ISAÍAS 24:10 - Biblia Guarani Tumpa Iñee

¹⁰ Tëta guasu opa oñererokomegua ikavimbae pe, mbaetɨ ma yandepuere yaike metei o japɨpe ave.

ISAÍAS 24:10 ပူးပေါင်းရင်းမြစ်များ

GÉNESIS 11:9

Jáeramo kuae tëta jee Babel, echa joko pe yandeYa opa omoambuae opaete vae reta iñee, jökorai joko güi opa omoai moai ɨvɨ iárambo rupi.

2 REYES 25:4

Jayave oipea reta japerä tëta guasu ikësea rupi, yepe tëi Caldeaɨgua reta oñova güɨnoi, mburuvicha guasu jare opaete sundaro reta otekuarai tëta guasu güi pɨ̈tu yave. Ñogüɨnoe reta öke tëta guasu ikësea mókoi oyóvai ñogüɨnoi vae ipäu pe oï vae rupi mburuvicha guasu iko raɨ rupi; ojo mburuvicha guasu tape Arabá kotɨ ojo vae rupi.

ISAÍAS 23:1

Tiro maratuta vae regua: Peräse peyaeo barco Tarsis pegua reta, echa tëta Tiro opa oyemboai, mbaetɨ jembɨre o ave yepe, barco reta iyemboɨa opa vi oyemboai, Quitim kotɨ güi omombeu reta chupe.

ISAÍAS 24:12

Opa oyemboai opɨta kuae tëta guasu, opa oñemopë öke reta.

ISAÍAS 25:2

Echa tëta guasu opa reeya jendagüeño, tëta guasu oñekëse kavi yae vae opɨta jendagüeño; tovaicho mburuvicha reta jo kavi opa remboai, jare ngaraa ye ma oñemopüa pɨau ye.

ISAÍAS 26:5

Echa jae oitɨ ipɨayemboete vae reta, omomichita tëta guasu ipɨarai vae, oitɨta ɨvɨ re oeya,

ISAÍAS 27:10

Echa tëta guasu jëguambae vae opa oyemboai, opɨtata o oyeeyagüe rami, ñuu ipombae rami, mɨmba reta ikaruarä, jokoropi okaruta jare oyapakuata oputuu.

ISAÍAS 32:14

Mburuvicha jo kïrii ngatuta opɨta; tëta guasu jeta tëi ipo vae ipombae opɨtata; maeka ɨvate vae reta jare ñepɨ̈roka reta oyeeyata jekuae avei pegua; joko pe oñemoëtata mburika ñana rupigua reta, jare mɨmba reta ikaruarä opɨtata.

ISAÍAS 32:19

yepe tëi amandau opa omboai kaa reta, jare tëta guasu opa oyemboai,

ISAÍAS 34:11

Güɨratï jare mɨmba küi jee vae oñemoëtata joko pe, chucha jare suinda oyapota jaitɨrä joko pe. YandeYa omboai kuae tëtaguasu, oeyata ñuurä jare ɨvɨ ipombae vaerä.

JEREMÍAS 39:4

Jare mburuvicha guasu Sedequías jare isundaro reta oecha yave kuae oasa oï vae, otekuarai reta tëta guasu güi. Ñogüɨnoe reta pɨ̈tu yave, tape mburuvicha guasu iko raɨ rupi oasa vae rupi, öke tëta guasu ikësea mókoi oyóvai ñogüɨnoi vae ipäu pe oï vae rupi, jare yogüɨraja tape Arabá kotɨ ojo vae rupi.

JEREMÍAS 39:8

Javoi Caldeaɨgua reta oapɨ mburuvicha guasu jo jare o reta tëta guasu pegua, jare opa ombosururu reta tëta guasu Jerusalén ikësea.

JEREMÍAS 52:7

Jayave oipea reta japerä tëta guasu ikësea rupi, yepe tëi Caldeaɨgua reta oñova güɨnoi, mburuvicha guasu jare opaete sundaro reta ndive otekuarai tëta guasu güi pɨ̈tu yave. Ñogüɨnoe reta öke tëta guasu ikësea mókoi oyóvai ñogüɨnoi vae ipäu pe oï vae rupi mburuvicha guasu iko raɨ rupi, jare mburuvicha guasu ojo tape Arabá kotɨ ojo vae rupi.

MIQUEAS 2:13

Tape oipea vae, ojota jae reta jenonde; jare jae reta yogüɨrajata jaɨkue; jare oë retata tëta guasu jöke rupi. YandeYa, jae reta juvicha guasu ojota opaete vae jenonde.

MIQUEAS 3:12

Jáeramo, Jerusalén tëta guasu ɨvɨtɨ Sión pegua, pereko pegua opata oyeara ko rami, opaeteita oikomegua megua, jare tupao iɨvɨtɨ re okuakuaata ɨvɨra.

San Lucas 19:43

Outa ma oväe nderovaicho reta nekëse vaerä jare neovata opaete rupi.

San Lucas 21:24

Jare oimeta oyeyukauka kɨsepuku pe vae. Jare oyererajata tembiokuairä opaete tëtaguasu reta rupi, jare judiombae vae reta omboaita Jerusalén, jae reta iara opa regua.”

Apocalipsis 18:2

Jare osapúkai reve jei: “Oa ma, oa ma Babilonia guasu. Opɨta aña reta jëtarä, opaete espíritu ikɨa vae oikoarä. Güɨra oyeumbae jare oñereröɨro vae jëtarä.