ISAÍAS 23:1 - Biblia Guarani Tumpa Iñee

¹ Tiro maratuta vae regua: Peräse peyaeo barco Tarsis pegua reta, echa tëta Tiro opa oyemboai, mbaetɨ jembɨre o ave yepe, barco reta iyemboɨa opa vi oyemboai, Quitim kotɨ güi omombeu reta chupe.

ISAÍAS 23:1 ပူးပေါင်းရင်းမြစ်များ

GÉNESIS 10:4

Javán taɨ reta jae: Elisa, Tarsis, Quitim jare Dodanim.

1 REYES 10:22

Echa barco Tarsis pegua mburuvicha guasu güɨnoi vae, Hiram imbae ndive yogüeru metei vese mboapɨ año pe, güeru reve oro, korepoti, elefante jäimbukugüe, machi jare pavo júguai puku ipara vae.

1 REYES 22:48

Josafat oyapouka metei barco Tarsis pegua rami, ojo vaerä güeru oro Ofir güi; ërei mbaetɨ ojo echa opa oyeka Ezión-geber pe.

1 REYES 5:1

Hiram mburuvicha guasu Tiro pegua omondo vi iyɨvɨrigua reta Salomón pɨri, oendu yave oiparavo reta mburuvicha guasurä tu jekovia pe; echa Hiram oaɨu aeño David.

2 CRÓNICAS 9:21

Echa mburuvicha guasu ibarco ojo Tarsis pe oväe Hiram jembiokuai reta ndive, jare mboapɨ añoa pe metei vese ou barco Tarsis güi, güeru oro, korepoti, elefante jäimbukugüe, machi, jare pavo júguai puku ipara vae.

SALMOS 48:7

ɨvɨtuakuvo opa güɨrokomegua Tarsis pegua barco reta rami.

ISAÍAS 15:8

Echa yaeo opa omotɨnɨe ɨvɨ Moab, Eglaim pe ojo oväe jae reta iyaeo, jare tëta Beer-elim pe.

ISAÍAS 2:16

opaete barco Tarsis pegua reta, jare opaete ipöra yae oñemopɨ̈ta vae reta rami vae.

ISAÍAS 23:12

Jare jei Sidón pe: “Ngaraa ma peapirai, Sidón pegua reta, oyuvanga katu kia peré vae reta. Pepüa, peasa vaerä Quitim kotɨ, ërei ngaraa joko pe ave peiko pɨagüive.”

ISAÍAS 23:6

Jei retata: “Pekua Tarsis pe, peräse peyaeo, ɨguasu jembeɨ rupigua reta.”

ISAÍAS 24:10

Tëta guasu opa oñererokomegua ikavimbae pe, mbaetɨ ma yandepuere yaike metei o japɨpe ave.

ISAÍAS 60:9

Jae ko barco guasu reta yogüeru Tumpa kotɨ vae, tenonde ou barco reta Tarsis pegua, güeru reve nemembɨ Israel iñemuña reta mombɨrɨ güi, ioro ndive jare ikorepoti ndive, ndeYa Tumpa, Iyoambae Israel pegua jee re, jae ko ndemboeteuka vae.

JEREMÍAS 2:10

Peasa ɨ päu Quitim kotɨ jare pemae; pemondo kia Cedar pe, omae kavi vaerä jese, jae reta oyapo vi ra, kuae pegua reta rami.

JEREMÍAS 25:15

YandeYa, Israel iTumpa jei cheve: “Eipɨɨ kuae kopa tɨnɨe chearasɨ pe vae, vino pe tɨnɨe rami vae, jare emee toɨu jese opaete tëtaguasu reta romondotaa rupi.

JEREMÍAS 25:22

opaete mburuvicha guasu reta Tiro pegua jare Sidón pegua; jare opaete Ɨguasu Mediterráneo jembeɨ rupigua reta;

JEREMÍAS 47:4

Echa oväe ara filisteo reta okañɨtei vaerä, okañɨteita Tiro jare Sidón güi, imborɨarä opɨta vɨteriño vae.” YandeYa omboaita ko filisteo reta, ɨguasu jembeɨ Caftor kotɨ güi oyakavogüe reta.

EZEQUIEL 26:1

Oncea año re, tenondegua yasɨ re, tenondegua araa pe yandeYa jei cheve:

EZEQUIEL 26:2

“Nde kuimbae, Tiro jei Jerusalén kotɨ: ‘¡Tëta guasu Jerusalén opa oyemboai! Tëtaguasu pegua reta omaemee jare ombaegua yepi pɨpe vae. ¡Añave che mo tayemboikokatu, jae oyemboai oï ramboeve!’

EZEQUIEL 27:30

Jäse retata nderé, neräpiro retata jasɨ katu reve, oñono retata iñäka re ɨvɨkúi, oyapayere retata tanimbu pe.

EZEQUIEL 27:6

Ɨvɨra roble jee vae Basán pegua oyapo reta negüɨ̈raperä; Quitim güi oyereru ɨvɨra pino jee vae oyapete reta vaerä, jare elefante jäimbuku pe omopöra reta.

DANIEL 11:30

Echa oporepeñata jese reta barco pe Quitim pegua reta jare okɨɨye retata, javoi opa yeta oyerova reta iɨvɨ kotɨ. Jayave mburuvicha guasu ɨvɨtuguasu kotɨgua iyarasɨta morogüɨrökuavee päve rupi oñeñono tee reta vae kotɨ jare oyapota jae jeigüe, oyomborɨta morogüɨrökuavee päve omboetembae reta ndive.

JONÁS 1:3

Ërei Jonás opüa otekuarai vaerä yandeYa güi tëta Tarsis kotɨ, jare ojo tëta Jope kotɨ, joko pe oväe metei barco ojota oï Tarsis kotɨ vae; oyemboepɨ jare oyeupi pɨpe ojo vaerä jae reta ndive Tarsis kotɨ, mombɨrɨ yandeYa güi.

NÚMEROS 24:24

Yogüeruta barco reta ɨguasu mbɨte Quitim jee vae kotɨ güi, oiporaraukata Asiria pe jare Heber pe; ërei jae reta opata vi ko okañɨtei jekuae avei pegua.”

San Lucas 10:13

Paravete, nde Corazín. Paravete, nde Betsaida. Echa Tiro jare Sidón pe mona, ayapo mɨakañɨ reta pepɨte pe ayapo vae yave, kuerae yae ma ko jae reta oeyata tëi iyemongeta ikavimbae vae, omonde reve temimonde mbɨatɨtɨ pegua, jare oguapɨ reve tanimbu re.

JOSUÉ 19:29

Joko güi kuae ɨvɨ jembeɨ oyere Ramá kotɨ, jare ojo oväe Tiro tëta guasu oñekëse kavi yae vae pe, jare oyere Hosa kotɨ, jare oë ojo Ɨguasu Mediterráneo pe tëta Aczib kotɨ güi.