ISAÍAS 23:13 - Biblia Guarani Tumpa Iñee

¹³ Pemae kërai opɨta Caldeaɨgua reta ɨvɨ, Asiriaɨgua reta omopüa, tëta mbaetɨse oiko vae. Omopüa reta tëta ñuu pe, oguataiño vae reta peguarä. Caldeaɨgua reta omopüa ñepɨ̈roka, jare o mburuvicha peguarä, jae reta opa omboai tëta.

ISAÍAS 23:13 ပူးပေါင်းရင်းမြစ်များ

GÉNESIS 11:28

Jare Harán räri omano tu Taré güi, tëta Ur pe, Caldeaɨgua reta iɨvɨ pe. Harán joko pe oa jare joko pe vi omano.

GÉNESIS 11:31

Jare Taré oë tëta Ur güi, Caldeaɨgua reta iɨvɨ güi, ojo vaerä ɨvɨ Canaán jee vae kotɨ. Güɨraja jupíe taɨ Abram, jare jɨmɨmino Lot, jare taɨtatɨ Sarai. Ërei yogüɨraja ma oväe reta tëta Harán jee vae pe yave, joko pe opɨta reta oñemoëta.

GÉNESIS 11:9

Jáeramo kuae tëta jee Babel, echa joko pe yandeYa opa omoambuae opaete vae reta iñee, jökorai joko güi opa omoai moai ɨvɨ iárambo rupi.

GÉNESIS 2:14

Ɨ̈aka mboapɨa jee Hidekel; kuae ɨ̈aka oasa Asiria güi kuaraɨ oëa kotɨ. Jare ïru ɨ̈aka ko jee Éufrates.

2 REYES 17:24

Mburuvicha guasu Asiria pegua güeru kuimbae reta Babilonia güi, Cuta güi, Ava güi, Hamat güi jare Sefarvaim güi, jare oñono tëta guasu reta ɨvɨ Samaria pegua rupi, Israel pegua reta jekovia pe. Jökorai yogüɨreko ɨvɨ Samaria pe tëta guasu ñavo rupi.

2 REYES 20:12

Jókuae año rupi Merodac-baladán, Baladán taɨ, mburuvicha guasu Babilonia pegua ombou ñee jerajaa reta tupapire reta ndive jare mbota Ezequías peguarä, echa oikuaa Ezequías imbaerasɨ oï vae.

2 CRÓNICAS 33:11

Jáeramo yandeYa güeru chupe reta mburuvicha guasu Asiria pegua sundaro ruvicha reta, jae reta oipɨɨ Manasés, oipokua reta jare omoïcha reta karena jiero iyu vae pe güɨraja Babilonia pe.

JOB 1:17

Kuae imiari vɨteri oï ramboeve, ou ïru oväe jare jei: —Caldeaɨgua reta oyeapo mboapɨ yemboyao oporepeña oreré, jare opa oipɨɨ güɨraja camello reta, opa oyuka tembiokuai reta kɨsepuku pe; jare cheño etei atekuarai ayu vaerä chemiari ndeve.

SALMOS 72:9

¡Jovaicho reta ñuu rupigua, toyetavatɨka itindɨasɨ jare toñemomichi jóvai!

ISAÍAS 10:5

Echa Tumpa jei: “¡Tëtaguasu Asiria! Jae ko popoka ɨvɨra pegua aporonupa pɨpe chearasɨ yave vae, ipo pe añono chearasɨ.

ISAÍAS 10:7

Ërei mburuvicha guasu Asiria pegua mbaetɨta jökorai oyemongeta, iyemongeta ambuaeyee ko. Iyemongeta pe jaeño oipota opa oporomboai, ikɨ̈reɨ opa omboai jeta tëtaguasu reta.

ISAÍAS 13:19

Babilonia, tëtaguasu reta omboete yae vae, Caldeaɨgua reta oyembotuicha jare oyemboete jese vae, opɨtata Sodoma jare Gomorra che opa amboai vae rami.

ISAÍAS 13:21

Jokoropi oñemoëtata mbaeporou reta ñana rupigua reta, o reta rupi oñemoëtata suindaño, jokoropi oñemoëtata yandu retaño, jare kavara ñana rupigua reta oyuvangata jokoropi.

ISAÍAS 18:6

Jare opata oyeeya güɨra reta ñana rupigua pe, jare mɨmba reta ñana rupigua peguarä. Joko pe güɨra reta omboasata araku iara, jare joko pe omboasata iroɨ iara mɨmba ñana rupigua reta.”

ISAÍAS 43:14

YandeYa, Tumpa Iyoambae Israel pegua, jae peReepɨ vae jei, körai: “Pogüɨroasayepe vaerä amondota jeta vae, oporepeña vaerä Babilonia re, oipea reta vaerä öke reta, jare opaete jókuae Caldeaɨgua reta, ibarco re oyerovia reta vae otekuaraita.

EZEQUIEL 23:23

Babiloniaɨgua reta, Caldeaɨgua reta, Pecod, Soa jare Coa pegua reta, jare opaete Asiriaɨgua reta; opaete kuae reta ko taɨrusu maepöra vae mburuvicha reta, sundaro ruvicha reta, opaete kavayu regua reta.

EZEQUIEL 29:18

“Nde kuimbae, Nabucodonosor mburuvicha guasu Babilonia pegua, täta omombaravɨkɨ isundaro reta opɨ̈ro vaerä Tiro, opa iyatiɨ oyepiro reta, jare ia oyeavoo chugüi reta, ërei jae ave ani isundaro reta ave mbaetɨ mbae oekɨ iyeupeguarä.

DANIEL 4:30

jei: “¿Jaeä pa kuae Babilonia guasu che ayapo chembaepuere rupi vae? ¿Ayapoä pa ko mburuvicha reta jëtarä, jare cheporookuaía imboetea yae vaerä?”

HABACUC 1:6

Caldeaɨgua reta pe ameeta oñeraro vaerä, jae ko ipɨa-pïrimbae yae vae reta, oïndaivi avei oguata vaerä opaete ɨvɨ rupi opɨ̈ro vaerä ɨvɨ ambuae vae.

Hechos 7:4

Jayave Abraham oë iɨvɨ Caldea güi, jare ou oiko Harán pe. Jare tu omano yave, Tumpa güeru joko güi kuae ɨvɨ añave peiko pɨpea pe.