ISAÍAS 23:4 - Biblia Guarani Tumpa Iñee

⁴ Nemara Sidón, echa ɨguasu yavaete vae jei: “Mbaetɨi chemembɨ, mbaetɨi ayekuaku, mbaetɨi ambokuakuaa kunumi reta ani kuñatai reta.”

ISAÍAS 23:4 ပူးပေါင်းရင်းမြစ်များ

GÉNESIS 10:15

Canaán taɨrɨpɨ jae ko Sidón jare Het jae vi taɨ.

GÉNESIS 10:19

Cananeo iɨvɨ Sidón güive Gerar re katu, Gaza re ojo oya, jare Sodoma re katu, Adma jare Seboim, ojo oya Lasa re.

JEREMÍAS 25:22

opaete mburuvicha guasu reta Tiro pegua jare Sidón pegua; jare opaete Ɨguasu Mediterráneo jembeɨ rupigua reta;

JEREMÍAS 27:3

Javoi emondo ñee mburuvicha guasu reta Edom, Moab, Amón, Tiro jare Sidón pegua reta pe, ñee jerajaa reta yogüeru Jerusalén pe opou mburuvicha guasu Sedequías pɨri vae ndive.

EZEQUIEL 28:21

“Nde kuimbae, emae Sidón pegua reta kotɨ, jare emoërakua ikotɨ reta maratuta oasa vae.

EZEQUIEL 28:22

Ere chupe reta: ‘CheYa Tumpa jei körai: Sidón, che ayovaicho nde kotɨ, nderé ayemboeteukata. Aiporarauka ndeve jupi rupi, jare aechauka ndeve aiko tee vae yave, opaete vae oikuaata che ko jae Tumpa vae.

JOSUÉ 11:8

javoi yandeYa omee Israel iñemuña reta ipo pe, jare oyuka reta jare oaɨkuemoña reta güɨraja tëta guasu Sidón kotɨ, Misrefot-maim kotɨ, ɨvɨpe kavi Mizpa kotɨ, kuaraɨ oëa kotɨ jare oyuka reta oeyambae reve metei ave.

Apocalipsis 18:23

Jaeramiño vi ngaraa ye ma jendɨ ndepɨpe mechero, ani kia omenda vae iarete. Echa omaemee yepi joko pe vae reta tuichagüe reta yepi, echa ndepaye reta rupi rembotavɨ opaete tëtaguasu reta.”

JUECES 10:6

Jare Israel iñemuña reta jekuae oyapo ye ikavimbae yandeYa jesa róvai, jare omboete reta Baal jare Astarot, jökoraiño vi tumpa ambuae reta Siria pegua, Sidón pegua, Moab pegua, Amón iñemuña reta itumpa jare filisteo reta itumpa reta pe; jare oeya reta yandeYa, mbaetɨ oyeokuai reta chupe.