbaetɨ peu mbae oporombosavaɨpo vae!

ISAÍAS 38:12

Cherete opa oyemboai, o oyemboai rami, metei vecha iyangarekoa jo oyemboai rami. Ombaapo vae jembiapo opa ma yave oyasɨa rami, mbaerasɨ oyasɨa cherekove metei ara pe.

ISAÍAS 43:27

Peñemuñagüe tenondegua ete iyoa, pemboe vae reta ombaeyavɨ chekotɨ,

ISAÍAS 66:24

Yogüeruta oecha reta, kuimbae reta oyembopɨapochɨ chekotɨ vae reta jëogüegüe. Echa taso reta jou jetegüe vae mbaetɨta omano, jare mbaetɨta vi ogüe tata, ókai reta ñogüɨnoi pɨpe vae. ¡Yavaete yaeta oyekuaa reta opaete vae pe!”

JEREMÍAS 25:27

Jaɨkue rupi yandeYa jei cheve: “Ere chupe reta che peYa Imbaepuere yae ete vae, Israel iTumpa ayókuai oɨu reta vaerä jese, oyembosavaɨpo regua, ogüëe jare togüɨapi, opüa yembae vaerä, ñeraro ambouta chupe vae jeko pegua.

JEREMÍAS 4:24

Amae ɨvɨtɨ reta re, jare aecha okana ñogüɨnoi; opaete ɨvɨtɨ reta orɨrɨi.

JEREMÍAS 51:29

Ɨvɨ okana jare orɨrɨi, echa yandeYa ombopo oï iyemongeta oeya vaerä ipombae Babilonia, mbaetɨ yeta kia oiko pɨpe.

JEREMÍAS 8:4

Nde, Jeremías, emombeu opaete vae pe kuae ñee jae vae, körai: ‘Kia ogüɨapi yave, opüa ye ko; ani kia opia tape güi yave, ojo ye opia chugüía kotɨ.

LAMENTACIONES 1:14

YandeYa etei oñapɨti chepɨapochɨ cheré, metei yuvo ipoɨgüe rami avoɨ anoi, jókuae chembopɨtu yae. YandeYa chemee mbaetɨta chepuere reta jese vae ipo pe.

DANIEL 11:19

Joko güi jókuae mburuvicha guasu oyerova yeta iɨvɨ pegua ñepɨ̈roka reta pe; ërei iñamɨrita jare omanota, jökorai ngaraa ye ma jërakua jesegua.

AMÓS 8:14

Samaria pegua tumpa-raanga reta omboete reta vae jei: ‘Dan iñemuña reta, oikove ko netumpa’, jare ‘Beerseba pegua tumpa-raanga reta’, jókuae reta ogüɨapita, ngaraa ye ma opüa reta.”

NAHUM 1:5

Ɨvɨtɨ guasu reta okana jae jóvai; ɨ̈vavira reta opa tɨkui jae jóvai. Opaete ɨvɨ jare opaete yogüɨreko pɨpe vae ipɨakɨɨye yae oyekuaa yave.

Apocalipsis 18:21

Jayave metei araɨgua imbaepuere yae vae oipɨɨ metei ita, ita tuicha vae oyembaeso pɨpe rami vae, jare omombo ɨguasu pe jei reve: “Köraita rea tätagüe tëta guasu Babilonia. Ngaraa ye ma kia ndereecha.