ISAÍAS 22:4 - Biblia Guarani Tumpa Iñee

⁴ Jáeramo jae: Pemaeño tayaeo chepɨatɨtɨ yae reve, agüɨye peyemoambeko chembopɨakatu vaerä, kuae cherëta oyemboai vae güi.

ISAÍAS 22:4 ပူးပေါင်းရင်းမြစ်များ

ESTER 4:1

Mardoqueo oikuaa kavi ma oyeapogüe yave, omondoro jemimonde reta, jare oyemonde temimonde mbɨatɨtɨ pegua pe, tanimbu oñono iñäka re jare oë tëta guasu rupi ipɨatɨtɨ yae jare oyaeo jäse reve.

SALMOS 77:2

Chepɨatɨtɨ aï yave aeka cheYa, chekueraimbae reve aupi chepo ayerure pɨ̈tu yave, ërei mbaetɨ aväe mbɨakatu.

ISAÍAS 15:3

Temimonde mbɨatɨtɨ pegua omonde retata oguata kaye rupi. Jo iárambo jare joka guasu rupi oyaeo retata, oyemboasɨkatu yaeta oyaeo reta.

ISAÍAS 33:7

¡Mase, kërai jäseta tëta guasu ikatu pe, omondo imiari jekovia pe vae reta, yogüɨraja mbɨakatu oyapo vaerä vae reta täta oyaeota!

JEREMÍAS 13:17

Ërei mbaetɨ yave peendu kuae, ayaeo vɨarita pepɨapochɨ jeko pegua; cheresaɨ osɨrɨta, echa cheYa imbae vae reta opa oyererajauka tembipɨɨrä.

JEREMÍAS 31:15

YandeYa jei: “Ramá pe oyeendu yaeo, tesaɨ jare yaeo yemboasɨkatu pegua; Raquel ipɨatɨtɨ oï imembɨ reta re, jare mbaetɨ oipota oyembopɨakatuka, echa opa omano reta.”

JEREMÍAS 4:19

¡Chepɨa jasɨ chepɨatɨtɨ güi! ¡Chepɨa ikaviä yae! ¡Mbaetɨ chepuere chekïrii! Aendu mimbɨguasu iñee, jare täsémbai sapúkai ñeraro pegua vae.

JEREMÍAS 6:26

¡Cherëtaɨgua reta, pemonde temimonde mbɨatɨtɨ pegua, peyapayere tanimbu rupi, peyemonde temimonde mbɨatɨtɨ pegua pe jare peyaeo jasɨ katu yae reve, michia jaevaeño vae omano yave oñeäpiro rami; echa oporomokañɨtei vae outa ete ma yandekotɨ!

JEREMÍAS 8:18

Chepɨatɨtɨ yae jeko pegua, chepɨa omano.

JEREMÍAS 9:1

¡Mbae mona cheäka ɨkua rami, jare cheresa ɨesaɨ rami, aäpiro vaerä ara rupi jare pɨ̈tu rupi cherëtaɨgua reta omano vae!

JEREMÍAS 9:18

Jare opaete vae reta jei: ¡Toyogüeru jarembae toyaeo oreré; toyepɨyere yanderesaɨ reta, tiñákɨti yanderesakua!

LAMENTACIONES 2:11

Cheresaɨ veä ma ayaeo mbatee güi, cheɨvɨte pe etei ayandu, jare chepɨa jëogüe yae, aecha ramboeve oyemboai cherëtaɨgua reta jëta guasu; michia okambu vae reta ave omano tëta guasu joka guasu rupi.

EZEQUIEL 21:11

omoembipe güɨnoi vaerä ipo pe. Kɨsepuku jaimbe jare jembipe oï, omee vaerä oporoyuka vae ipo pe.

EZEQUIEL 27:31

Oñeapiasɨ retata nderé, oyemonde retata temimonde mbɨatɨtɨ pegua pe, neräpiro retata jasɨ katu reve.

MIQUEAS 1:8

Kuae re chepɨatɨtɨta jare cheräseta ayaeo, chepɨgüɨraita jare chenandita aguata; cheräse pukuta aiko aguarayaɨmba rami, jare yandu oya ramo vae jäse rami.

San Mateo 2:18

Echa jei: “Ramá pe oyeendu yaeo. Oyeendu oyaeo jasɨ katu reve vae. Raquel oapïro imembɨ reta. Mbaetɨ etei oipota kia ombopɨakatu echa imembɨ reta omano.”

San Mateo 26:75

Jare Pedro imaendúa Jesús jei chupe vae re: “Ndei takareo oñee mbove, mboapɨ ye ma chekuakuta.” Jayave Pedro oë joko güi, jare ipɨatɨtɨ yae reve oyaeo.

San Lucas 1:2

Jókuae iyɨpɨ güive jae reta etei oecha vae reta jökorai omombeu yandeve, jókuae Tumpa iñee omombeu ïru reta pe vae reta.

San Lucas 19:41

Jare Jesús köiño ma ou Jerusalén güi yave, oecha jare oäpiro,