ISAÍAS 23:11 - Biblia Guarani Tumpa Iñee

¹¹ YandeYa omopüa ipo ɨguasu re, omborɨrɨiuka tëta guasu ñavo, jare opa omboaiuka Canaán iñepɨ̈roka reta.

ISAÍAS 23:11 ပူးပေါင်းရင်းမြစ်များ

GÉNESIS 9:25

Jare jei: “¡Cheyepopeyu toï Canaán re! ¡Tembiokuaiasɨ katu toiko tɨkeɨ reta pe!”

SALMOS 46:6

Jäsémbai tëtaguasu pegua reta, orɨrɨi mborookuaía reta, iñee omoë yave, ɨvɨ opa tɨkui.

SALMOS 71:3

Nde eiko avei cheve metei ita guasu rami cheñepɨ̈rokarä, ¡nde reñererökuavee chereroasayepe vaerä! ¡Nde ko jae ita guasu rami cheve vae, jare cheñepɨ̈roa!

ÉXODO 14:21

Jayave Moisés güɨropövee ipopoka ɨguasu re, jare jókuae pɨ̈tu yandeYa ombou ɨvɨtu täta yae vae kuaraɨ oëa kotɨ güi ombosɨrɨ vaerä ɨ oyougüi jare otini, jökorai ɨ oyemboyao opɨta.

ISAÍAS 10:6

Amondota jókuae tëtaguasu iyoa vae kotɨ, jókuae tëtaguasu chemboarasɨuka vae kotɨ, opɨ̈ro vaerä chugüi imbaeyekou reta, oñepɨ̈ro vaerä jese, tuyuapo re oñepɨ̈ro rami.

ISAÍAS 13:13

Echa, ara omokanata, jare ɨvɨ osɨrɨta jenda güi, chearasɨ aitɨta jókuae ara vae jeko pegua, chearasɨ yaeta jókuae ara.

ISAÍAS 14:26

Körai ko oï cheyemongeta opaete ɨvɨ pegua reta re, aïndaivi aï aiporarauka vaerä chearasɨ yae reve, tëtaguasu reta pe.”

ISAÍAS 19:5

Ɨguasu opata tɨpa, iɨ̈aka opata vi tɨpa,

ISAÍAS 2:19

YandeYa opüa jókuae ara oiporarauka vaerä kuae ɨvɨ pe yave, opaete vae oiketa ɨ̈vavira oyeka vae rupi ɨvɨkua rupi; yandeYa kɨɨyea yae güi, iyemboetea tuicha yae vae güi.

ISAÍAS 23:10

Peasa, Tarsis pegua reta, peɨvɨ rupi ɨ̈aka oï vae rupi ɨ oasa rami, echa mbaetɨ yeta ma pembaepuere.

ISAÍAS 23:3

Jembiurä güeru reta yepi iyeupe, temitɨ oñemuña jare oyearɨvo ɨ̈aka Nilo jembeɨ rupi vae güi, jare omaemee reta yepi jeta rupi ïru tëtaguasu reta pe.

ISAÍAS 25:2

Echa tëta guasu opa reeya jendagüeño, tëta guasu oñekëse kavi yae vae opɨta jendagüeño; tovaicho mburuvicha reta jo kavi opa remboai, jare ngaraa ye ma oñemopüa pɨau ye.

ISAÍAS 5:25

Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

ISAÍAS 50:2

¿Maera pa ayu yave, mbaetɨ etei kia aväe chupe? ¿Maera pa aporoenɨi tëi yave, mbaetɨ kia ave omoë iñee? Jae reta iyemongeta pe, mbaetɨ potaecha ndipo aepɨ reta, mbaetɨ potaecha ndipo chepuere ayora reta iyeupe. Cheñee peño ko opa amondɨpa ɨguasu jare ɨ̈aka reta opa amotini; jevae ɨ rupigua reta opa omano ɨ oata jeko pegua.

JEREMÍAS 47:7

Ërei, ¿kërai pa ndepuereta nekïrii yandeYa ko ndeokuai yave? Ndeokuai ko repüa vaerä Ascalón re jare opaete ɨguasu jembeɨ rupigua reta re.

EZEQUIEL 26:10

Mburuvicha guasu Nabucodonosor oike ma neröke rupi metei tëtaguasu pe oike opɨ̈ro vae rami yave, jeta yae oiketa kavayu re vae reta ndeatɨta ɨvɨtimbo pe, kavayu reta jare käretou reta iruera jɨapu pe, omokanata nekësea.

EZEQUIEL 26:4

Omboai retata oguambɨ perëta guasu ikësea, ombosururuta maeka ɨvate vae reta. Ndekuigüe ave opata atupei ndegüi, jare aeyata itape güɨraiño.

EZEQUIEL 31:16

Che amondo yave oyea omanogüe vae reta ndive, jɨapu oa ojo vae pe omokanata tëtaguasu reta. Jare jókuae ɨvɨgüɨ pe ipɨakatuta ɨvɨra reta Edén pegua ipöra yae vae jare oɨu kavi yae vae ɨvɨtɨ Líbano pegua reta.

NAHUM 1:14

Ërei ngatu Tumpa oporookuai ndekotɨ, mburuvicha guasu Nínive pegua: “Mbaetɨta neñemuña, nderee agüɨye vaerä ma jërakua; netumpa reta jo güi amboaita mbae iä reta, joko pe opata roñotɨ, echa oñereröɨrogüe ma ko nde.”

HAGEO 2:7

Jare amborɨrɨita opaete tëtaguasu reta, jare yogüeruta opaete tëtaguasu reta kuae kotɨ imbaeyekou reta ndive; amotɨnɨeta mbae ikavigüe pe kuae o, jei yandeYa Imbaepuere yae ete vae.

ZACARÍAS 14:21

Jare opaete yapepo Jerusalén jare Judá pegua oñeñono teeta yandeYa Imbaepuere yae ete vae peguarä: Yogüeru mbota omee vae reta oiporu vaerä, pɨpe omboyɨ vaerä mɨmba oñererökuaveegüe, jókuae ara mbaetɨta ma omaemee vae yandeYa Imbaepuere yae vae itupao pe.

San Marcos 11:17

Jare jei joko pe ñogüɨnoi vae reta pe: —Tumpa Iñee pe oyekuatía oï körai: “Chero oyembojeeta o yerure pegua opaete ɨvɨ pegua reta peguarä.” Ërei pe reta peyapo ma imonda vae reta iñemía rami.

San Juan 2:16

Jare jei pɨkasu imeea reta pe: —Penoe kuae reta kuae güi. CheRu jo agüɨye peyapo maemee renda.