ISAÍAS 22:23 - Biblia Guarani Tumpa Iñee

²³ Jae oïta iñemuña reta omboeteuka vaerä. Añonota täta metei clavo täta oyekutu oï rami.

ISAÍAS 22:23 ပူးပေါင်းရင်းမြစ်များ

ESDRAS 9:8

Jare añave michi pegua nde oreYa Tumpa remboyekuaa ndeporoparareko royeyora vaerä mbovɨ ropɨtagüe pe, remee vaerä oreve jókuae ɨvɨ nde rerökuavee oreve vae, remee ye roï kavi pɨau ye vaerä royeokuai pɨte pe.

ESTER 10:3

Echa Mardoqueo Judáɨgua oiko mburuvicha guasu Asuero jaɨkueguarä; tuicha yae jëtara Judáɨgua reta ipɨte pe, oyeaɨuka yae chupe reta, echa jae oyapo ikavi vaeño jëtaɨgua reta peguarä, oeka yembopɨakatu opaete jókuae ñemuña pegua reta peguarä.

ESTER 4:14

Echa kïriiño repɨta kuae ara rupi yave, Judáɨgua reta pe outa ko yemborɨ ïkotɨa güi; ërei ngatu nde jare nerëtara reta opata pekañɨtei. ¡Güɨramoi jaerä nde reyeparavo mburuvicha guasu jembirekorä!

JOB 36:7

Ngaraa oeya jupi vae reta; oñonota mburuvicha guasu reta iguapɨa pe jekuae avei pegua, jare ombotuichaukata.

ECLESIASTÉS 12:11

Yarakuaa vae reta iñee ko ɨvɨra jakuaroviasɨ vae rami, jare clavo oyekutuasɨ mbae re vae rami ko oporomboe vae reta iñee.

ISAÍAS 22:24

Jese oyembosagüɨuta iñemuña reta, opaete mbaembae ikavigüe rami, oipotagüe tasa, tasa michi vae güive tasa tuicha vae rami.

ISAÍAS 22:25

Jókuae ara, okuéta jókuae clavo täta oyekutu oï tëi rami vae; oyeekɨta jare oata, opaete mbaembae oyembosagüɨu rami oï jese vae oata jare opata oyeka.’ ” Jei yandeYa Imbaepuere yae ete vae.

ZACARÍAS 10:4

Chugüi oëta ita o iguapɨka, etaka o guakapi pegua oñeapɨti jese vae jare güɨrapa ñeraro pegua, jare opaete mburuvicha.

Apocalipsis 3:21

Oporomoamɨri vae pe ameeta oguapɨ vaerä che ndive cheguapɨa pe, che aporomoamɨri jare aguapɨ cheRu ndive iguapɨa pe rami.

1 SAMUEL 2:8

Jae güɨnoe paravete vae mbaravete güi, jare jae güɨnoe paravete vae, ɨtɨ oyemomboa pe oyevɨka vae güi, jare omboguapɨ mburuvicha reta ndive omboguapɨ mburuvicha jenda re omboeteuka vaerä; echa yandeYa imbae ko opaete ɨvɨ iguapɨka, jare jese ko omboguapɨ kuae ɨvɨ.