ISAÍAS 24:1 - Biblia Guarani Tumpa Iñee

¹ Mase, yandeYa opata oikuavo kuae ɨvɨ, opaeteita omboai jare güɨrokomegua, jare opata omoai moai pɨpegua reta.

ISAÍAS 24:1 ပူးပေါင်းရင်းမြစ်များ

2 REYES 21:13

Ajäata Jerusalén, Samaria ajäa rami etei, jare Acab iñemuña reta ajäa rami; aeyata ikɨambae, metei ñae oyeyoe yave oyembovapɨ oñeñono rami.

NEHEMÍAS 1:8

Nemaendúa añave neñee re, nderembiokuai Moisés pe remee vae, rere reve: ‘Pe reta peyoa yave, che opata pomoai moai tëtaguasu reta rupi;

SALMOS 146:9

YandeYa oyangareko ketɨgua reta re, tɨ̈reɨ re jare imemano vae re, ërei jupimbae reta ombojopa.

ISAÍAS 13:13

Echa, ara omokanata, jare ɨvɨ osɨrɨta jenda güi, chearasɨ aitɨta jókuae ara vae jeko pegua, chearasɨ yaeta jókuae ara.

ISAÍAS 13:5

Matɨ güi yogüeru reta, matɨ ɨvɨ iyapɨ kotɨ güi, yandeYa güeru iyarasɨ pegua jembiporu reta, opa vaerä omboai ɨvɨ.

ISAÍAS 2:19

YandeYa opüa jókuae ara oiporarauka vaerä kuae ɨvɨ pe yave, opaete vae oiketa ɨ̈vavira oyeka vae rupi ɨvɨkua rupi; yandeYa kɨɨyea yae güi, iyemboetea tuicha yae vae güi.

ISAÍAS 24:19

Ɨvɨ okanata täta yae, opaeteita oyemboai, okanata jare opaeteita jaɨ jaɨ.

ISAÍAS 24:20

Okanata ɨvɨ, mbae oñemokana rami, okanata metei tapɨi iyagüɨ oïeiño vae okana rami. Iyoa jeta yae ma jese, güɨrogüɨapita jare ngaraa ye ma opüa.

ISAÍAS 27:10

Echa tëta guasu jëguambae vae opa oyemboai, opɨtata o oyeeyagüe rami, ñuu ipombae rami, mɨmba reta ikaruarä, jokoropi okaruta jare oyapakuata oputuu.

ISAÍAS 29:16

¡Añetete perembiapo ikavimbae reta oñejäata ko, oñaeu-apo vae jembiapo re oñemae kavi rami! Echa, ¿ipuere pa ñaeu jei iyapoa pe: “Nde mbaetɨ ko cheapo”? Ani ¿tinaa jeita pa iyapoa pe: “Mbaetɨ reikatu reyembiapo”?

ISAÍAS 29:2

Ërei aruta chupe mbaesusere, jäseta jare oyaeota, jare jókuae tëta guasu oïta cheve Arielrä.

ISAÍAS 30:32

jare yandeYa oitɨ ichikote jese ñavo, oyemboputa angúa raɨ jare arpa. YandeYa etei oñerarota jae reta ndive yavaetegüe.

ISAÍAS 32:12

Peipete pepɨtía pepɨatɨtɨ güi, pepɨatɨtɨ jókuae kó ikavigüe re, jare uvarupa ikavigüe re.

ISAÍAS 33:9

Ɨvɨ imbaerasɨ jare ipɨatɨtɨ oï, Líbano oñemomarai jare opa yɨpi oï, ɨvɨtɨ päu ipe kavi vae Sarón ipombae opɨta oï, ɨvɨ Basán jare ɨvɨtɨ Carmelo opaetei oyetɨvɨro opɨta.

ISAÍAS 34:10

Ngaraa ogüe ara pe ani pɨ̈tu yave ave; jätatita jekuae avei rupi. Oyemombota oyeeya jekuae avei rupi; ngaraa ye ma kia oasa jokoropi vae.

ISAÍAS 34:2

Echa yandeYa iyarasɨ oï opaete tëtaguasu reta kotɨ, jare opaete sundaro reta kotɨ, opata omboai, opata omee mano pe.

ISAÍAS 42:15

Opata amboai ɨvɨtɨ jare ɨvɨtɨ guasu, opata amombiru ñana reta jokoropigua; opata ɨ̈aka reta jare ɨupa reta amondɨpa.

ISAÍAS 5:6

amombota aeya. Ngaraa ma oitɨo vae jare ombokatu vae, titɨnɨe yuu pe jare ñana pe. Amapɨtu ave ayokuaita agüɨye vaerä omongɨ jese.

JEREMÍAS 4:7

Yaguapope oë ma ikua güi, tëtaguasu reta imboaia oë ma oguata; iɨvɨ güi oë ndeɨvɨ omboai vaerä, nerëta guasu reta omboaita jare ipombae opɨtata.

JEREMÍAS 40:15

Jayave Johanán, Carea taɨ jei vɨari Gedalías pe Mizpa pe: —Emaeño che taja tayuka Ismael, Netanías taɨ, mbaetɨ eteita kia oikuaa. ¿Maera pa ñamaeñota kia ndeyuka? Echa jökorai yave opata oñemoai kuae Judáɨgua reta yogüeru ndekotɨ vae, jare opata okañɨtei.

JEREMÍAS 50:17

Israel ko metei vecha okañɨgüe rami, yaguapope reta opa omoai moai rami. Tenonde ete mburuvicha guasu Asiria pegua opa jou; jaɨkue rupi, Nabucodonosor mburuvicha guasu Babilonia pegua, opa oikäo.

JEREMÍAS 51:34

Jerusalén, Sión pegua tëta guasu jei: “Nabucodonosor, mburuvicha guasu Babilonia pegua, chembojaɨ jaɨ jare opa chemókoi; chereeya metei vaso ipombae rami. Mbaeporou ɨguasu rupigua rami chereu; oñemoɨ̈vɨata, oyúe yae chegüi vae pe, jare cherembɨregüe omombo. ¡Toiporara Babilonia, ikavimbae oyapo cheve vae re! ¡Caldeaɨgua reta toiporara oyuka chegüigüe reta re!”

JEREMÍAS 9:16

Opata amoai reta, kerupi ïru tëtaguasu reta oikuaambaea rupi, tu reta ave mbaetɨ oikuaa vae rupi; jare amondota ayukauka vaerä kɨsepuku pe opaetei okañɨtei regua.”

EZEQUIEL 12:20

Opaete tëta guasu reta oyemboaita jare ɨvɨ opɨtata ipombae; jayave pe reta chekuaata, che ko jae peYa.’ ”

EZEQUIEL 24:11

añonota jókuae yapepo ipombae tata pe oyepiroasɨ regua, tochɨrɨrɨ ikɨa, tókai jugua pe. ¡Ikɨambae topɨta!

EZEQUIEL 35:14

Che Tumpa jae körai: Opaete vae ɨvɨ pegua reta oyerovia vaerä, che opata romboai.

EZEQUIEL 5:14

Jerusalén, nderendagüeño opɨtata; romomaraiukata ïru tëtaguasu reta ndeɨ́vɨri ñogüɨnoi vae ipɨte pe, ndereecha vaerä opaete oguatagüe oasa jokoropi vae.

EZEQUIEL 5:2

Remboapɨ yave jókuae ara reta reiporara Jerusalén re vae, eapɨ metei yemboyao ndea jókuae tëta iä mbɨte pe; jaɨkue rupi metei kɨse pe eyasɨa mokoía ndea remboyao vae tëta guasu ikupe rupi; jare mboapɨa ndea remboyao vae emombo ɨvɨtu güɨroveve vaerä. Che ajata jaɨkue reta metei kɨsepuku ndive chepo pe.

EZEQUIEL 6:14

Amopüata chepo ikotɨ reta, aiporarauka vaerä chupe reta; opaete kerupi yogüɨrekoa rupi, aeyata ipombae ñuu arayevɨ kotɨ güive Diblat pe ɨvɨtuguasu kotɨ. Jayave oikuaa retata che ko jae iYa vae.”

EZEQUIEL 6:6

Oipota rupi peikoa rupi tëta guasu reta oyemboaita, jare pembaemboetea ɨvatea reta rupi oï vae oyemboaita. Mɨmba peyuka peapɨ pemee jese vae opaeteita oyemboai, petumpa-raanga reta, kuaraɨ iä penoi vae opata oyemboai; opaete mbae peyapogüe oyemboaita.

EZEQUIEL 7:12

Oväe ma ara. Oyembaegua vae ani oñemaemee vae mbaetɨta ma jaekavi. Echa oväe ma ara, aiporarauka vaerä chearasɨ rupi Israel pegua reta pe.

EZEQUIEL 7:14

Omoñee reta mimbɨguasu oporoenɨi vaerä ñeraro pe, oyupavo retata, ërei mbaetɨ eteita kia oë oñeraro vaerä. Echa chearasɨ oï opaete vae reta re.

NAHUM 1:5

Ɨvɨtɨ guasu reta okana jae jóvai; ɨ̈vavira reta opa tɨkui jae jóvai. Opaete ɨvɨ jare opaete yogüɨreko pɨpe vae ipɨakɨɨye yae oyekuaa yave.

NAHUM 2:10

Oyemboai jare ipombae opɨta, jökorai opɨta Nínive. Ipɨakɨɨye yae reta, orɨrɨi itava reta, opaete vae pe oata mɨ̈rata jare jova ambuae yae opɨta reta.

San Lucas 21:24

Jare oimeta oyeyukauka kɨsepuku pe vae. Jare oyererajata tembiokuairä opaete tëtaguasu reta rupi, jare judiombae vae reta omboaita Jerusalén, jae reta iara opa regua.”

Hechos 17:6

Ërei mbaetɨ oväe reta ramo oipɨɨ reta Jasón jare amogüe oporogüɨrovia vae reta güɨraja mburuvicha tëta guasu pegua reta pe, jare iñeeäta reve jei reta: —Kuae kuimbae reta güɨrokomegua opaete ɨvɨ pegua reta iyemongeta vae yogüeru vi kuae pe.

DEUTERONOMIO 28:64

Jare yandeYa opata pemoai moai opaete tëtaguasu reta rupi, ɨvɨ iyɨpɨ kotɨ güive, ketɨ ɨvɨ iyapɨ kotɨ; joko pe peyeokuaita tumpa ambuae reta pe, pe mbaetɨ peikuaa vae reta, jare peñemuñagüe reta ave mbaetɨi oikuaa vae, ɨvɨra pegua jare ita pegua pe.

DEUTERONOMIO 32:26

Ayemongeta ko mombɨrɨ rupi opa vaerä amoai moai, jare amboai ɨvɨ güi jee reta,

DEUTERONOMIO 4:27

YandeYa opata pemoai moai tëtaguasu reta rupi, mbovɨ yae peyekuaata jókuae yandeYa pererajata vae ipɨte pe.

Santiago 1:1

Che ko Santiago, Tumpa jare yandeYa Jesucristo jembiokuai. Amondo tamaraeme doce ñemuña Israel pegua reta oñemoai ñogüɨnoi vae pe.